قورعاس ەگىن شارۋاشىلىعىندا سىرتقا ەسىك اشۋدا قوماقتى ناتيجە جاراتتى

  • كەلۋ قاينارى: ىلە گازەتى
  • 03:21:56 14/02/2019

 

   ەگىن شارۋاشىلىعىن كاسىپ سالالاندىرۋداعى تىرەكتى كاسىپورىنداردى قولداپ، ساپالى اۋىل شارۋاشىلىق ونىمدەرىن كەدەننەن وتكىزۋگە تاماشا ورتا ازىرلەدى

 

       ءتىلشىمىز شۇي جيەجى حابارلايدى. 2 – ايدىڭ 10 – كۇنى قورعاس ساۋدا – ونەركاسىپشىلەر بىرلەستىگىنىڭ ورىنباسار ءتوراعاسى، قورعاس – جىجياڭ ساۋداگەرلەر بىرلەستىگىنىڭ ۇنەمىلىك ىستەرگە جاۋاپتى باستىعى جانە باس حاتشىسى، قورعاس قالالىق مياندۇيميان حالىقارالىق ساۋدا باسقارۋ شەكتى سەرىكتىگىنىڭ باس ديرەكتورى ۋ جىجىن ۋىنجوۋ قالاسىنا بارىپ، ۋىنجوۋ ەكونوميكالىق ءتۇزىلىس رەفورماسى كوميتەتىنىڭ مەڭگەرۋشىسى ما جينلۇڭ، جٷڭگوداعى ايگىلى ەكونوميست جوۋ دى - ۋىن قاتارلى وقىمىستى - ماماندارعا امانداسا بارىپ، قورعاس قالاسى مياندۇيميان حالىقارالىق ساۋدا باسقارۋ سەرىكتىگىنىڭ اۆتونوميالى رايوندىق ساۋدا كووپەراتيۆىنە قاراستى بولىمشە سەرىكتىكپەن ساۋدا كەلىسىمىن جاساسۋى جانە «HMdMG مياندۇيميان ەگىن شارۋاشىلىق قوسالقى ونىمدەرىن يمپورت – ەكسپورت ەتۋ بازاسىن» بىرگە قۇرۋ جٶنىندەگى قاتىستى پىكىر جانە ۇسىنىستاردى ورتاعا قويدى.

    «ءبىر بەلدەۋ، ءبىر جول» دارىپتەمەسىنىڭ بىرتىندەپ اتقارىلۋىنا ىلەسىپ، قورعاس قالاسى ەل ءىشى، حالىقارا سىندى ەكى ءتۇرلى ءتيىمدى ورتادان، ەكى كولەمدى بازاردان ۇتىمدى پايدالانىپ، ەگىن شارۋاشىلىعىن دامىتۋ فورماسىنا وزگەرىس ەنگىزىپ، ەگىن شارۋاشىلىعى قۇرىلىمىن رەتتەپ، ەگىن شارۋاشىلىعىنىڭ ۇزدىكسىز، اقاۋسىز دامۋ قۋاتىن ءۇرتىس جوعارىلاتىپ، ەكونوميكالىق جاڭا اۋقىمعا تىعىز سەلبەسىپ، استىق جالپى ءونىمىن ورنىقتى ارتتىرىپ، ساپا، ونىمدىلىكتى جوعارىلاتىپ، جاڭالىق اشۋدى جەدەلدەتۋ تالابىنا ساي ەگىن شارۋاشىلىعى، اۋىل – قىستاق رەفورماسىن جاپپاي تەرەڭدەتىپ، ەگىن شارۋاشىلىعى سالاسىنداعى سىرتقا ەسىك اشۋ قىزمەتىن ويداعىداي ورىستەتتى.

    قورعاس باستان – اياق سىرتقا باعىتتالعان ەگىن شارۋاشىلىعىن نەگىزگى تۇلعا ەتۋدەن اۋىتقىماي، ەگىن شارۋاشىلىعىنداعى تىرەكتى كاسىپورىنداردى زور كۇشپەن قولداپ، ساپالى ەگىن شارۋاشىلىق ونىمدەرىن كەدەننەن وتكىزۋگە تاماشا ورتا جاراتۋعا قۇلشىنىپ، ەگىن شارۋاشىلىق ءوندىرىسى ءۇشىن ويداعىداي قىزمەت ەتىپ، ءبىرشاما كورنەكتى ونىمدىلىككە قول جەتكىزدى. قازىرگە دەيىن قورعاس ەكونوميكالىق اشۋ رايونىنداعى (قالا) ەگىن شارۋاشىلىعىنا قاتىستى كاسىپورىن 600 دەن اسىپ، تىرەكتى كاسىپورىن ۇشەۋ بولدى.

    ۋ جىجىن نىق سەنىممەن بىلاي دەدى: وبلىسقا توتە قاراستى اۋدان، قالالاردىڭ ەگىن شارۋاشىلىق قوسالقى ونىمدەرىن ساتۋ ارناسىن اناعۇرلىم كەڭەيتىپ، ەگىن شارۋاشىلىعىنداعى قوسىمشا قۇندى، شارۋالار كىرىسىن ارتتىرۋ ءۇشىن قورعاس ەكونوميكالىق اشۋ رايونى «ۇشكە قىزمەت ەتىپ، بىرگە بەت الۋدى» تياناق ەتىپ، وبلىسقا توتە قاراستى اۋدان، قالالاردىڭ سىرتقا باعىتتالعان ەكونوميكاسىن دامىتۋعا قىزمەت وتەۋ تەكشەسىن بەلسەنە قالىپتاستىرادى.

جاۋاپتى رەداكتور: گۇلدەن ماقسات قىزى