اۆتونوميالى رايوندىق قازىنا اقىنى تومەندەتۋ، اۋىرتپالىقتى جەڭىلدەتۋ تەبىنىن كۇشەيتتى

  • كەلۋ قاينارى: شينجياڭ گازەتى تورابى
  • 04:06:25 07/04/2019

    2018 - جىلدان بەرى كاسىپورىندار مەن قوعامنىڭ شامامەن 60 ميلليون 350 مىڭ يۋان اۋىرتپالىعى جەڭىلدەتىلدى

 

    ءتىلشىمىز حي حۇڭۋي 4 - ايدىڭ 3 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق قازىنا مەڭگەرمەسىنەن ۇعىسۋىنشا، اۆتونوميالى رايوندىق قازىنا اقىنى تومەندەتۋ، اۋىرتپالىقتى جەڭىلدەتۋ شارالارىن تياناقتاندىرۋ تەبىنىن كۇشەيتىپ، 2018 - جىلدان بەرى جالپى كاسىپورىندار مەن قوعامنىڭ شامامەن 60 ميلليون 350 مىڭ يۋان اۋىرتپالىعىن جەڭىلدەتكەن.

    اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسىنىڭ تانىستىرۋىنا قاراعاندا، اقىنى تومەندەتىپ، اۋىرتپالىقتى جەڭىلدەتۋ شاراسى ءبىر ءبولىم ۇكىمەتتىك قور جيۋ ولشەمىن تومەندەتۋدى، ءبىر ءبولىم اكىمشىلىك، ءىسورىن سيپاتتى اقىنى توقتاتۋدى، الماۋدى، ءبىر ءبولىم كاسىپ سالالارىنىڭ قىزمەت وتەۋ اقىسىن تومەندەتۋدى قاميتدى، مۇنداعى ماقسات − ناقتى ەكونوميكانىڭ تيپىن جاڭالاپ، ورەسىن كوتەرۋدى جەبەپ، بازاردىڭ ومىرشەڭدىك قۋاتى مەن قوعامنىڭ جاسامپازدىق قۋاتىن كۇش سالا قاۋلاتۋ.

    قازىرگە دەيىن اۆتونوميالى رايون ۇكىمەتتىك قور جانە اكىمشىلىك، ءىسورىن سيپاتتى اقى الۋ تۇرىنەن 83ىن عانا ساقتاپ قالدى، مۇنىڭ ىشىندە 48 ءتۇرى كاسىپورىنعا سايادى.

    ۇعىسۋعا قاراعاندا، 2018 - جىلى 4 - ايدىڭ 1 - كۇنىنەن باستاپ اۆتونوميالى رايوندىق قازىنا مۇگەدەكتەردى قامتاماسىزداندىرۋ اقى ولشەمنىڭ جوعارى شەگىن جەرگىلىكتى ورىننىڭ قوعامدىق ورتاشا ەڭبەكاقىسىنىڭ 3 ەسەسىنەن 2 ەسەسىنە تومەندەتكەن. مۇنىڭ ىشىندە، ادام ىستەتۋشى ورىننىڭ قىزمەت ىستەپ جاتقان قىزمەتكەرلەرىنىڭ ورتاشا ەڭبەكاقىسى جەرگىلىكتى ورىننىڭ قوعامدىق ورتاشا ەڭبەكاقىسىنىڭ 2 ەسەسىنەن (قامتيدى) اسپاعاندارىنان ادام ىستەتۋشى ورىننىڭ قىزمەت ىستەپ جاتقان قىزمەتكەرلەرىنىڭ ورتاشا ەڭبەكاقىسى بويىنشا الادى؛ جەرگىلىكتى ورىننىڭ قوعامدىق ورتاشا ەڭبەكاقىسىنىڭ 2 ەسەسىنەن اسقاندارىنان جەرگىلىكتى ورىننىڭ قوعامدىق ورتاشا ەڭبەكاقىسىنىڭ 2 ەسەسى بويىنشا الادى، اۆتونوميالى رايوننىڭ قوعامدىق ورتاشا ەڭبەكاقى ورەسىنە، اۆتونوميالى رايوننىڭ ەكونوميكالىق جاعدايىنا جانە كاسىپ سالاسىنىڭ ورنالاسۋ جاعدايى بويىنشا ەسەپتەگەندە، ءار جىلى قوعامنىڭ جانە كاسىپورىنداردىڭ 18 ميلليون 400 مىڭ يۋان اۋىرتپالىعىن جەڭىلدەتۋگە بولادى ەكەن. ازاماتتىق كۋالىكتى تۇڭعىش رەت ءوتىنىش ەتىپ العانداردان وزىندىك قۇن اقىسىن الۋدى توقتاتقاننان كەيىن، بۇرىنعى جىلدارداعى تۇڭعىش رەت ءوتىنىش ەتىپ الۋ وزىندىك قۇنى بويىنشا ەسەپتەگەندە، جىلىنا 9 ميلليون 200 مىڭ يۋان از الىنادى ەكەن.

