ورتالىق ساياسي - زاڭ كوميتەتىنىڭ جاۋاپتىسى «جۇڭگو كوممۋنيستىك پارتياسىنىڭ ساياسي -زاڭ قىزمەتى ەرەجەسى» جونىندە تىلشىلەردىڭ سۇراۋىنا جاۋاپ بەردى

  • كەلۋ قاينارى: ىلە گازەتى
  • 03:36:14 24/01/2019

    جۋىردا ج ك پ ورتالىق كوميتەتى «جۇڭگو كوممۋنيستىك پارتياسىنىڭ ساياسي - زاڭ قىزمەتى ەرەجەسىن» باسىپ تاراتتى (تومەندە قىسقاشا «ەرەجە» دەلىنەدى). ورتالىق ساياسي - زاڭ كوميتەتىنىڭ جاۋاپتىسى قاتىستى ماسەلەلەر جونىندە تىلشىلىكتى قابىلدادى.

    سۇراۋ: «ەرەجەنىڭ» جارىققا شىعۋىنداعى ارتقى كورىنىستى تانىستىرا كەتسەڭىز؟

    جاۋاپ: باس شۋجي شي جينپيڭ پارتيا 19 - قۇرىلتايىنىڭ بايانداماسىندا: «زاڭ بويىنشا اكىمشىلىك جۇرگىزۋ قابىلەتىن كۇشەيتىپ، پارتيا باسشىلىعى مەن پارتيا قۇرىلىسىنىڭ ءارقايسى جاقتارىن قامتىعان پارتيانىڭ ىشكى زاڭ - ەرەجە، تۇزىمدەرى جۇيەسىن جەدەل قالىپتاستىرىپ، مەملەكەتتىڭ ساياسي بيلىك ورگاندارىنا قاراتىلعان باسشىلىقتى كۇشەيتۋ جانە جاقسارتۋ كەرەك» دەپ اتاپ كورسەتتى. 2018 - جىلى 2 - ايدا «ورتالىقتىڭ پارتيانىڭ ىشكى زاڭ - ەرەجەلەرىن بەلگىلەۋ قىزمەتىنىڭ ەكىنشى بەس جىلدىق جوسپارىندا (2018 - 2022)» «ەرەجە» شىعارۋ پارتيا 19 - قۇرىلتايىنىڭ رۋحىن دايەكتى تياناقتاندىرىپ، پارتيانىڭ ساياسي - زاڭ ورگاندارىنا باسشىلىعىن كۇشەيتۋ مەن جاقسارتۋداعى ماڭىزدى شاراسى ەتىلىپ، پارتيانىڭ ساياسي - زاڭ قىزمەتىنە باسشىلىعىنان جازباۋ تالاپ ەتىلىپ، پارتيا ورتالىعىنىڭ ساياسي - زاڭ قىزمەتىنە شوعىرلى، ءبىرتۇتاس باسشىلىعى كۇشەيتىلىپ، پارتيانىڭ ساياسي - زاڭ قىزمەتىنە باسشىلىق ەتۋدەگى باعىت، ساياساتتارى ءتۇسىندىرىلىپ، پارتيانىڭ ساياسي - زاڭ قىزمەتىنە باسشىلىق ەتۋ ءتۇزىلىسى مەن مەحانيزمى، نەگىزگى مازمۇنى، ءادىس - تاسىلدەرى جۇيەلىلەندىرىلىپ، پارتكوم ساياسي - زاڭ كوميتەتىنىڭ فۋنكتسيالىق ورنى ايقىندالىپ، ءادىليا ورگاندارىنىڭ زاڭ بويىنشا دەربەس، قىزمەت ۇقىعىن ءادىل جۇرگىزۋىنە قولداۋ كورسەتىلدى جانە كەپىلدىك ەتىلەدى.

    سۇراۋ: «ەرەجەنىڭ» شىعارىلۋى نەندەي ماڭىزدى مانگە يە؟

    جاۋاپ: «ەرەجە» پارتيانىڭ ىشكى نەگىزدىك زاڭ - ەرەجەسى فورماسىندا پارتيانىڭ جاڭا داۋىردەگى ساياسي - زاڭ قىزمەتىنە باسشىلىق ەتۋىن تۇزىمدىك جاقتان جاپپاي جوبالاپ، پارتيانىڭ ساياسي - زاڭ قىزمەتىنە باسشىلىق ەتۋىنە نەگىزدىك ۇستانىم ازىرلەۋدە كەلەلى دە تەرەڭ ءمان الادى. بىرىنشىدەن، «ەرەجەنىڭ» جارىققا شىعۋى ـ پارتيانىڭ ساياسي - زاڭ قىزمەتىنە باسشىلىعىنىڭ زاڭمەن باسقارىلۋ، تۇزىمدەنۋ ورەسىن جوعارىلاتۋدىڭ ىشكى تالابى، جۇڭگوشا سوتسياليستىك تۇزىمدە تاباندى بولۋ مەن ونى دامىتۋدىڭ، مەملەكەتتى جونگە سالۋ جۇيەسى مەن قابىلەتىنىڭ وسىزاماندانۋىن ىلگەرىلەتۋدەگى شەشۋشى ءتۇيىن. ەكىنشىدەن، «ەرەجەنىڭ» جارىققا شىعۋى ـ مەملەكەتتى زاڭمەن جونگە سالۋ مەن پارتيانى تۇزىممەن جونگە سالۋدى جاندى بىرلىككە كەلتىرۋدى جەبەۋدەگى ماڭىزدى شارا بولىپ، بۇل ساياسي - زاڭ قىزمەتىنىڭ ساياسي سيپاتىنىڭ، حالىقتىق سيپاتىنىڭ جانە زاڭدىق سيپاتىنىڭ جوعارى دەڭگەيدە ىشكەرىلەي توعىسۋىن جەبەۋگە ءتيىمدى. ۇشىنشىدەن، ساياسي - زاڭ قىزمەتى پارتيا مەن مەملەكەتتىڭ باياندى تىنىشتىعىنا، «قوس ءجۇز جىلدىق» كۇرەس نىساناسىن جۇزەگە اسىرۋعا سايادى، «ەرەجەنىڭ» جارىققا شىعۋى مەن اتقارىلۋى ساياسي - زاڭ قىزمەتىنىڭ دۇرىس العا باسۋ باعىتىنان جازباۋىنا تۇزىمدىك جاقتان كەپىلدىك ەتىپ، پارتيا مەن مەملەكەت قىزمەتى جالپى جاعدايىنا قىزمەت ەتۋ مەن ونى قامتاماسىزداندىرۋدا اناعۇرلىم ماڭىزدى رول اتقارۋىنا ءتيىمدى.

جاۋاپتى رەداكتور: جازيرا بولاتباي قىزى