جالپى حالىق جاسىل دامۋ كۇيىن اۋەلەتتى

  • كەلۋ قاينارى: شينجياڭ گازەتى تورابى
  • 10:08:47 10/05/2019

    

باي جىيۇي

 

    جەر بەتىن قاپتاي تەبىندەپ كەلە جاتقان كوگىلجىم ءتۇس 4 - ايداعى حوتاننىڭ رەڭى. كەريا اۋدانى ويتوعراق اۋىلىنداعى يار ءمالى دەلىنەتىن شاعىن قىستاق جاسىل ءتۇستى شەگە ءراۋىشتى تاكلاماكان شولىنە قاعىلدى. سارى مەن جاسىل توعىسقان ارالىقتا، قاز - قاتار تىزىلگەن تەرەكتەر، توپ - توپ جىڭعىلدار، تاقتا - تاقتا ءبيداي اتىزدارى، بوي تۇزەگەن جاڭعاق اعاشتارى جەلگە قارسى قاسقايا ءوسىپ، ادامدارعا بۇرىندارى قۇمدى ءشولدىڭ قۇنداعىندا جاتاتىن شاعىن قىستاقتىڭ قۇلشىنىسى مەن تاباندىلىعىن ايتىپ تۇرعانداي ەدى.

    يار ءمالى قىستاعى عانا ەمەس، قۇمدى ءشولدىڭ بويىندا عانا ەمەس، شينجياڭداعى ”تال - تەرەكتى سامال سيپاپ دالا جاسىل تۇسكە ەنگەن، مولدىرەگەن شاپتول، ورىك سان باقشانى گۇلدەنتكەن“ اقسۋ ايماعى كوكيار جاسىلداندىرۋ ينجەنەرياسى مەن ”بىرلەسكەن مەملەكەتتەر ۇيىمى قونىستانۋ ورتاسىن جاقسارتۋدىڭ ەڭ تاڭداۋلى ۇلگىسى دۋباي سيلىعى“ن العان ”قۇبا تۇزدەگى مەرۋەرت“ شىحىزى قالاسى سياقتىلار جارق ەتىپ ۇلگىلەر قاتارىنان كورىندى. مۇنداي جاسىل كەرەمەتتەردىڭ ءومىر ءسۇرۋى ەكولوگيالىق وركەنيەت قۇرىلىسىنىڭ شينجياڭ سىندى وسىناۋ ىرىستى مەكەندە تىڭعىلىقتى ىلگەرىلەپ، جالپى بەتتىك تەرەڭدەپ كەلە جاتقاندىعىن دالەلدەيدى.

    مۇنداي جاسىل كەرەمەتتەر ادامزات پەن ناشار قورشاعان ورتا اراسىنداعى نەشە ونداعان جىلعى كۇرەستىڭ ناتيجەسى. يارءمالى قىستاعىندا ءبىر قارت پارتيا مۇشەسىنىڭ ەسكە الىپ ايتقاندارى ادامنىڭ كوڭىلىن بوساتادى: وتكەن عاسىردىڭ 80 - جىلدارىنىڭ باسىندا، قۇمدى بوران قاتتى سوعاتىندىقتان، الان - اشىق جاتقان قىستاقتا اعاش قالامشالارىن ءوسىرۋ مۇمكىن بولماعان، قىستاق تۇرعىندارى جاعار وتىننىڭ ءوزىن قۇمدى دالادان تەرىپ اكەلەتىن. ناشار قورشاعان ورتانىڭ جاپاسىن ءبىر كىسىدەي تارتقاندىقتان، تۇنىق سۋ، جاسىل تاۋدىڭ قىمباتى سولعۇرلىم ارتقان. نەشە ونداعان جىلدان بەرى تيانشاننىڭ وڭتۇستىگى مەن سولتۇستىگىندە، قۇمدى ءشولدىڭ بويىندا، جاپان ءتۇز، يەن قايراڭداردا سانسىزداعان ادام كۇرەك كوتەرىپ، لوم تەمىر ۇستاپ، ناشار قورشاعان ورتانى وزگەرتۋ ءۇشىن، بىرلىك قامالىن ورناتىپ، تالىقپاي كۇرەس جۇرگىزدى. سونىمەن، جاسىل جەلەك جامىلعان بۇگىنگى يارءمالى قىستاعى بارلىققا كەلدى، كوكتەم تىنىسىنا تولى بۇگىنگى كوكيار جاسىلداندىرۋ ينجەنەرياسى بارلىققا كەلدى، بۇگىنگى وسىزاماندانعان قالا شىحىزى بارلىققا كەلدى. ادامداردىڭ ۇرپاقتان - ۇرپاققا جالعاپ، قىلتان وسپەس ءشول دالاعا اشتى تەرلەرىن توگۋىنىڭ ارقاسىندا، ادام مەن تابيعاتتىڭ بۇگىنگى جاراسىمدىلىقپەن بىرگە ءوتۋى قولعا كەلدى.

جاۋاپتى رەداكتور: گۇلدەن ماقسات قىزى