دالمە - ءدال شارا قولدانىپ، كەدەيلىكتەن ارىلتۋدان قامال الۋدىڭ ”ەڭ سوڭعى ءبىر شاقىرىم“ىن ىركىلىسسىزدەندىردى

  • كەلۋ قاينارى: شينجياڭ گازەتى توربى
  • 09:35:30 11/04/2019

  

 − بۇراتالا وبلىستىق دامۋ - رەفورما كوميتەتىنىڭ اراسان اۋدانى اڭگىلىك قالاشىعى بۇمبۇت قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“  قىزمەت اترەتى جونىندە

 ءتىلشىمىز چىڭ يۋەيۋە

 

    ”قاراڭىزشى، ءبىز مىنا كوك ماتاعا گۇل، ت .ب ورنەكتەردى كەستەلەپ شىعىپ ەدىك، ءۇي جيھازدارىن اشەكەيلەيتىن ءساندى شۇپەرەك اشەكەيگە اينالدى“. 3 - ايدىڭ 28 - كۇنى اراسان اۋدانى اڭگىلىك قالاشىعى بۇمبۇت قىستاعىنداعى شاڭىراق اتىنداعى وتباسىلىق قولونەركاسىبى شارۋالار كاسىپتىك سەلبەستىك كووپەراتيۆىنىڭ القا مەڭگەرۋشىسى تورەقان ومار ۇلى بىلاي دەدى: ”قازىر ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتى الىپ بەرگەن كومپيۋتەرمەن كەستە تىگۋ ماشيناسىنىڭ ارقاسىندا، سەلبەستىك كووپەراتيۆىمىزدىڭ ءوندىرىس ونىمدىلىگى بۇرىنعىدان بارىنشا جوعارىلاپ، تابىسى ۇزدىكسىز ارتتى“.

    ”كەستەنى قولمەن تىگۋدىڭ ونىمدىلىگى تومەن، بۇرىن ءبىر جىلدا 30 دا 40 مىڭ يۋان عانا كىرىس كىرگىزەتىنبىز، قازىر كەستە تىگۋ ماشيناسىنىڭ ارقاسىندا بۇرىنعى ءبىر جىلدىق كىرىسىمىزدى ءبىر ايدا عانا تاباتىن بولدىق“، - دەدى تورەقان قۋانىشپەن.

    سەلبەستىك كووپەراتيۆى العاش قۇرىلعاندا 15 قازاق ايەل عانا ىستەيتىن، قازىر 30عا جەتتى. ولار بىرگە وتىرىپ كىلەم، ۇلتتىق كيىم - كەشەك جانە وتباسى اشەكەي بۇيىمدارى قاتارلىلاردى تىگەدى. بۇراتالا موڭعۇل اۆتونوميالى وبلىستىق دامۋ - رەفورما كوميتەتىنىڭ اراسان اۋدانى اڭگىلىك قالاشىعى بۇمبۇت قىستاعىندا تۇراتىن “ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي باي يۇنلۇڭ بىلاي دەدى: قىزمەت اترەتى قىستاقتاعى ايەلدەردىڭ كەستەشىلىك ونەرىن بايقاعاننان كەيىن، ولاردى سەلبەستىك كووپەراتيۆىن قۇرىپ، بازارعا بەت الۋعا جەتەلەدى جانە قولدادى. سەلبەستىك كووپەراتيۆىنە ورىن قاجەت بولعاندا، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق كوميتەتىمەن بايلانىس جاساپ، اقىسىز ورىن تاۋىپ بەردى؛ سەلبەستىك كووپەراتيۆىنىڭ كەستە بۇيىمدارى قاجەتتى قامداي الماي قالعاندا، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى 150 مىڭ يۋان قارىز اقشا جيناپ كومپيۋتەرمەن كەستە تىگۋ ماشيناسى، ەلەكترلى قيعىش ماشيناسى سياقتىلاردى ساتىپ الىپ بەرىپ، ءوندىرىستى ۇلعايتتى.

جاۋاپتى رەداكتور: گۇلدەن ماقسات قىزى