اۋىل - قىستاققا باعىتتالعان كاسىپتىك وقۋ - اعارتۋدى جەدەل دامىتايىق

  • كەلۋ قاينارى: ىلە گازەتى
  • 04:17:11 13/05/2019

    سۋ حۋا

    

    ۇلان - بايتاق اۋىل - قىستاق كاسىپتىك مەكتەپتەردىڭ وقۋشى قاينارى بولىپ قالماستان، كاسىپتىك مەكتەپتەردىڭ دارىندىلاردى تاربيەلەۋدەگى «قىزمەت وتەيتىن» جانە «كاسىپتەنۋ» ورنى بولۋعا ءتيىس.

    ۇزاق ۋاقىتتان بەرى قالالاردىڭ جىلدام دامۋى ءتۇرلى وندىرىستىك فاكتورلاردى اۋىل - قىستاقتاردان كوپتەپ سىرتقا شىعاردى، وتە - موتە، ءمان بەرۋگە تاتيتىنى، اۋىل - قىستاق دارىندىلارىنىڭ زايا بولۋى. اۋىل - قىستاقتى كوركەيتۋ ستراتەگياسىن ىسكە اسىرۋدا، ءسوزسىز، اۋىل - قىستاق «دارىندىلارىن جەتىلدىرۋ» ماسەلەسىن ۇيلەسىمدى شەشىپ، جەرگىلىكتى اۋىل -قىستاق، اۋىل شارۋاشىلىعى جانە شارۋالار دارىندىلارىن تاربيەلەۋگە نازار اۋدارۋ كەرەك. سوندا عانا اۋىل -قىستاقتىڭ ىشكى قوزعاشى كۇشىن جەتىلدىرىپ، اۋىل شارۋاشىلىعىنىڭ دەڭگەيىن جاپپاي جوعارىلاتۋدى، اۋىل -قىستاقتىڭ جاپپاي العا باسۋىن، شارۋالاردىڭ جاپپاي دامۋىن ىلگەرىلەتۋگە بولادى. كاسىپتىك وقۋ – اعارتۋ بۇل جاعىندا ەرەكشە ابزالدىققا يە.

    ساندى مالىمەتتەرگە قاراعاندا، كاسىپتىك مەكتەپتەردە اۋىل - قىستاق وقۋشىلارى ءبىرشاما كوپ بولىپ، ورتا دارەجەلى كاسىپتىك مەكتەپتەردەگى وقۋشىلاردىڭ ىشىندە اۋىل - قىستاق ناپوسىنداعىلاردىڭ ۇستايتىن سالىستىرماسى 0/082 ىن يەلەسە؛ جوعارى دارەجەلى كاسىپتىك مەكتەپ وقۋشىلارىنىڭ ىشىندە اۋىل - قىستاق ناپوسىنداعىلاردىڭ سالىستىرماسى 0/053 ىن ۇستاعان. اۋىل - قىستاقتىڭ ءتول تۋما دارىندىلارى ءوز جەرىنىڭ جاعدايىنا قانىق بولىپ قالماستان، ولاردى تاربيەلەۋدىڭ وزىندىك قۇنى تومەن، ءوز رولىن ساۋلەلەندىرۋى تەز بولاتىندىقتان، دارىندى ەنگىزۋدە ساقتالىپ كەلگەن اينالىمى ۇزاق بولۋ، ورنىقسىز بولۋداي كىناراتتاردان ساقتانۋعا بولادى. سوندىقتان ۇلان - بايتاق اۋىل - قىستاق كاسىپتىك مەكتەپتەردىڭ وقۋشى قاينارى بولىپ قالماستان، كاسىپتىك مەكتەپتەردىڭ دارىندىلاردى تاربيەلەۋدەگى «قىزمەت وتەيتىن» جانە «كاسىپتەنەتىن» ورنى بولۋى كەرەك. اۋىل - قىستاقتى گۇلدەندىرۋ ستراتەگياسىن اتقارۋ بارىسىندا، اۋىل - قىستاققا باعىتتالعان كاسىپتىك وقۋ - اعارتۋدى جەدەل دامىتۋ، تۇراقتاپ تۇرا الاتىن، ىستەتۋگە بولاتىن، «ماڭگىلىك» ءتول تۋما دارىندىلاردى جەتىلدىرۋگە ءتيىمدى بولعاندىقتان، جەرگىلىكتى اۋىل - قىستاق، اۋىل شارۋاشىلىعى، شارۋالار قىزمەتىندەگى ءتول تۋما دارىندىلاردى تاربيەلەۋ مەن ىستەتۋدىڭ بايداندى مەحانيزمىن قالىپتاستىرۋ كەرەك.

    اۋىل - قىستاققا باعىتتالعان وسى زامانعى كاسىپتىك وقۋ -اعارتۋدى جەدەل دامىتۋ ءۇشىن اۋىل - قىستاق كاسىپتىك مەكتەپتەرىنىڭ، اۋىل شارۋاشىلىق كاسىپتىك مەكتەپتەرىنىڭ وقىتۋىندا ورىن تەۋىپ وتىرعان نەگىزى ءالسىز، قوسىنى كەمەلسىز، دارىندىلاردى تاربيەلەۋ اياسى تار، كاسىپتىك باۋراۋ قۋاتى كۇشتى بولماۋ، دارىندىلاردى تاربيەلەۋ بەتالىسى دالمە - ءدال بولماۋداي ماسەلەلەردى شەشۋدە تومەندەگىدەي جۇمىستار ىستەلۋى قاجەت:

    اۋىل - قىستاق مەكتەپتەرىنىڭ نەگىزدىك قابىلەت قۇرىلىسىنا قولداۋ كورسەتىلۋى كەرەك. اۋىل - قىستاق كاسىپتىك مەكتەپتەرىنىڭ نەگىزگى وقىتۋ شارت -جاعدايى، جاتتىعۋ بازاسى قۇرىلىسى، وقىتۋدى ينفورماتسيالاندىرۋ سىندى جاقتارىنداعى ولقىلىقتارىن تولىقتىرۋعا كۇش سالىپ، اۋىل - قىستاق كاسىپتىك مەكتەپتەرىندەگى وقىتۋشىلاردىڭ ۇيلەسىمدى ەڭبەكاقى مامىلەسىن قامتاماسىزداندىرىپ، وقىتۋشىلار قوسىنىن ورنىقتىرۋ؛

جاۋاپتى رەداكتور: جازيرا بولاتباي قىزى