ەلىمىز دەنەتاربيە كاسىبىنىڭ قازىرگى جاعدايى

  • كەلۋ قاينارى: ىلە گازەتى
  • 04:37:14 01/03/2019

  

    بي يۋان

 

    تەك سپورتشىلار سانى جەتكىلىكتى بولعاندا عانا، اقاۋسىز دەنەتاربيە بازارى مەن اناعۇرلىم جۇيەلىلەنگەن كاسىپ قۇرىلىمىن قالىپتاستىرۋعا بولادى، الايدا بۇل تۇردەگى باۋلۋ سالىستىرمالى ۇزاق بارىستى قاجەت ەتەدى.

    جۋىق جىلداردان بەرى دەنەتاربيە كاسىبىنىڭ دامۋى جاڭا كوركەيىپ كەلە جاتقان كاسىپتەردىڭ داڭقىن اسىردى. قوعامدى، ەكونوميكانى دامىتۋدىڭ پارمەندى جەبەۋىندە دەنەتاربيە سالاسى دا جەدەل دامۋ ارناسىنا ءتۇستى. مەملەكەتتىك ساناق مەكەمەسى مەن مەملەكەتتىك دەنەتاربيە باس مەكەمەسى 1 - ايدىڭ 8 - كۇنى مەملەكەتتىك ساناق مەكەمەسىنىڭ رەسمي تورابىندا «2017 -جىلى ەلىمىزدەگى دەنەتاربيە كاسىبىنىڭ جالپى كىرىس مولشەرى مەن ارتقان قۇن ساندى مالىمەتى جونىندەگى حابارلاندىرۋىن» جاريالادى. حابارلاندىرۋدا كورسەتىلۋىنشە، 2017 - جىلى دەنەتاربيە كاسىبىنىڭ جالپى كىرىس مولشەرى 2 تريلليون 200 ميلليارد يۋانعا، ارتقان قۇنى 781 ميلليارد 100 ميلليون يۋانعا جەتىپ، جەكە - جەكە %15.7 جانە %20.6 ارتقان. بۇل GDP دىڭ ارتۋ قارقىنىنان نەداۋىر اسىپ ءتۇسىپ، ارتقان قۇنىنىڭ GDP دە ۇستايتىن سالىستىرماسى تۇڭعىش رەت %1 تىك وتكەلدەن وتكەن. مۇنداي ناتيجەنىڭ ارتىنداعى دەنەتاربيە بۇيىمدارى مەن قاتىستى جاساۋ كاسىبى، دەنەتاربيە، دەنە شىنىقتىرۋ، دەمالىس قيمىلى، جارىستىق ويىن كاسىبى سياقتى قاتىستى سالالاردىڭ تۇرلىشە دامۋ دەڭگەيى، دەنەتاربيە كاسىبىنىڭ دامۋ قارقىنى مەن دامۋ قۇرىلىمدارى نازار اۋدارۋعا تاتيدى.

    دەنەتاربيە كاسىبى سىندى ۇلكەن سالادا دەنەتاربيە بۇيىمدارى مەن قاتىستى جاساۋ كاسىبى ءالى دە باسىم ورنىن بەرمەي كەلەدى. 2017 -جىلى جالپى وندىرىلگەنى مەن ارتقان قۇنى جەكە - جەكە ءبىر تريلليون 350 ميلليارد 920 ميلليون يۋان جانە 326 ميلليارد 460 ميلليون يۋانعا جەتىپ، جەكە - جەكە %61.4 جانە %41.8 تىن يەلەگەن. دەنە شىنىقتىرۋ دەمالىسىنىڭ جالپى ءوندىرۋ جانە ارتقان قۇنداعى سالىستىرماسى نەبارى %1.1 قانا بولعان. جالپى ءوندىرۋ مەن ارتقان قۇنداعى سالىستىرماسى جەكە - جەكە دەنەتاربيە كاسىبىنىڭ %2.6 جانە %3.3 ىن يەلەسە، دەنەتاربيەگە باۋلۋ مەن وقىتۋدىڭ سالىستىرماسى جەكە - جەكە %1.6 جانە %3.4 بولعان.

    دەنەتاربيە كاسىبىنىڭ حالىقارالىق دامۋ زاڭدىلىعىنداعى كورسەتكىشىنە قاراعاندا، ءبىر مەملەكەتتىڭ جان باسىندىق GDP ى 8 مىڭ امەريكا دوللارىنا جەتكەن كەزدە، دەنەتاربيە كاسىبى ءبىر رەتكى سەكىرمەلى كەزەڭگە قادام تاستايدى ەكەن. ادامدار كيىم - كەشەك، اس -سۋ، باسپانا، كاسىپ سياقتى تۇرمىستىق قاجەتى قاناعاتتانعاننان كەيىن، تۇرمىس ساپاسىنىڭ نەعۇرلىم الۋان ءتۇرلى، كوپ نەگىزدى بولۋىنا ۇمتىلادى. مۇندايدا دەنەتاربيە كوركەم تۇرمىستىڭ ماڭىزدى مازمۇنىنا اينالىپ، دامۋدىڭ وڭتايلى ءساتىن تابيعي قارسى الادى. ەلىمىزدىڭ دەنەتاربيە كاسىبىنىڭ جۋىق جىلداردان بەرگى دامۋ قارقىنى وسى زاڭدىلىقتى ايعاقتاپ جاتقان سياقتى.

جاۋاپتى رەداكتور: گۇلدەن ماقسات قىزى