جاڭا «مەملەكەت قىزمەتكەرى زاڭىنىڭ» جارقىن تۇيىندەرى جونىندە

  • كەلۋ قاينارى: ىلە گازەتى
  • 04:09:44 27/02/2019

 

   پارتيا باسشىلىعى كورنەكتىلەندىرىلىپ، ارەكەت شەگى بەلگىلەنىپ، ءوسۋ ارناسى كەڭەيتىلدى

      «زاڭ گازەتىنىڭ» ءتىلشىسى دۋ شياۋ، پراكتيكانت ءتىلشى ياڭ يىڭيۇي

 

    ● جاڭا «مەملەكەت قىزمەتكەرى زاڭىنىڭ» ەڭ كورنەكتى جارقىن ءتۇيىنى ــ پارتيا 18 – قۇرىلتايىنان بەرگى پارتيانى جاپپاي قاتاڭ جونگە سالۋداعى تاجىريبەلەر قابىلدانىپ، پارتيانى جاپپاي قاتاڭ جونگە سالۋداعى ۇتىمدى، كەمەلدى ادىستەر، مەملەكەت قىزمەتكەرلەرىنىڭ ساپاسىن جوعارىلاتۋعا ءتيىمدى شارالار ەنگىزىلىپ، جاڭا ءداۋىردىڭ مەملەكەت قىزمەتكەرلەرىنە قويعان تىڭ تالابى ايگىلەنگەن.

    ● وسى رەتكى «مەملەكەت قىزمەتكەرى زاڭىنا» وزگەرىس ەنگىزۋدىڭ ەڭ ءتۇبىرلى ءتۇيىنى ــ پارتيانىڭ مەملەكەت قىزمەتكەرلەرىنە بولعان باسشىلىق ورنى مەن باسشلىق رولىن، مەملەكەت قىزمەتكەرلەرىن باقىلاۋ قابىلەتىن كۇشەيتۋ.

    ● جاڭا «مەملەكەت قىزمەتكەرى زاڭىندا» ۇنامسىز تىزىمدىك ءتۇزىمىن شىعارىپ، مەملەكەت قىزمەتكەرلەرىنىڭ ارەكەت شەگى بەلگىلەندى، بۇل كۇندەلىكتى باقىلاۋ مەن ۇزاق مەزگىل باقىلاۋدى ۇشتاستىرۋعا، مەملەكەت قىزمەتكەلەرىنىڭ قوسىن قۇرىلىسىن اناعۇرلىم ويداعىداي ىلگەرىلەتۋگە، مەملەكەت قىزمەتكەرلەرىنىڭ قىزمەت وتەۋ تانىمى مەن قىزمەت وتەۋ قابىلەتىن جوعارىلاتۋعا پايدالى.

    ● قىزمەت لاۋازىمى مەن قىزمەت دارەجەسى سىندى قوس جەلى مەملەكەت قىزمەتكەرلەرىنە ءبىرشاما ايقىن ءوسۋ ارناسىن ازىرلەيتىن بولادى، بۇل مەملەكەت قىزمەتكەرلەرىنىڭ، اسىرەسە، نەگىزگى ساتى مەملەكەت قىزمەتكەرلەرىنىڭ ەندىگارى قىزمەت لاۋازىمىن الۋ ءۇشىن مازالانباي، اناعۇرلىم ماماندانعان دامۋ جولىنا تۇسەتىندىگىنەن دەرەك بەرەدى.

    جۋىردا مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 7 – ءماجىلىسى جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ مەملەكەت قىزمەتكەرى زاڭىن» داۋىسقا سالىپ ماقۇلدادى.

    2006 – جىلى 1 – ايدىڭ 1 – كۇنىنەن باستاپ اتقارىلعان «مەملەكەت قىزمەتكەرى زاڭى» مەملەكەت قىزمەتكەرلەرىنىڭ ارەكەت ولشەمىن جۇيەگە تۇسىرەتىن نەگىزدىك زاڭ رەتىندە 13 جىلدى ەڭسەرىپ، مەملەكەت قىزمەتكەرلەرى قوسىنىن عىلمي، دەموكراتيالى، زاڭ بويىنشا باسقارۋعا نەگىزدىك دايەك ازىرلەپ بەردى. ءداۋىردىڭ دامۋىنا ىلەسە، ءبىرسىپىرا جاڭا جاعداي، تىڭ ماسەلەلەردىڭ جارىققا شىعۋىنا بايلانىستى، «مەملەكەت قىزمەتكەرى زاڭىنا» دا ۇيلەسىمدى وزگەرىس ەنگىزۋگە تۋرا كەلدى.

جاۋاپتى رەداكتور: گۇلدەن ماقسات قىزى