ءبىر - بىردەن سۇيەمەلدەۋ ارقىلى وتباسى قيىنشىلىعى بار وقۋشىلارعا مەيىر باعىشتادى

  • كەلۋ قاينارى: ىلە گازەتى
  • 04:35:18 10/04/2019

    قيمىل بارىسىندا قىزمەتكەرلەر قىستاقتاعى 40 نەشە بالاعا مادەنيەت جانە دەنەتاربيە بۇيىمدارى مەن كىتاپ ۇسىندى؛ وسى قىستاقتاعى وتباسى قيىنشىلىعى بار 13 وقۋشىمەن تۋىستىق قاتىناس ورناتىپ، ءارقايسىسىنا 600 يۋاننان جىلۋ اقشاسىن ۇسىندى.

    پيڭ ـ ان پۋحۇي ينفورماتسيالىق قىزمەت وتەۋ شەكتى سەرىكتىگىنىڭ قۇلجا قالاسىنداعى بولىمشەسىنىڭ قىزمەتكەرى جاڭ دايليان - وسى رەتكى قيمىلدىڭ ۇيىمداستىرۋشىسى، ول تىلشىگە: «بۇگىن قىستاقتاعى وقۋشىلارعا ۇيرەنۋ بۇيىمدارىن اكەلىپ بەرىپ، ولاردى جاقسى وقۋعا شابىتتاندىردىق، بۇدان تىس، وتباسى قيىنشىعى بار 13 وقۋشىمەن تۋىستىق قاتىناس ورناتتىق، الدا ولاردى ۇزاق ۋاقىت سۇيەمەلدەيمىز» دەدى.

    «بۇل 13 وقۋشى قازىر مەكتەپ قۇشاعىندا ءبىلىم الۋدا، ءبىر - بىردەن سۇيەمەلدەۋ فورماسىمەن ولار ورتالاۋدى بىتىرگەنگە دەيىن كومەككە يە بولادى. وتباسىندا قيىنشىلىعى بار وقۋشىلارعا شامانىڭ جەتىسىنشە مەيىر باعىشتاپ، ولاردىڭ الاڭسىز وقۋىنا كومەكتەسەمىز» دەدى جاڭ دايليان.

    تۋىستىق قاتىناس ورناتۋ بارىسىندا قيىنشىلىعى بار وقۋشىلارمەن بىرگە سۋرەتكە ءتۇسىپ، ەستەلىك قالدىردى، اتا ـ انالارىمەن ءوزارا بايلانىس نومىرلەرىن قالدىردى، وتباسى جاعدايىن ۇعىستى... ىقىلاستى جىلى لەبىز ارقىلى ولار بەيتانىس ادامنان تۋىسقا اينالدى، جۇرەك جىلىتار لەبىزدەر ەكى ۇلتتى تىعىز قاۋىشتىرىپ، قويۋ سۇيىسپەنشىلىك ورناتىلىپ، جاۋاپكەرلىك كۇشەيە ءتۇستى.

    تۋىسىمەن جاڭا تانىسقان قىستاق تۇرعىنى گۇلسىن ءالي تىلشىگە: ەكى بالامىز بار، ۇلكەن قىزىم مۇگەدەك، كىشى قىزىم باستاۋىشتىڭ ەكىنشى جىلدىعىندا وقيدى، وتباسىمنىڭ نەگىزگى ەكونوميكالىق قاينارى 6 مۋ جەر مەن جولداسىمنىڭ ەڭبەك ەتىپ تاپقان كىرىسىنەن كەلەدى، ءۇپى ـ ءتاپى تۇرمىس كەشىرىپ كەلەمىز، ـ دەدى.

    «بۇگىن مەيىرىمدى جاندار كىشى قىزىمدى سۇيەمەلدەۋ وبيەكتىسى ەتىپ، وتباسىمىزدىڭ ەكونوميكالىق اۋىرتپالىعىن جەڭىلدەتتى. بۇدان بىلاي مەن قىزىمدى جاقسى تاربيەلەپ، ونى ءوز ءىس ـ ارەكەتى ارقىلى قوعامعا ۇلەس قوسۋعا باۋلىپ، ىزگىلىكتى جالعاستىرا بەرەمىز» دەدى گۇلسىم تىلشىگە.

    جوعارىداعى سۋرەتتە: مەيىر باعىشتاعان قىزمەتكەرلەر وقۋشىلارعا كىتاپ ۇسىنۋدا.

    شيە چىن فوتوسى

جاۋاپتى رەداكتور: جازيرا بولاتباي قىزى