قازاقستاندا ەلەكتروندىق ساۋدانىڭ دامۋ اياق الىسى تەبىندى

  • كەلۋ قاينارى: ىلە گازەتى
  • 03:47:25 07/04/2019

    قازاقستان ينفورماتسيا جانە حابار مينيسترلىگىنىڭ جاۋاپتىسى داۋرەن ابايەۆتىڭ ۇكىمەت قىزمەتى ماجىلىسىندەگى تانىستىرۋىنا قاراعاندا، 2018 - جىلى قازاقستاننىڭ ەلەكتروندىق ساۋدا ىستەرى كەلىسىم مولشەرى كورنەكتى ارتقان. كەزەكتە جىلجىمالى تولەۋ الەمنىڭ دامۋ بەتالىسىنا اينالىپ وتىر، قازاقستان بۇعان توتەنشە نازار اۋداردى، سونداي – اق سايكەستى سالالاردا بەلسەنە سىناق ەتتى.

    جۋىق جىلداردان بەرى قازاقستاننىڭ ەلەكتروندىق ساۋدا بازارىندا قۇپتارلىق جاعداي بەلەڭ بەردى. قازاقستان جاقتىڭ ساندى مالىمەتىنىڭ كورسەتۋىنشە، 2018 – جىلى توراپ ارقىلى ساۋدا جاساعان ادام سانى 2 ميلليون 320 مىڭعا جەتىپ، ۇقساس مەزگىلدەن 18% ارتقان، ەلەكتروندىق ساۋدا بازارى اۋماعى 226 ميلليارد تەڭگەنى (مولشەرمەن 600 ميلليون امەريكا دوللارى) كورسەتىپ، ەل ىشىندەگى تەز پوچتا جولداماسى 36 ميلليون رەتكە جەتىپ، وتكەن جىلمەن سالىستىرعاندا 60% جوعارىلاعان. مامانداردىڭ مەجەسىنە نەگىزدەلگەندە، 2020 – جىلعا بارعاندا قازاقستاننىڭ ىشكى ەلەكتروندىق ساۋدا بازارى اۋماعى 2 ميلليارد امەريكا دوللارىنا جەتەتىن كورىنەدى.

    كەزەكتە مەملەكەتتى وسىزامانداندىرۋ اياق الىسىن ىلگەرىلەتىپ، ەلدىڭ باسەكەلىك قۋاتىن ارتتىرۋ ءۇشىن، «سيفرلاندىرۋ» - قازاقستاننىڭ بولاشاق دامۋىنداعى 5 ماڭىزدى بەتالىستىڭ ءبىرى ەسەپتەلىنىپ، ۇكىمەت بۇل جونىندە «سيفرلى قازاقستان» مەملەكەتتىك جوباسىن بەلگىلەدى.

    قازاقستان - جۇڭگو ساۋداسىن ىلگەرىلەتۋ قوعامىنىڭ جاۋاپتىسى قانات بەيسەك ۇلى تىلشىگە: «عالامتور ابونتتارىنىڭ زور مولشەردە ارتۋى _ قازاقستاننىڭ ەلەكتروندىق ساۋداسىنىڭ تەز ەڭسە كوتەرۋىنىڭ ماڭىزدى شارتى» دەپ جاۋاپ بەردى. 2013 – جىلى قازاقستان عالامتور ابونتتارىنىڭ سانى شامامەن 9 ميلليون 200 مىڭ ادام بولىپ، 2017 – جىلعا كەلگەندە بۇل سان 13 ميلليون 900 مىڭ ادامعا ءۇرتىس جوعارىلاپ، مولشەرمەن جالپى ادام سانىنىڭ 77% ىن يەلەگەن. «مەيلى ابسوليۋتتى ءمان، الدە ابونت سالىستىرماسى جاعى بولسىن، قازاقستان توراپكەرلەرىنىڭ سانى شامامەن ازياداعى بەس مەملەكەتتىڭ الدىڭعى قاتارىنا وتكەن».

    ەلەكتروندىق ساۋدانىڭ دامۋىن ىلگەرىلەتۋ ءۇشىن، قازاقستان مەملەكەتتىك پوچتا سەرىكتىگى تەكشە اشىپ، الماتى، استانا جانە اقتوبەدەن 3 زات اينالىمى ورتالىعىن قۇرىپ، تۇلعالىق قىزمەت وتەۋدى جەبەدى. ابايەۆتىڭ اتاپ كورسەتۋىنشە، پوچتالىق قىزمەت وتەۋدى جاقسارتۋ ارقىلى زات اينالىمى قارقىنىن زور دارەجەدە جوعارىلاتپاق. قازاقستان ەل ءىشى پوچتا جولدامالارىنىڭ جەتكىزىلۋ ۋاقىتى اۋەلگى ءۇش كۇننەن ءبىر كۇنگە، حالىقارالىق جولدامالاردىڭ جەتكىزىلۋ مەرزىمى اۋەلگى 25 كۇننەن 15 كۇنگە قىسقاردى. بۇدان سىرت، قازاقستان ۇكىمەتى ەلەكتروندىق ساۋدامەن شۇعىلداناتىن كاسىپكەرلەرگە باجى جاعىنان جەڭىلدىكتەر جاساپ، بۇل جاڭا ساياسات 331 ساۋداگەرگە پايدا جەتكىزدى.

جاۋاپتى رەداكتور: جازيرا بولاتباي قىزى