ورتالىق قازىنا 2 ميلليارد 434 ميلليون يۋان ارناۋلى قارجى ءبولدى

  • كەلۋ قاينارى: شينجياڭ گازەتى تورابى
  • 07:27:26 12/02/2019

    رايونىمىزدىڭ ورمان شارۋاشىلىعى ەكولوگياسىن قورعاۋ قۇرىلىسىن قولدادى

 

    ءتىلشىمىز حي حۇڭۋي 2 - ايدىڭ 10 - كۇنى ۇرىمجىدەن حابارلايدى. ءتىلشى اۆتونوميالى رايوندىق قازىنا مەڭگەرمەسىنەن مىنانى ۇعىستى: ورمان شارۋاشىلىعى ەكولوگياسىن قورعاۋ قۇرىلىسىن قولداۋ ءۇشىن، ورتالىق قازىنا رايونىمىزعا 2 ميلليارد 434 ميلليون يۋان ارناۋلى قارجى ءتۇسىردى. قازىر رايونىمىز ارناۋلى قارجىنى تۇگەلدەي ءارقايسى ايماق، وبلىس، قالالارعا ءبولىپ ءتۇسىرىپ بولدى.

    ۇعىسۋعا قاراعاندا، 2 ميلليارد 434 ميلليون يۋان ارناۋلى قارجى نەگىزىنەن ورمان بايلىعىن باسقارۋعا، ورمان ەكولوگياسى ونىمدىلىگى تولەمىنە، ورمان وسىرۋگە، اپاتتىڭ الدىن الۋعا، اپاتتى ازايتۋعا، ەگىستىكتەن ورماندى، جايلىمدى قالپىنا كەلتىرۋ سياقتى جاقتارعا پايدالانىلادى ەكەن.

    اۆتونوميالى رايوندىق قازىنا مەڭگەرمەسىنىڭ قاتىستى تاراۋىنىڭ جاۋاپتىسى بىلاي دەدى: ورتالىقتىڭ جانە اۆتونوميالى رايوننىڭ مەجە ەسەپ ونىمدىلىگىن باسقارۋدى جاپپاي اتقارۋ تالابى بويىنشا، اۆتونوميالى رايوندىق قازىنا جانە ورمان شارۋاشىلىعى تاراۋى ارناۋلى قارجىنىڭ ونىمدىلىك نىساناسىن ورتاق بەلگىلەپ، ارناۋلى قارجىمەن بىرگە ءارقايسى ايماق، وبلىس، قالالارعا جانە نىسانعا جاۋاپتى ورىندارعا ءتۇسىردى. ءار دارەجەلى قازىنا تاراۋلارى ونىمدىلىك نىساناسىنىڭ اتقارىلۋ جاعدايىنا يكەمدى باقىلاۋ - مەڭگەرۋ جۇرگىزىپ، ناتيجەسىن جان - جاقتىلى باعالايدى. سونداي - اق ءار دارەجەلى قازىنا تاراۋلارى قارجىنىڭ ىزىنە ءتۇسىپ قاداعالاۋ، تەكسەرۋ ءتۇزىمىن قاتاڭ تياناقتاندىرىپ، قارجىنىڭ پايدالانىلۋ بەتالىسى مەن پايدالانىلۋ جاعدايىن دەر كەزىندە ۇعىسىپ جانە مەڭگەرىپ، قارجىنى باقىلاۋ - باسقارۋ تەبىنىن ارتتىرىپ، قارجىنىڭ پايدالانىلۋىنىڭ حاۋىپسىز، ولشەمدى، ءونىمدى بولۋىنا كەپىلدىك ەتەدى.

جاۋاپتى رەداكتور: جازيرا بولاتباي قىزى