تەحنيكتىڭ جەتەكشىلىك ەتۋى پايدالى بولدى

  • كەلۋ قاينارى: ىلە گازەتى
  • 04:45:06 18/02/2019

 

   ءتىلشىمىز يان جيانشيا حابارلايدى. 2 – ايدىڭ 10 – كۇنى قۇلجا قالاسى توعىراق اۋىلىنىڭ اۋىل شارۋاشىلىق تەحنيگى مايرا يزىم كۇندەگىدەي بۇلدىرگەن ەگىمشىلىگىمەن شۇعىلداناتىن ەگىنشى ۋاڭ شاۋيۇيدىڭ جىلىجايىنا كەلىپ، بۇلدىرگەننىڭ ءوسۋ جاعدايىن بايقاپ، تەحنيكالىق جاقتان جەتەكشىلىك ەتتى.

    كوكتەم مەرەكەسى كەزىندە قۇلجا قالاسىنىڭ اۋىل شارۋاشىلىق تەحنيكتەرى دەمالماي جىلىجايلاردى ارالاپ ەگىمشىلىكپەن شۇعىلداناتىندارعا تەحنيكالىق جاقتان جەتەكشىلىك ەتتى.

    «قازىر - بۇلدىرگەننىڭ گۇل اشاتىن مەزگىلى، مۇنداي گۇلدى وتاۋ كەرەك، ويتپەگەندە ءونىم مولشەرىنە اسەر ەتەدى؛ جىلىجايدىڭ تەمپەراتۋراسىنا كوڭىل ءبولىپ، سۋ قۇرامى مەن ىلعالدىلىعىن ۇيلەسىمدى دەڭگەيدە مەڭگەرۋ كەرەك» دەپ تەحنيكالىق جاقتان جەتەكشىلىك ەتتى مايرا.

    2018 – جىلى 7 – ايدا اۋىلداعى تەحنيكتەردىڭ كومەگىندە ۋاڭ شاۋيۇيدىڭ ەككەن بۇلدىرگەنى جاسىل ازىق – تۇلىك كۋالىگىن الدى، بيىل مايرا ونىڭ جاسىل ازىق – تۇلىك ماركاسىمەن جۇرتقا تانىلۋىن ءۇمىت ەتتى.

    ۋاڭ شاۋيۇي: «تەحنيكتىڭ جەتەكشىلىك ەتۋى پايدالى بولدى. ول - 2014 – جىلدان باستاپ بۇلدىرگەن ەگۋمەن اينالىسقان، باستابىندا 1 قالتقىدا ەكسە، قازىر كەڭەيىپ 7 قالتقىعا، جىلدىق كىرىسى باستاپقى 20 مىڭ يۋاننان 100 مىڭ يۋانعا جەتىپتى. مۇنى تەحنيكتەردىڭ كومەگىنەن بولە قاراۋعا بولمايدى» دەدى.

    ۇعىسۋعا قاراعاندا، قازىر توعىراق اۋىلىندا 110 جىلىجاي بار ەكەن، ءار جىلى مايسا جەتىلدىرۋ، كوشىرۋ، باپتاۋ جانە ءونىم الۋعا دەيىن تەحنيكتەر قىزمەت وتەيتىندىكتەن جىلىجايدا ەگىمشىلىكپەن شۇعىلداناتىن ەگىنشىلەر اۋىل شارۋاشىلىعى جاڭا تەحنيكاسىنان پايدالانىپ، كىرىستەرىن ارتتىرىپ، بايۋ جولىنا ءتۇسىپتى.

جاۋاپتى رەداكتور: جازيرا بولاتباي قىزى