زيرات كوشىرۋ حابارلاندىرۋى

  • كەلۋ قاينارى: ىلە گازەتى
  • 04:04:53 26/04/2019

 

    ىلە وبلىستىق حالىق ىستەرى مەكەمەسىنىڭ [2017] 85 - ءنومىرلى قۇجاتى مەن قۇلجا قالالىق پارتكوم كەڭسەسىنىڭ [2017] 72 - ءنومىرلى قۇجاتىنا، الباتى جەرلەۋدى ارناۋلى وڭاۋ قىزمەتىن ورىستەتۋ تالابىنا ساي، وبلىسقا توتە قاراستى ورىندارداعى « ءۇش جاعالاۋ، بەس رايونداعى» (ءۇش جاعالاۋ: تەمىر جولدىڭ جاعالاۋى؛ مەملەكەت - ولكە، اۋدان - اۋىل تاس جولدارىنىڭ جاعالاۋى؛ سۋ قويماسى، كول - وزەن ارنالارى، توسپالاردىڭ جاعالاۋىنداعى زيراتتار. بەس رايون: سۋ قاينارىن قورعاۋ رايونى، نەگىزدىك اتىز - ورماندىق رايونى، ساياحات كورىنىس رايونى، ونەركاسىپ شوعىرلانعان رايون، قالا - قالاشىق جوبالانعان رايون) الباتى ورنالاسقان زيراتتاردى جونگە سالۋ قىزمەتىن ويداعىداي ىستەپ، قۇلجا قالاسىنىڭ جالپى تۇلعالىق جوباسىنداعى تالاپتارىنا سايكەستىرە وتىرىپ، قالانىڭ جول قۇرىلىسىن وزگەرتىپ جاساۋدى ىلگەرىلەتىپ، قالا جولدارىنىڭ كەمەلدى ينجەنەريالىق قۇرىلىسىنىڭ مەجەلى ۋاقىتتا ورىندالۋىنا كەپىلدىك ەتۋ ءۇشىن، قالالىق پارتكوم مەن ۇكىمەت ىشكەرىلەي زەرتتەۋ جۇرگىزىپ، بايانداي قالاشىعى ساندۋان قىستاعى 7 - گرۋپپاسىنداعى زيراتتاردى تۇگەلدەي كوشىرۋ قاۋلىسىن شىعاردى.

    ءبىرىنشى، كوشىرىلەتىن زيراتتىڭ كولەمى

    بايانداي قالاشىعى ساندۋان قىستاعى 7 - گرۋپپاسى كولەمىندەگى قازاق ۇلتىنان قايتىس بولعاندار نەگىز ەتىلگەن زيراتتاعى بارلىق قابىرلار.

    ەكىنشى، زيرات كوشىرۋ ۋاقىتى

    وسى حابارلاندىرۋ جاريالانعاننان باستاپ 2019 - جىلى 4 - ايدىڭ 30 - كۇنىنەن بۇرىن.

    ءۇشىنشى، زيرات كوشىرۋ تالاپتارى

    1. وسى حابارلاندىرۋ شىعارىلعاننان باستاپ، جوعارىداعى اۋماقتاعى زيراتقا يە بولاتىن تۋعان-تۋىستارى دەر كەزىندە الەۋمەتتىك اۋماققا (قىستاققا) بارىپ، زيرات كوشىرۋدى تىزىمگە الۋ رەسمياتىن وتەيدى. زيرات كوشىرىلىپ بولعان سوڭ قالالىق ءولىم جونەلتۋ ورنىنا بارىپ، زيرات كوشىرۋگە قوسىمشا تولەم قاراجات بەرۋ رەسمياتىن وتەيدى.

    2. جوعارىداعى اۋماقتاعى زيراتقا يە بولاتىن تۋعان - تۋىستارى مەرزىمدى ۋاقىت ىشىندە، ءسوزسىز، جوتكەپ اكەتۋلەرى ءتيىس. جوتكەلەتىن سۇيەك نەمەسە قاڭقا سۇيەك سول قايتىس بولعان ادامنىڭ باۋىر-تۋىستارىنىڭ تىلەگى بويىنشا، ۇكىمەت بەكىتكەن الەۋمەتتىك زيراتقا ( تيەچاڭگوۋ الەۋمەتتىك زيراتىنا) اپارىپ جەرلەنەدى.

جاۋاپتى رەداكتور: گۇلدەن ماقسات قىزى