ورىك گۇلىمەن قۇلپىرعان ىلە اڭعارى

  • كەلۋ قاينارى: ىلە گازەتى
  • 05:22:18 12/04/2019

    ماقالاسى مەن سۋرەتى لاي يۇينيڭ مەن جاڭ چيڭحۋانىكى

    

    ءار جىلى 4 - ايدىڭ باسىندا ىلە اڭعارىنىڭ ەڭ كوركەم، ەڭ رومانتيكالى ماۋسىمى باستالادى. ىلە اڭعارىنىڭ وڭتۇستىك جانە سولتۇستىك تاۋ بوكتەرىنىڭ نەشە ءجۇز كيلومەترگە سوزىلعان ساي - سالاسىندا جابايى ورىك جايقالا گۇل اشادى. وسى كەزدە بار اۋماق اسەم تۇسكە بولەنىپ، كوزدىڭ جاۋىن الادى. ورىك اعاشى ىلە اڭعارىندا كەڭ تارالعاندىقتان، ونى تۇرعىنداردىڭ اۋلاسىنان، جول جاعاسىنان، ءتىپتى، كەز كەلگەن جەرىنەن كەزىكتىرە الاسىز.

    كوك شىبىق مەرەكەسى كەزىندە گۇل - ءشوپتى تاماشالاۋ، كوكتەمگى سەيىل - سەرۋەن تاقىرىبىنداعى ساياحات قيمىلىن ورىك گۇلى ەرتەرەك شەشەكتەگەن قۇلجا اۋدانى مەن كۇنەس اۋدانى دابىرالى ورىستەتە باستادى. ال، اناۋ اتاعى الىسقا جەتكەن كۇنەس اۋدانى تۇرگەن اۋىلىنداعى ورىكتى ساي اڭعارى ورتا عاسىردان بەرى ساقتالىپ كەلگەن ەڭ كولەمدى جابايى ورىك ورمانىنىڭ ءبىرى سانالادى. كۇنەس اڭعارىنىڭ سولتۇستىگىندەگى 30 مىڭ مۋ كولەمدەگى كەڭ - بايتاق الاپ - شينجياڭداعى جابايى ورىك اعاشى ءبىرشاما شوعىرلانعان وڭىرلەردىڭ ءبىرى. وسى رەتكى ءۇش كۇندىك دەمالىستا بۇل اراعا اياعى جەتكەن الىس - جاقىنداعى ساياحاتشىلاردىڭ سانى 30 مىڭنان اسقان.

    راسىندا، ازياداعى ەڭ كولەمدى جابايى الما اعاشى گەن قامباسى اتانعان ىلە اڭعارىنىڭ بار اۋماعى تۇنىپ تۇرعان جابايى الما بايلىعى سانالادى. تەڭىز دەڭگەيىنەن بيىكتىگىنىڭ ۇقساماۋىنا قاراي، جەر – جەردەگى ورىك گۇلى ىلگەرىندى – كەيىندى شەشەك اتادى. ءار جىلى 4 - اي ىلە اڭعارىنداعى جايقالا وسكەن ورىك گۇلىن تاماشالايتىن ساليقالى ءسات سانالادى.

جاۋاپتى رەداكتور: جازيرا بولاتباي قىزى