بۇقارانى ءتىپتى دە راقات، ءتىپتى دە قولايلى تۇرمىسقا كەنەلتتى

  • كەلۋ قاينارى: ىلە گازەتى
  • 09:49:44 02/02/2019

    

    اۆتونوميالى وبلىستىڭ «پاراساتتى ىلە» قۇرىلىسى جەدەل دامۋدا

    ءتىلشىمىز كاميلا حالمۇرات

 

    «ءبىز اۆتوماتتى ۇگىتۋ ماشيناسى ارقىلى قالاداعى قۇرىلىستان شىققان قوقىر - قوقسىقتى ۇگىتىپ جانە ىدىراتىپ، قالاداعى قوقىر - قوقسىقتان قايتالاما جاساندى قۇم جانە تۇرمىستىق قوقىر - قوقسىقتان جاساندى قۇم ءوندىرىپ، ونى قۇرىلىس ماتەريالىنا اينالدىردىق». 2018 - جىلى 10 - ايدا شينجياڭ جى - يان ورتانى قورعاۋ عىلىم - تەحنيكا شەكتى سەرىكتىگىنىڭ باس القاسى يۇي يىڭجى وسىلاي دەدى. ول تاعى: قۇرىلىستان شىققان قوقىر - قوقسىقتى ۇگىتۋ ماشيناسى ارقىلى ءبىر جاقتى ەتۋ تاپقىرلىق جەتىستىگىن قولدانىلمالى تەحنيكاعا اينالدىرۋ نىسانى 2018 - جىلى «جۇڭگودا جاڭالىق اشۋ، جاڭا كاسىپ ءتۇرىن اشۋدىڭ» شينجياڭ رايونىنداعى ۇزدىك نىسان بولىپ باعالاعاندىعىن ايتتى.

    پارتيا 19 - قۇرىلتايىندا «پاراساتتى قوعامدى» ورتاق قۇرۋدىڭ ۇندەۋى كوتەرىلىپ، اۆتونوميالى وبلىستىق پارتكومنىڭ قىزمەت بايانداماسىندا «جەر ۇيىعى» __ جاڭا ىلە قۇرۋدىڭ كوركەم بولاشاقتىق جوسپارى جاسالىپ، «پاراساتتى ىلە قۇرۋ» ورتاعا قويىلدى. بايانداما: پاراساتتى قوعام قۇرۋدا ماڭىزدى قادام تاستالىپ، سيفرلاندىرۋ، توراپتاندىرۋ، زەردەلەندىرۋ ەكونوميكانى دامىتۋ، الەۋمەتتىك قىزمەت ەتۋ، قوعامدى جونگە سالۋ، حالىق تۇرمىسى سياقتى تۇرمىستىڭ ءارقايسى جاقتارىمەن تەرەڭ توعىستىرىلاتىندىعى اتاپ كورسەتىلدى.

    2018 - جىلى اۆتونوميالى وبلىس تۇرمىس ساپاسىن جاقسارتىپ، قالا قۇرىلىسىن كەمەلدەندىرىپ، حالىققا قولايلىلىق جاراتىپ، حالىقتى تيىمدىلىككە كەنەلتۋ تۇرعىسىنان «زەردەلى اقى تولەۋ +» قولايلى قاتىناس، «زەردەلى اقى تولەۋ +» تۇرمىستىق قولدانىلمالى جۇيەسىن قامتىعان «ينتەرنەت +» زەردەلى اقى تولەۋدى قالىپتاستىرۋعا بارىنشا قۇلشىنىپ، «پاراساتتى ىلە» قۇرۋدى پارمەندى كەپىلمەن قامتاماسىزداندىردى. بانكە كارتۋچكاسىن تەرمينالدىڭ سەزگىر ورنىنا اقىرىن جاناستىرۋ ارقىلى كوشە اۆتوبۋزىنا وتىرۋ بەلەت اقىسىن تولەۋگە بولادى. 2018 - جىلدىڭ سوڭىندا فينانس سالاسنداعى IC كارتۋچكاسى ارقىلى اقى تولەۋ قورعاس اۋدانىندا جالپىلاستىرىلدى، بۇل «زەردەلى اقى تولەۋ» كاسىبىنىڭ اۆتونوميالى وبلىستاعى الەۋمەتتىك قاتىناس سالاسىندا تۇڭعىش رەت پايدالانىلعانىن بەينەلەيدى.

    «ءبىز كوشە اۆتوبۋزىنىڭ بەلەت جابدىعىنداعى ەكىلىك ءنومىردى قولفونمەن جايمالاۋ، بانكە كارتۋچكاسىن، سەنىمدى كارتۋچكانى جاناستىرۋ ارقىلى بەلەت اقىسىن تولەي الامىز، وسى ءتاسىل قورعاس اۋدانىندا ەكى اي قولدانىلىپ، ءونىمى كورنەكتى بولدى، قازىرگە دەيىن وسى تەكتەس اقى تولەۋدى %40 ادام پايدالاندى»، - دەدى شينجياڭ بانكە بىرلەستىگى بولىمشە سەرىكتىگىنىڭ جاۋاپتىسى حۋ جيڭباۋ. ول قازىر سەرىكتىكتەرىنىڭ كوكدالا، قورعاس، قۇلجا قالاسىنداعى الەۋمەتتىك قاتىناس سەرىكتىكتەرىمەن بولعان سەلبەستىگى ۇزدىكسىز تەرەڭدەتىلىپ وتىرعانىن دا ەسكەرتە كەتتى.

جاۋاپتى رەداكتور: گۇلدەن ماقسات قىزى