كورشىلەس ەلدەر زور دامۋ ورايىنا ءدوپ كەلدى

  • كەلۋ قاينارى: ىلە گازەتى
  • 03:45:11 07/04/2019

    حۋ ي - شان (مالايزيا)

    

    «ءبىر بەلدەۋ، ءبىر جول» دارىپتەمەسى قوس باعىتتى بولىپ، ەل - ەلدىڭ سەلبەسە تەڭ يگىلىك جاراتۋىن، قول ۇستاسا ىلگەرىلەۋىن جەبەيدى. جۇڭگونىڭ جەدەل دامۋ ۇردىسىنە ىلەسىپ، «ءبىر بەلدەۋ، ءبىر جولعا» بەلسەنە ات سالىسىپ، اناعۇرلىم كوپ ەلدەردىڭ ساۋدا - ساتتىق جاقتارىندا بارىس- كەلىس جاساسىپ، ءتىپتى دە كەڭ بازار اشۋىن ءۇمىت ەتەمىز.

    

    «ءبىر بەلدەۋ، ءبىر جول» سەلبەستىك جوباسى بويىنشا شىعىس وڭتۇستىك ازيا ەلدەرىنىڭ جۇڭگومەن ساۋدا - ساتتىق قاتىناسى بارعان سايىن قويۋلاي ءتۇستى. مىسالعا مالايزيانى الار بولساق، جۇڭگونىڭ گۋاڭشي اۆتونوميالى رايونى چينجوۋ قالاسى مەن مالايزيانىڭ كۋاندان قالاسىندا ەكى بىردەي ونەركاسىپ باقشاسى ەڭسە كوتەرىپ، ەكى ەل ونەركاسىبىنىڭ دامۋىن ىلگەرىلەتىپ، ءار ەكى جاق ساۋدا قاتىناسىن تاعى دا تىڭ بەلەسكە كوتەردى.

    مالايزيا ساباح وبلىسىنىڭ مالايزيا - جۇڭگو دوستىق سەلبەستىك قوعامى ءتوراعاسىندىق سالاۋاتىممەن «ءبىر بەلدەۋ، ءبىر جول» دارىپتەمەسىنىڭ حالىق جۇرەگىن توعىستىرۋدى ىلگەرىلەتۋگە بولعان رولى تۋرالى سەزىنگەندەرىم كوپ. ساباح وبلىسى مالايزيا، جۇڭگو دوستىق قوعامى جۇڭگودان كەلگەن كوپتەگەن كوركەمونەر ۇيىرمەلەرىن قابىلداۋمەن بىرگە، مالايزيا جاستارىن دا جۇڭگوعا تاجىريبە اۋىستىرۋعا، ۇيرەنۋگە جىبەرىپ، مالايزيا - جۇڭگو سىندى ەكى ەلدىڭ مادەنيەت، ساۋدا - ساتتىق، وقۋ - اعارتۋ سياقتى سالالارداعى اۋىس - كۇيىسىن بىرگە ىلگەرىلەتىپ كەلەدى.

    جۇڭگونىڭ شيامىن ۋنيۆەرسيتەتى مالايزيادان بولىمشە مەكتەپ قۇردى. شەتەلدەن اشىلعان تۇڭعىش جۇڭگو ۋنيۆەرسيتەتى بولۋ تۇرعىسىنان بۇل مەكتەپ ەكى ەل حالقىنىڭ تىلەگى توعىسقاندىعىنىڭ بەلگىسىنە اينالدى. ەكى ەل وقۋ - اعارتۋ قۇرىلىمدارىنىڭ كوپتەگەن سالادا تىڭ ءورىس اشا سەلبەستىك ورناتۋىنا بولادى. اناعۇرلىم كوپ جۇڭگو ۋنيۆەرسيتەتتەرىنىڭ مالايزياعا كەلىپ بولىمشە مەكتەپ اشۋىن نەمەسە زەرتتەۋ مەكەمەلەرىن قۇرۋىن ءتورت كوزبەن كۇتەمىن.

    2015 - جىلى 3 - ايدا بو - اۋ ازيا تالقى مىنبەسىنىڭ جىلدىق ماجىلىسىنە ۇسىنىسپەن قاتىناستىم. جۇڭگونىڭ مەملەكەت ءتوراعاسى شي جينپيڭ جىلدىق ءماجىلىستىڭ اشىلۋ سالتىنا قاتىناستى ءارى وي سالارلىق لەكسيا جاساپ، «ءبىر بەلدەۋ، ءبىر جولدىڭ» تەرەڭ ءمانىن ەگجەي - تەگجەيلى ءتۇسىندىردى.

    2018 - جىلى 4 - ايدا كورىكتى حاينان ارالىنا تاعى ءبىر مارتە قادام باسىپ، بو - اۋ ازيا تالقى مىنبەسىنىڭ جىلدىق ماجىلىسىنە تاعى قاتىناستىم. بۇل رەتكى ءماجىلىس اياقتاعان سوڭ كوپ وتپەي، جۇڭگو ۇكىمەتى دەرەۋ 59 مەملەكەتتىڭ ازاماتتارى حاينان ولكەسىنە ساياحاتتاي كەلەر بولسا، شەكارادان ۆيزاسىز كىرۋىنە بولاتىندىعىن جاريالادى. بۇل قۋانىشتى حاباردى ەستىگەندە بارىنشا شاتتاندىم. ۆيزا جاعىنداعى قولايلىلىق جۇرتشىلىق ورتاسىندا ءوزارا قارىم - قاتىناس جاساۋعا دەم بەرىپ، كوپتەگەن قولايلىلىقتار اكەلدى دەپ بىلەمىن.

جاۋاپتى رەداكتور: جازيرا بولاتباي قىزى