”زەردەلى اۋىل شارۋاشىلىعى“ ەگىس جۇمىسى قاربالاستىعىن سايابىرلاتتى

  • كەلۋ قاينارى: شينجياڭ گازەتى تورابى
  • 11:09:11 16/04/2019

    

شينحۋا اگەنتتىگىنىڭ 4 - ايدىڭ 13 - كۇنى ۇرىمجىدەن بەرگەن حابارى (ءتىلشى گاۋ حان). ”اۋىل - قىستاق جونىنەن 4 - اي ەڭ قاربالاس مەزگىل سانالادى، جىبەك قۇرتى قاربالاستىعى اياقتالىسىمەن ەگىس جۇمىسى باستالادى“، كوكتەمگى ەگىس قاربالاستىعى كەزىندەگى قالىپتى جاعدايعا اينالعان بۇل كورىنىس سوڭعى جىلداردان بەرى شينجياڭنىڭ كەڭ اۋماقتى ەگىس اتىزدارىندا ەندىگارى بايقالمايتىن بولدى.

    4 - اي − ءدال كوكتەمگى ەگىس مەزگىلى، شينجياڭ ءوندىرىس - قۇرىلىس بيڭتۋانى 8 - شىسىنىڭ شىحىزى قالاسى ماڭىنداعى نەشە 100 مىڭ مۋ ەگىس اتىزىندا ماقتا تۇقىمىن سەۋىپ جۇرگەن ءبىر ءىرى تۇرپاتتى زەردەلى تۇقىم سەبۋ ماشيناسىنان سىرت، كوز جەتكىسىز ەگىس اتىزىنان جۇمىس ىستەپ جۇرگەن بىردە - ءبىر شارۋانى كورە المايسىز.

    ءتىلشى كوكتەمگى ەگىس جۇمىسى باسىنان بەيدوۋ باعدار نۇسقاۋ جۇيەسى ورناتىلعان كوپ فۋنكتسيا ءبىر تۇلعالاندىرىلعان شوفەرسىز ساپالى تۇقىم سەبۋ ماشينالارىنىڭ الدىن الا بەلگىلەنگەن تۇقىم سەبۋ جولى بويىنشا ماقتا تۇقىمىن ءدال ورنىنا سەۋىپ بارا جاتقاندىعىن كوردى. ەگىندى ادام ەكپەيدى، جالپى بارىسى ماشينالاسقان، ”زەردەلى كوكتەمگى ەگىس“تىڭ جارىققا شىعۋى ”ەگىس جۇمىسى قاربالاستىعى“ن كوپ اۋرە - سارساڭنان ارىلتتى.

    جوۋ رۇن − شىحىزى باس ەگىس الاڭىنداعى ەگىمشىلىك ءىرى وتباسى، بىلتىر ول اۋىل شارۋاشىلىعى سەلبەستىك كووپەراتيۆىن قۇرىپ، كولەمدى ەگىستىك جەردى ماشينالى باسقارۋ ءتاسىلىن قولدانىپ، كولەمدەنگەن ەگىمشىلىكتى باستايدى. سەلبەستىك كووپەراتيۆىندەگى 46 ءىرى تۇرپاتتى اۋىل شارۋاشىلىق ماشيناسى 22 مىڭ مۋ ەگىس اتىزىنا جاۋاپتى بولدى، وتكەندەگىمەن سالىستىرعاندا، ەگۋ وزىندىك قۇنى %50 تومەندەۋدەن سىرت، ماقتا تۇقىمى ۇنەمدەلىپ، جەردىڭ پايدالانىلۋ سالىستىرماسى جوعارىلادى.

    ”اۋىل شارۋاشىلىق ماشينالارى بەيدوۋ جول نۇسقاۋ جۇيەسى ارقىلى ورنىن تۇراقتاندىرادى، باساتىن جولى جاساندى سەرىك ارقىلى نۇسقالادى، ءبىر شۇڭقىرعا ءبىر ماقتا تۇقىمى سەبىلەدى دە، دالدىگى جانە ونىمدىلىگى جوعارى بولادى، تۇقىم سەبۋ بارىسىنداعى دالدىك پارقى ءبىر كيلومەتر كولەمىندە 2 سانتيمەتردەن اسپايدى، ءار كۇنى 100 مۋدان استام جەرگە تۇقىم سەبەدى“، - دەدى جوۋ رۇن

جاۋاپتى رەداكتور: گۇلدەن ماقسات قىزى