قىزمەت اترەتىندەگىلەر قىستاق تۇرعىندارىنىڭ سىرتقا شىعىپ جۇمىس ىستەپ، بايۋ جولىنا تۇسۋىنە كومەكتەستى

  • كەلۋ قاينارى: ىلە گازەتى
  • 08:44:26 25/04/2019

    

    اقتام قىستاعىنداعىلار باقىتتى تۇرمىسقا كەنەلدى

    ءوز ءتىلشىمىز ليۋ ليجۇن، ەرىكتى ءتىلشى جاڭ يانبين

 

    «كوكتەم كەلدى گۇلىن الا، قۇستار كەلدى ءانىن سالا» دەگەندەيىن، 4 – ايدىڭ 7 – كۇنى توعىزتاراۋ اۋدانى اعارسىن قالاشىعى اقتام قىستاعىنىڭ مالشىسى قاۋليا قازىبەك قىزى سوناۋ الىستاعى كۇيەۋى حۋبەي ولكەسى شيانتاۋ قالاسى كاڭشۋ ەلەكترون شەكتى سەرىكتىگىندە جۇمىس ىستەيتىن بايمۇرات توقتاسىن ۇلىمەن ۋيچاتتا اڭگىمەلەسىپ تۇرادى. قاۋليا قولفونىنىڭ ەكرانىن تىلشىگە قاراتتى، بايمۇرات تىلشىمەن امانداستى. «ءتىلشى جولداس، سالەمتسىز بە؟ حۋبەيدەگى قىزمەتىمىز وتە جاقسى» دەدى. بايمۇرات تىلشىگە قازىرگى ەڭبەكاقىسىنىڭ 3 مىڭ 500 يۋان ەكەنىن، اي سايىن 500 يۋانىن ۇيىنە جىبەرەتىنىن، 2 مىڭ يۋانىن بانكەگە اماناتقا قوياتىنىن ايتتى.

    ىلە ساحاراسىنان «بالىق، كۇرىش مەكەنى» جياڭحان جازىعىنا جۇمىس ىستەي بارعان جاس شارۋالار ون اي ۋاقىتتىڭ ىشىندە قالا جۇمىسشىلارىنىڭ تۇرمىسىنا كوندىگىپ، ءداستۇرلى ويلاۋ تاسىلىنە دە بۇرىلىس جاساپتى.

    اقتام قىستاعى اۆتونوميالى رايون دارەجەلى كەدەي قىستاق ەدى. 2016 – جىلى قىستاقتاعى جالپى ارحيۆ تۇرعىزىلىپ، كارتوچكا بەرىلگەن 356 كەدەي وتباسىنداعى ءبىر مىڭ 311 ادام كەدەيلىك قالپاعىن الىپ تاستادى. وسىناۋ شەت – شالعايداعى مال شارۋاشىلىق قىستاعىندا قيىنشىلىعى بار تۇرعىنداردىڭ سانى كوپ، نەگىزدىك قۇرىلعىلار قۇرىلىسى سالىستىرمالى كەنجە بولعاندىقتان، قىستاق تۇرعىندارىن اۋقاتتاندىرۋعا باستاۋ، كەدەيلىكتەن ورنىقتى ارىلتۋعا جەتەلەۋ وبلىستىق پارتكوم ۇگىت ءبولىمىنىڭ اقتام قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىندەگىلەردىڭ الدارىنداعى قيىن ماسەلەلەردىڭ ءبىرى بولاتىن.

    «قىزمەت اترەتىندەگىلەر مالشىلاردىڭ ءتىل ۇيرەنۋىنەن باستاپ ىسكە كىرىسىپ، اپتاسىنا ءۇش رەت مەملەكەتتە ءبىر تۇتاس قولدانىلاتىن ءتىل – جازۋ ساباعىن ورنالاستىردى». قىستاقتا تۇراتىن قىزمەت اترەتىنىڭ كادرى لۇڭ جۋۋەيدىڭ تانىستىرۋىنشا، قولىندا ونەرى جوق، مەملەكەتتە ءبىر تۇتاس قولدانىلاتىن ءتىل ورەسى تومەن مالشىلارعا قاراتا قىزمەت اترەتىندەگى كادرلار مەن قىستاق مەكتەبىندەگى وقىتۋشىلار بىرلەسىپ تاربيەلەۋدى ۇزدىكسىز كۇشەيتكەن. مىنە، وسىدان كەيىن قىستاق تۇرعىندارىنىڭ سىرتقا شىعىپ جۇمىس ىستەۋىنە جانە ءوز الدىنا يگىلىك جاراتۋىنا بەرىك نەگىز قالانعان.

جاۋاپتى رەداكتور: گۇلدەن ماقسات قىزى