    2018 - جىلى 4 - ايدىڭ 5 - كۇنىنەن 6 - ايدىڭ 5 - كۇنىنە دەيىن، رايونىمىز تاس جولدا حيميالىق تىڭايتقىش تاسىمالداۋ ماشينالارىنان سالماعى بويىنشا اقى الۋ ولشەمىن تومەندەتىپ، كاسىپورىنداردان جالپى 14 ميلليون 800 مىڭ يۋان ازايتقان، كەشىرىم ەتكەن. بۇل شارا اۋىل شارۋاشىلىق ءوندىرىس قۇرال - جابدىقتارىنىڭ اينالىس قۇنىن تومەندەتىپ، حيميالىق تىڭايتقىش باعاسىنىڭ جوعارىلاۋ قىسىمىن جەڭىلدەتىپ، كوكتەمگى ەگىس ءوندىرىسىن قامتاماسىز ەتتى.

    سونىمەن بىرگە، اۆتونوميالى رايوندىق قازىنا مەڭگەرمەسى اۆتونوميالى رايوندىق دامۋ جانە رەفورما كوميتەتىمەن بىرلەسىپ رايونىمىزدىڭ ەرەكشە جابدىقتارىن تەكسەرۋ - ولشەۋ اقى ولشەمىن تومەندەتۋ جانە ءبىر ءبولىم اقى الۋ ساياساتىن كەمەلدەندىرۋ جونىندە حابارلاندىرۋ باسىپ تاراتىپ، ەرەكشە جابدىقتاردى تەكسەرۋ - ولشەۋ اقىسىنان 4 ۇلكەن ءتۇر بويىنشا 37 ءتۇرلى اقى الۋ ولشەمىن تومەندەتىپ، ءار جىلى كاسىپورىنداردىڭ 17 ميلليون 950 مىڭ يۋان اۋىرتپالىعىن جەڭىلدەتكەن.

    وسى جاۋاپتى ادام بىلاي دەدى: اقىنى تومەندەتۋ، اۋىرتپالىقتى جەڭىلدەتۋ شارالارىنىڭ اتقارىلۋىنا سايكەسىپ، قازىنا تاراۋلارى بەلەت - كۋالىك وتكەلىن مىقتاپ يگەرىپ، ۇتىمدى سايكەسە اتقارىپ، قاتاڭ باقىلاپ - باسقارىپ، اۆتونوميالى رايونداعى ءتۇرلى كاسىپورىنداردىڭ ەكونوميكالىق قيمىلعا قاتىناسۋىنداعى ءتۇرلى وزىندىك قۇنىن شىنايى تومەندەتىپ، اۆتونوميالى رايوننىڭ ناقتى ەكونوميكاسىنىڭ ومىرشەڭدىك كۇشىن اناعۇرلىم تاسقىنداتۋ ءۇشىن تاماشا راي قالىپتاستىرادى.

جاۋاپتى رەداكتور: جازيرا بولاتباي قىزى