ۇلتتار ىنتىماعى گۇلى تيانشاننىڭ وڭتۇستىگى مەن سولتۇستىگىندە قۇلپىردى

  • كەلۋ قاينارى: شينجياڭ گازەتى تورابى
  • 10:13:51 05/05/2019

      ءتىلشىمىز ۋاڭ شيڭرۇي، ۋاڭ يۇيجاۋ

 

    ۇلتتار ىنتىماعى − دامۋدىڭ، العا باسۋدىڭ ىرگە تاسى.

    − شي جينپيڭ

    2014 - جىلى 4 - ايدىڭ 27 - كۇنىنەن 4 - ايدىڭ 30 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭعا تەكسەرۋگە كەلىپ، شينجياڭنىڭ قوعام ورنىقتىلىعىن قورعاۋ، قارىشتاپ دامۋدى ىلگەرىلەتۋ، حالىق تۇرمىسىن قامتاماسىزداندىرۋ جانە جاقسارتۋ، ۇلتتار ىنتىماعىن جەبەۋ، پارتيا قۇرىلىسىن كۇشەيتۋ سياقتى قىزمەتتەردى ويداعىداي ىستەۋ جونىندە تەكسەرۋ - زەرتتەۋ جۇرگىزىپ، جەتەكشىلىك ەتتى.

    ۇلتتار ىنتىماعىن نىعايتۋ − باس شۋجي وسى رەتكى تەكسەرۋ - زەرتتەۋ بارىسىندا ءسات سايىن كوڭىل بولگەن ماسەلە.

    ”حانزۋلار از ۇلتتاردان ايرىلا المايدى، از ۇلتتار حانزۋلاردان ايرىلا المايدى، از ۇلتتار دا ءبىر - بىرىنەن ايرىلا المايدى“. قاشقاردان ۇرىمجىگە دەيىن، قىستاق تۇرعىندارىمەن اڭگىمەلەسۋدەن اۆتونوميالى رايون باسشىلارىمەن اڭگىمە ءماجىلىس وتكىزۋگە دەيىن، باس شۋجي: ”ۇلتتار ىنتىماعى − دامۋدىڭ، العا باسۋدىڭ ىرگە تاسى“، ”شينجياڭ ماسەلەسىندە، ەڭ قيىنى، ەڭ ۇزاققا جالعاساتىنى جانە دە ۇلتتار ىنتىماعى ماسەلەسى“ دەگەندى قايتا - قايتا باسا دارىپتەدى.

    باس شۋجي بىلاي دەپ باسا دارىپتەدى: قازىر شينجياڭداعى ۇلت قىزمەتىنىڭ ىشكى - سىرتقى ورتاسىندا ەرەكشە زور وزگەرىستەر تۋىلدى، ۇلت قاتىناسىندا ءبىرسىپىرا جاڭا احۋالدار، جاڭا ەرەكشەلىكتەر بەلەڭ بەردى، بۇل ءبىزدىڭ ۇلت قىزمەتىن جاقسى ىستەۋىمىزگە جاڭا تالاپتار قويدى. پارتيانىڭ ۇلت ساياساتىن جاپپاي دايەكتىلەندىرىپ، تياناقتاندىرىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتاردىڭ جاراسىمدى ءوتۋىن، تىزە قوسا سەلبەسىپ ىستىق پەن سۋىقتى بىرگە وتكەرۋىن، جاراسىمدىلىقپەن دامۋىن جەبەپ، ۇلتتار ىنتىماعى گۇلىن تيانشاننىڭ وڭتۇستىگى مەن سولتۇستىگىندە قۇلپىرتا جايقالتۋ كەرەك.

    ىقىلاستى قامقورلىق تيانشاندى نۇرلاندىردى، شىن پەيىلدى تاپسىرما ەكپىندەي ىلگەرىلەۋگە جەبەدى. 5 جىلدىڭ الدىنداعى كوكتەمدە باس شۋجي شي جينپيڭنىڭ شينجياڭنىڭ ۇلتتار ىنتىماعىن كۇشەيتۋ جونىندەگى شىن ىقىلاستى تىلەگى تيانشاننىڭ وڭتۇستىگى مەن سولتۇستىگىندەگى ءار ۇلت ۇل - قىزدارىن ۇلتتار ىنتىماعىن كوزىنىڭ قاراشىعىنداي ايالاۋعا، ۇلتتار ىنتىماعىن ومىرىندەي قاستەرلەۋگە، اناردىڭ دانىندەي تىعىز ۇيىسۋعا شابىتتاندىردى.

جاۋاپتى رەداكتور: گۇلدەن ماقسات قىزى