2018 -جىلعى شينجياڭنىڭ ارحەولوگيا تابىستارى جۇرت نازارىن اۋداردى

  • كەلۋ قاينارى: ىلە گازەتى
  • 03:54:25 19/04/2019

 

    ۋاڭ سى

 

    اياق الىپ جۇرگىسىز تاس قۇرالداردى كورگەندە شينجياڭ مادەني مۇرالاردى زەرتتەۋ ورنىنىڭ جاۋاپتىسى، تاشقورعان تاجىك اۆتونوميالى اۋدانىنىڭ قۇزعىن ارحەولوگيا نىسانىنىڭ جاۋاپتىسى اي تاۋ تەبىرەنىسىن تەجەي المادى. ول بارلىق ارحەولوگتارمەن بىرگە ءشول دالادا تارىداي شاشىلعان سان - ساناقسىز تاس قۇرالداردى جەدەل جيناۋعا كىرىستى. سونىمەن ولار بۇل اراعا «قۇزعىن تاس قۇرالدار جۇرتى» دەگەن جاڭا ات قويدى. اي تاۋ: «ءشول دالاعا كەڭ تارالعان قيساپسىز تاس قۇرالدار شينجياڭدى، اسىرەسە، شينجياڭ تاس قۇرالدارىنىڭ دامۋ وزگەرىسىن تانۋداعى تىڭ جاڭالىققا اينالدى. مۇقيات تەكسەرۋ بارىسىندا بۇل ارا تاس قۇرالداردى مانەرلەۋ ورنى ەكەنى انىقتالدى» -دەدى.

    قۇزعىن تاس قۇرالدار بايىرعى جۇرتىىنىڭ بايقالۋىن بىلاي قويعاندا، 2018 -جىلى شينجياڭ مادەني مۇرالار قىزمەتىندە كىسىنى قۋاندىرارلىق قوماقتى تابىستار جارىققا شىعىپ، ۇزاق ۋاقىتتان بەرى شەشىلمەگەن ءبىرسىپىرا ماسەلەلەر شەشىلىپ، كوپتەگەن ارحەولوگيالىق جۇمباقتارعا ايقىن ىسپات كورسەتىلىپ، جۇرت نازارى اۋدارىلدى.

    1-ايدىڭ 21 - ، 22 -كۇندەرى شينجياڭ مادەني مۇرالار مەكەمەسى ۇيىمداستىرىپ، شينجياڭ ارحەولوگيالىق مادەني مۇرالاردى زەرتتەۋ ورنى مىندەتىنە الىپ ىستەگەن 2018 -جىلعى شينجياڭنىڭ ارحەولوگيالىق مادەني مۇرالار تابىسى جونىندەگى دوكلاد بەرۋ ءماجىلىسىنىڭ قۋانىشتى حابارى تولاسسىز تارالدى. جۇڭگو عىلىم اكادەمياسى، جۇڭگو قوعامدىق عىلىمدار ينيستيتۋتى، بەيجيڭ ۋنيۆەرسيتەتى، باتىس سولتۇستىك ۋنيۆەرسيتەتى، جۇڭگو حالىق ۋنيۆەرسيتەتى سياقتى كوپتەگەن زەرتتەۋ ورىندارىنان كەلگەن مادەني كورمە ورنىنىڭ كاسىپتىك ۋاكىلدەرى مەن مامان - وقىمىستىلار، وزدەرىنىڭ ءبىر جىلدان بەرگى زەرتتەگەن جانە بايقاعان تابىستارىن جۇرتقا جاريالادى.

    شينجياڭ مادەني مۇرا مەكەمەسىنىڭ باستىعى ۋاڭ ۋيدۇڭ: «مۇنداي تاماشا جاعدايدىڭ جارىققا شىعۋىنداعى سەبەپ، 2018 -جىل <شينجياڭ ارحەولوگيا قىزمەتى جوسپارى (2018 -2022)> جاپپاي اتقارىلعان تۇڭعىش جىل بولعاندىقتان، مەملەكەتتىك مادەني مۇرالار مەكەمەسى مەملەكەتتىڭ جەتەكشىلىگىن كۇشەيتىپ، شينجياڭنىڭ جالپى جاعدايىنا قىزمەت وتەپ، جۇڭحۋا ۇلتى، جۇڭحۋا وركەنيەتىنىڭ رۋحاني بەلگىسى مەن مادەنيەت بەلگىسىن وسكەلەڭ دارەجەدە قالىپتاستىرۋ قىزمەتىن ورىستەتىپ، تاقىرىپ تانىمىن ورناتىپ، كوپتەگەن عىلىمدار مەن عىلمي پاندەر ارا سەلبەسە زەرتتەۋ ورىستەتىپ، الەۋمەتتىك ارحەولوگيالىق زەرتتەۋ جانە مەديالاردا ۇگىتتەۋ سياقتى جاقتاردا كورنەكتى ناتيجەلەرگە قول جەتكىزدى. بايقالعان ارحەولوگيالىق مادەني مۇرالاردىڭ تەگىن انىقتاۋ، مۇراعاتتاردى ايگىلەۋ، جۇرت كوڭىلىنە جەتكىزە تۇسىندىرۋدە، شىنايى، تىڭعىلىقتى، ۇزدىكسىز قىزمەت ىستەۋ ارقىلى شينجياڭنىڭ مادەنيەت قۇرىلىسىنىڭ گۇلدەنىپ، كوركەيۋى ءۇشىن ارحەولوگيا قىزمەتى جاعىنان ءتيىستى ۇلەسىمىزدى قوستىق» - دەدى.

جاۋاپتى رەداكتور: گۇلدەن ماقسات قىزى