اۆتونوميالى وبلىستىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ كەدەي ەمەس اۋدانداردىڭ كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنە قاتىستى 5 تيپتىك دەلو جونىندەگى حابارلاندىرۋى

  • كەلۋ قاينارى: ىلە گازەتى
  • 03:11:06 27/03/2019

    جۋىقتا تۇتاس وبلىستاعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ورتالىق ءتارتىپ تەكسەرۋ كوميتەتىنىڭ، اۆتونوميالى رايوندىق ءتارتىپ تەكسەرۋ كوميتەتىنىڭ جانە وبلىستىق پارتكومنىڭ ورنالاستىرۋى مەن تالاپتارىنا ساي، نازاردى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە شوعىرلاندىرىپ، ارناۋلى وڭاۋدى كۇشەيتىپ، كەدەي ەمەس اۋدانداردىڭ كەدەيلەردى سۇيەمەلدەۋ سالاسىنداعى ءبىر توپ شىرىكتەسۋ جانە ستيل ماسەلەسىن قاتاڭ تەكسەرىپ، ءبىر جاقتى ەتتى. قازىر 5 تيپتىك دەلونى تومەندەگىدەي حابارلاندىرامىز:

    1. تەكەس اۋداندىق حالىق ۇكىمەتىنىڭ بۇرىنعى ورىنباسار اكىمى تۇرسىن تۇرعۇننىڭ كەدەي بۇقارانىڭ سىلكىنىسكە ءتوزىمدى بەيقۇت ءۇي تولىقتاما قاراجاتىن الۋ تولىمدىلىعىن ءوز بەتىمەن كۇشىنەن قالدىرۋ ماسەلەسى. 2013 -جىلى 3 -ايدا تۇرسىن تۇرعۇن قىزمەت ۇقىعىنان پايدالانىپ، وزىمەن جەكە وشپەندىلىگى بار تەكەس قالاشىعى قوسكول قىستاعىنداعى كەدەي بۇقارا ءا XX تىڭ سىلكىنىسكە ءتوزىمدى بەيقۇت ءۇي تولىقتاما قاراجاتىن الۋ تولىمدىعىن ءوز بەتىمەن كۇشىنەن قالدىرعان. سونىمەن بىرگە، تارتىپكە، بەلگىلەمەگە قايشى تاعى باسقادا ماسەلەلەرى ساقتالعان. 2019 -جىلى 1 - ايدا تۇرسىن تۇرعۇنعا پارتيادان، قىزمەتتەن قۋالاۋ جازاسى بەرىلدى، قىلمىسقا ساياتىن ماسەلەلەرى ءادىليا ورگاندارىنىڭ ءبىرجاقتى ەتۋىنە تاپسىرىلدى.

    2. موڭعۇلكۇرە اۋدانى سارقوبى اۋىلى سۋىقتوعاي قىستاعى پارتيا ياچەيكاسىنىڭ بۇرىنعى ورىنباسار شۋجيى نۇرباي تۇردان ۇلىنىڭ بەلگىلەمەگە قايشىلىق جاساپ، ەڭ تومەنگى تۇرمىستى قامتاماسىزداندىرۋ قاراجاتىن الۋ ماسەلەسى. 2010 -جىلى 1-ايدان 2017 - جىلى 4-ايعا دەيىن نۇرباي تۇردان ۇلى قىستاق تۇرعىندار كوميتەتىنىڭ ورىنباسار مەڭگەرۋشىسى مىندەتىن اتقارىپ تۇرعان كەزىندە ۇقىعىنان پايدالانىپ، بەلگىلەمەگە قايشىلىق جاساپ ءوزى جانە وتباسىنداعىلار اتىنان ەڭ تومەنگى تۇرمىستى قامتاماسىزداندىرۋ قاراجاتىنان 46 مىڭ يۋان العان. 2018 - جىلى 12 -ايدا نۇرباي تۇردان ۇلىنا پارتيا ىشىندە قاتاڭ ەسكەرتۋ بەرىلىپ، قىمقىرعان ارام ولجاسى قايتارىپ الىندى.

    3. قۇلجا قالاسى حانبيڭ اۋىلى چىڭپانزى قىستاعى پارتيا ياچەيكاسىنىڭ بۇرىنعى ورىنباسار شۋجيى رىزۋانگۇل وسىماننىڭ بەلگىلەمەگە قايشىلىق جاساپ، حالىقتى اۋقاتتاندىرۋ بەيقۇت ءۇي تولىقتاما قاراجاتىنان يگىلىكتەنۋ ماسەلەسى. 2016 - جىلى 3-ايدا رىزۋانگۇل وسىمان بەلگىلەمەگە قايشىلىق جاساپ قىستاق تۇرعىنى تۇ XX اتىنان 33 مىڭ 500 يۋان بەيقۇت ءۇي تولىقتاما قاراجاتىنان يگىلىكتەنگەن. سونىمەن بىرگە تارتىپكە قايشى باسقا دا ماسەلەلەرى ساقتالعان. 2019 -جىلى 1-ايدا رىزۋانگۇل وسىمانعا پارتيادان قۋالاۋ، قىزمەت دارەجەسىن تومەندەتۋ جازاسى بەرىلىپ، قىمقىرعان ارام ولجاسى قايتارىپ الىندى.

جاۋاپتى رەداكتور: جازيرا بولاتباي قىزى