ەلىمىزدەگى ايگىلى مۇراجايلار

  • كەلۋ قاينارى: ىلە گازەتى
  • 03:10:26 05/02/2019

    گۋگۇڭ مۇراجايى

    بەيجيڭ گۋگۇڭ مۇراجايى، زىجين قورعانى، پاتشا ورداسى _ مەملەكەتتىك 5A دارەجەلى ساياحات كورىنىس رايونى، دۇنيەدەگى بەس ۇلكەن وردا سارايىنىڭ الدىڭعى ورنىن يەلەيتىن الەمدىك مادەني مۇراعات. 1925 - جىلى 10 - ايدىڭ 10 - كۇنى قۇرىلعان، بەيجيڭ گۋگۇڭ زىجين قورعانىنا ورنالاسقان. ميڭ، چيڭ سىندى ەكى ءداۋىردىڭ پاتشا ورداسى، سونداي - اق ەلىمىزدىڭ ۋنيۆەرسالدى مۇراجايى ءارى ەلىمىزدەگى ءبىرشاما كولەمدى ەرتە زامانعى مادەنيەت - كوركەمونەر مۇراجايى. ساقتالعان جالپى مادەني مۇرا سانى ءبىر ميلليون 862 مىڭ 290 دانا. ساقتالعان مۇراعاتتار نەگىزىنەن چيڭ داۋىرىندەگى وردا ساقتامالارىنان كەلگەن، ءبىرىنشى كەزەكتى مەملەكەتتىك وتانشىل تاربيەنىڭ ۇلگى بازاسى. 2014 - جىلى 1 - ايدىڭ 1 - كۇنىنەن باستاپ بەيجيڭ گۋگۇڭ سارايى ءار دۇيسەنبى كۇنى اشىلمايتىن ەتىپ بەكىتىلگەن. 1987 - جىلى «دۇنيە جۇزىلىك مادەني مۇرالار تىزىمدىگىنە» ەنگەن.

    جۇڭگو مەملەكەتتىك مۇراجايى

    قىسقاشا مەملەكەتتىك مۇراجاي دەپ تە اتالادى. بەيجيڭ قالاسىنىڭ ورتالىعى تيان -انمىن الاڭىنىڭ شىعىس جاعىنا ورنالاسقان، حالىق سارايىنىڭ قارسىسىندا. تاريحي جانە كوركەمونەرگە قاتار ءمان بەرىلگەن، جيناپ ساقتاۋ، كورمە، زەرتتەۋ، ارحەولوگيالىق قازبا، الەۋمەتتىك تاربيە، مادەنيەت الماستىرۋ سياقتىلار ءبىر تۇلعالانعان، مەملەكەتتىك مادەنيەت مينىسترلىگىنىڭ باسقارۋىنداعى مۇراجاي. 2013 - جىلدىڭ اياق شەنىنە دەيىن مەملەكەتتىك مۇراجاي قۇرىلىسىنىڭ جالپى اۋماعى 200 مىڭ شارشى مەتر، 48 كورمە زالى، ساقتالعان مادەني مۇرا سانى ءبىر ميلليوننان استام. دۇنيە جۇزىندەگى جەكە تۇلعالىق قۇرىلىس اۋماعى ەڭ ۇلكەن ، جۇڭحۋا تەرريتورياسىنداعى ساقتالعان مادەني مۇرا ەڭ كوپ مۇراجايلاردىڭ ءبىرى. 2017 - جىلى 11 - ايدىڭ 17 - كۇنى مەملەكەت جاعىنان ازامات جاسىنا تولماعانداردىڭ يدەيا - ءمورال قۇرىلىسى قىزمەتىندە العاباسار ورگان بولىپ باعالانعان.

    تايبەي گۋگۇڭ سارايى

    تايبەي گۋگۇڭ سارايى تايبەي گۋگۇڭى، جۇڭشان گۋگۇڭى دەپ تە اتالادى. كولەمدى، ۋنيۆەرسالدى مۇراجاي بولىپ، ەلىمىزدەگى ءۇش ۇلكەن مۇراعات سارايىنىڭ ءبىرى رەتىندە قارالىپ، جۇڭگو ەرتە زامان كوركەمونەر تاريحى مەن حانزۋ ءتىلىن زەرتتەۋگە باسا ءمان بەرەدى. ورنالاسقان ورنى تايبەي گۋگۇڭ سارايى تايبەي قالاسىنىڭ شىلين رايونى 2 - بولەك 221 -ءنومىر. 1962 - جىلى باستاپ سالىنىپ، 1965 – جىلى رەسمي سالىنىپ بولعان. جالپى اۋماعى 16گەكتار. جۇڭگونىڭ ءداستۇرلى وردا ۇلگىسىندەگى قۇرىلىستارىنىڭ جالاڭدىعىنان ساقتانۋ ءۇشىن، نەگىزگى تۇلعالىق قۇرىلىسى 4 قابات بولىپ، قابىرعالارى اق، توبەسى جاسىل قاڭىلتاق كەرپىش بولىپ، الدىڭعى اۋلاسى شىتىر گۇلى فورماسىندا بولىپ كەلەدى. ال مۇراجاي الدىنداعى الاڭدا بەس بولمەلى، التى دىڭگەكتى كوككە قاراعان ەسكەرتكىش قاقپاسى بولادى.

جاۋاپتى رەداكتور: جازيرا بولاتباي قىزى