ويما سۋرەت سالاسىنداعى شۇعىلالى تابىس

  • كەلۋ قاينارى: ىلە گازەتى
  • 04:53:45 02/04/2019

    -ىلە ويما سۋرەت تۋىندىلارىنا نازار (2)

    

    20 -عاسىردىڭ 80 - جىلدارىنداعى ىلەنىڭ ويما سۋرەتتە قول جەتكىزگەن كورنەكتى تابىسى جونىندە ءسوز بولسا، بۇل ءبىزدى كۇنى بۇگىنگە دەيىن تەبىرەنتىپ، اسقاق سەزىمگە بولەيدى.

    سوناۋ 1978 - جىلى ەلىمىزدىڭ ايگىلى ويما سۋرەت شەبەرى لي چۇن مىرزا ۇسىنىسپەن ىلەگە كەلىپ، كوركەمونەر تۋىندىلارىن جيناپ، كۋرس اشىپ لەكسيا سويلەگەن ەدى. بۇل ىلەدە تۇڭعىش رەت اشىلعان ويما سۋرەت جاسامپازدىعىنا تاربيەلەۋ كۋرسى بولاتىن. 40 نەشە كۇندىك شوعىرلى كۋرستا لي چۇن مىرزا كوركەمونەرلىك تالانتى جانە قىزمەت پوزيتسياسىمەن ىلەدەگى ويما سۋرەتكە قىزىعۋشىلارعا تەرەڭ اسەر قالدىرعان - دى. 1979 - جىلى ىلەدەگى ويما سۋرەت شەبەرلەرى تۇڭعىش رەت شينجياڭنان شىعىپ، 70 تەن استام تۋىندىسىن ىلگەرىندى - كەيىندى لانجوۋ، شي - ان، باۋجي، چۇڭچيڭ سياقتى جەرلەردە ارالاپ كورمەگە قويىپ قايتقان ەدى.

    1982 - جىلى ەلىمىزدىڭ ايگىلى ويما سۋرەت شەبەرى گۋ يۋان مىرزا ويما سۋرەت تۋىندىلارىنان ىلەدە كورمە اشقان - دى. گۋ يۋاننىڭ ىلەدەگى ويما سۋرەت كورمەسى ىلە ويما سۋرەتشىلىگى جونىنەن الىپ ايتقاندا ماڭىزدى ىلگەرىلەتۋشىلىك رول اتقاردى. سودان كوپ وتپەي، ىلە ويما سۋرەت زەرتتەۋ قوعامى «ىلە ويما سۋرەتتەرى» البومىن شىعاردى. بۇل ىلەنىڭ ويما سۋرەت كوركەمونەرىنىڭ قوعامدىق ىقپالىن اناعۇرلىم كەڭەيتە ءتۇسىپ، ىلەنىڭ ويما سۋرەت كاسىبىنىڭ گۇلدەنىپ دامۋىن ىلگەرىلەتتى.

    1988 - جىلى ىلە ويما سۋرەت تۋىندىلارى جيناعى تۇڭعىش رەت بەيجيڭ ۇلتتار مادەنيەت سارايىندا كورمەگە قويىلىپ، بەيجيڭنىڭ ءار سالاسىنداعى بۇقارا مۇنى قۋانا تاماشالادى ءارى ىلەنىڭ ويما سۋرەتىنە جوعارى باعا بەردى.

جاۋاپتى رەداكتور: جازيرا بولاتباي قىزى