ەڭ جوعارى حالىق سوتى، ەڭ جوعارى حالىق پروكۋراتۋراسى باياندامالارىنداعى 10 ءىرى زاڭدىق جارقىن تۇيىنگە نازار

  • كەلۋ قاينارى: ىلە گازەتى
  • 08:51:57 25/04/2019

  

3 – ايدىڭ 12 – كۇنى 13 – كەزەكتى مەملەكەتتىك حالىق قۇرىلتايىنىڭ 2 – جالپى ءماجىلىسى اشىلدى. ماجىلىستە ەڭ جوعارى حالىق سوتىنىڭ قىزمەت بايانداماسى مەن ەڭ جوعارى حالىق پروكۋراتۋراسىنىڭ قىزمەت بايانداماسى تىڭدالدى. باياندامادا العا قويىلعان ءبىر قىدىرۋ زاڭدىق جارقىن تۇيىندەر جۇرت نازارىن اۋداردى.

  【جارقىن ءتۇيىن ⑴】

    ● جەمقورلىققا قارسى تۇرۋ: سۇن جىڭساي قاتارلىلاردىڭ ءىرى قىزمەتتىك قىلمىستىق دەلوسى قارالدى، ءار ءتۇرلى مىندەتتىك قىلمىستار قاتاڭ جازالاندى.

    ەڭ جوعارى حالىق سوتى بايانداماسىندا مىناۋ العا قويىلدى: سۇن جىڭساي قاتارلىلاردىڭ ءىرى قىزمەتتىك قىلمىستىق دەلولارى زاڭ بويىنشا قارالدى. ءار دارەجەلى حالىق سوتى قيانات جاساۋ، پارا الۋ، جاۋاپكەرسىزدىك ىستەۋ سياقتىلار جونىندەگى 33 مىڭ ادامعا ساياتىن 28 مىڭ دەلونى قاراپ اياقتاتتى.

    ەڭ جوعارى حالىق پروكۋراتۋراسىنىڭ بايانداماسىندا مىناۋ العا قويىلدى: ءار دارەجەلى باقىلاۋ كوميتەتتەرى وتكىزىپ بەرگەن قىزمەتتىك قىلمىسقا ساياتىن 16 مىڭ 92 ادامنىڭ دەلوسى قابىلدانىپ، 9 مىڭ 802 ادام ايىپتالدى، 250 ادامدى ايىپتاۋ كۇشىنەن قالدىرىلدى، ءبىر مىڭ 869 ادام قايتا تەكسەرۋگە جولداندى.

    مەملەكەتتىك حالىق قۇرىلتايىنىڭ ۋاكىلى، سىچۋان ولكەلىك جوعارى حالىق سوتىنىڭ باستىعى ۋاڭ شۋجياڭ بىلاي دەدى: ەڭ جوعارى حالىق سوتى، ەڭ جوعارى حالىق پروكۋراتۋراسىنىڭ بايانداماسىندا پارتيا ورتالىعىنىڭ شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ، ىلگەرىلەتە ءتۇسۋ جونىندەگى باتىل شەشىمى كورنەكتىلەندىرىلگەن. قياناتشىلىق، پاراقورلىق، ۇقىقتان الباتى پايدالانۋ، مىندەتىن اتقارماۋ، جاۋاپكەرسىزدىك ىستەۋ سياقتى قىزمەتتىك قىلمستىق ارەكەتتەردى قاتاڭ جازالاۋ، قاتاڭ سوققى بەرۋ تەبىنى ۇزدىكسىز كۇشەيتىلگەن.

    【جارقىن ءتۇيىن ⑵】

    ● قارا كۇشتەردى الاستاۋ، سۇرقيا كۇشتەردى جويۋ: «قىستاق زورەكەرلەرىن»، «قالا زورەكەرلەرىن» قاتاڭ جازالاپ، قارا، سۇرقيا كۇشتەر جونىندەگى 29 مىڭ ادامعا ساياتىن 5 مىڭ 489 دەلونى قاراپ اياقتاتتى.

    ەڭ جوعارى حالىق سوتىنىڭ بايانداماسىندا مىناۋ العا قويىلدى: قارا، سۇرقيا كۇشتەردىڭ قىلمىسى جونىندەگى 29 مىڭ ادامعا ساياتىن 5 مىڭ 489 دەلونى قاراپ اياقتاتتى. مو جا دەلوسى، زىڭ شيانبو دەلوسى سياقتى قوعامدىق ىقپالى اۋىر قارا، سۇرقيا كۇشتەرگە ساياتىن دەلولار زاڭ بويىنشا قارالدى.

جاۋاپتى رەداكتور: گۇلدەن ماقسات قىزى