اۋىل -قىستاق بالالارىنىڭ «رۋحاني ازىعىنا» كوڭىل بولەيىك

  • كەلۋ قاينارى: ىلە گازەتى
  • 04:13:52 13/05/2019

    جوۋ يۇڭشين

    

    جۋىق جىلداردان بەرى كەدەي وڭىرلەردەگى 100 گە تاياۋ ورتا، باستاۋىش مەكتەپتەرگە ىلگەرىندى -كەيىن تەكسەرۋ -زەرتتەۋ جۇرگىزگەندە، باسىم كوپ سانداعى مەكتەپتەر وقۋشىلاردى قۋاتتى تۇسكى اسپەن قامداۋدى ءبىرشاما جاقسى شەشىم ەتىپ، ساتىپ الۋ، مانەرلەۋ، باسقارۋ سىندى ءار بۋىندى ءتۇزىم بويىنشا قاتاڭ يگەرىپ، بالالاردىڭ ساۋ - سالامات ەسەيۋىنە ءونىمدى كەپىلدىك ەتكەنىنە كوڭىلىمىز مارقايادى. ءبىراق وسىدان تۋىنداعان ايقىن سالىستىرماعا نازار اۋدارار بولساڭىز، ءىشىنارا ورتا، باستاۋىش مەكتەپتەردەگى كىتاپحانا قۇرىلىسى مەن وقۋشىلاردىڭ كىتاپ وقۋ جاعدايى ادامدى الاڭداتادى.

    ەڭ اۋەلى ورتا، باستاۋىش مەكتەپ كىتاپحانالارىنا كىتاپ ەنگىزۋدىڭ ءونىمى تومەن بولىپ وتىر. كوپتەگەن اۋىل - قىستاق ورتا، باستاۋىش مەكتەپ كىتاپحانالارىنداعى كىتاپتاردىڭ دەنى ءتۇرلى ارنالارمەن نەمەسە كىتاپ مەردىگەرلىگىمەن تولىقتاناتىندىقتان، ورتا، باستاۋىش مەكتەپ وقۋشىلارىنىڭ وقۋ تالابىنا ۇيلەسپەيتىنى كوپ، ال كلاسسيك تۋىندىلاردىڭ قاتارى تىپتەن از.

    ونان قالسا، ورتا، باستاۋىش مەكتەپ كىتاپحانالارىنىڭ پايدالانىلۋى تومەن، باسقارۋى ويداعىداي ەمەس. ءبىز بارعان ورتا، باستاۋىش مەكتەپتەردىڭ دەنى كىتاپحانانى ءار كۇنى تۇستەن كەيىن ساباقتان بوساعاندا ءبىر ساعات اينالاسىندا عانا اشادى ەكەن. ال كولەمدىرەك مەكتەپتەر كىتاپتى جىلدىقتار بويىنشا كەزەكتەسىپ قارىزعا الىپ وقۋدى العا قويعانىمەن، ءاربىر وقۋشى كىتاپتى اپتاسىنا نەبارى ءبىر رەت قانا قارىز الىپ وقي الادى ەكەن. كوپتەگەن مەكتەپتەردە ارناۋلى كىتاپحانا باسقارۋشى سەپتەلمەگەندىكتەن، وقۋشىلاردىڭ كىتاپ وقۋىنا جەتەكشىلىك ەتۋى جەتەرسىز بولعان.

    جانە دە ورتا، باستاۋىش مەكتەپتەردىڭ مەكتەپ باستىعى مەن وقىتۋشىلارىنىڭ كىتاپ وقۋعا ءمان بەرۋى جەتكىلىكتى ەمەس. كەيبىر اۋدان قالاشىعىنداعى ءتۇيىندى مەكتەپتەردە قىرۋار كىتاپ بولعانىمەن، ولاردىڭ مازمۇنى جازىلماعان، بۋدا -بۋدا كىتاپتار قامبالاردا ۇيىلگەن كۇيىندە قالعان؛ كەيبىر اۋىل - قىستاق مەكتەپتەرى وقىتۋ عيماراتىن جاڭالاعاندا بار كىتاپتاردى دوربالاپ مەكتەپ اسحاناسى قامباسىنا اپارىپ تاستاعان. تەكسەرۋ بارىسىندا، وقۋشىلاردان «ەڭ جاقسى كورەتىن كىتابىڭ قايسى» دەپ سۇراعانىمىزدا، كەيبىرەۋى ءتىس جارىپ، ءتىل قاتا المادى.

    ءبىر ادامنىڭ رۋحاني تۇلەۋى كىتاپ وقۋدان قول ۇزە المايدى، ءبىر ۇلتتىڭ رۋحاني دەڭگەيى دە وسى ۇلتتىڭ كىتاپ وقۋ ورەسىنە بايلانىستى بولىپ جاتادى. سوندىقتان اۋىل - قىستاق ورتا، باستاۋىش مەكتەپتەرىنىڭ ءبىلىمدار مەكتەپ قۇرىلىسىن زور كۇشپەن ىلگەرىلەتۋىمىز، اۋىل - قىستاق بالالارىن «رۋحاني ازىقپەن» قامداۋىمىز، اۋىل - قىستاق وقۋ - اعارتۋىنىڭ نەگىزى جونىندەگى ناقتى جۇمىستاردى كەڭەسپەن شەشكەنىمىز ءجون سەكىلدى.

جاۋاپتى رەداكتور: جازيرا بولاتباي قىزى