شىنايى كىتاپ وقۋ اۋەسىن جەتىلدىرەيىك

  • كەلۋ قاينارى: ىلە گازەتى
  • 04:21:11 13/05/2019

    ۋىن رۋمين

    

    كىتاپ وقۋدى بالالاردىڭ بالالىق شاعىنداعى كوڭىلدى تۇرمىسىنىڭ ءبىر بولەگىنە اينالدىرىپ، كىتاپتى قۇلاي سۇيەتىن تاماشا تۇرمىس ادەتىن جەتىلدىرىپ، ناشار ەسكى مادەنيەتتى تەجەۋ كەرەك.

    جاستار مەن ورەندەر ەرەسەكتەرگە قاراعاندا كىتاپ قۇمار بولادى، بۇل بۇلجىماس فاكت. دەسە دە، وسى «جاستار مەن ورەندەر» دەپ وتىرعانىمىز ۇقساماعان جاس كەزەڭدەرىنە بولىنەدى. وقۋ الدىنداعى بالالار مەن باستاۋىش مەكتەپ وقۋشىلارىنىڭ كىتاپ وقۋ مولشەرى ەڭ جوعارى بولىپ، بۇل ورتالاۋدىڭ ەكىنشى جىلدىعىنا بارعاندا بىرتىندەپ قۇلدىرايدى؛ تولىق ورتا وقۋشىلارى جوعارى مەكتەپ ەمتيحانىنا توتەپ بەرۋدىڭ قامىنا كىرىسەتىندىكتەن، ولاردىڭ وقيتىن كىتاپتارىنىڭ دەنى ەمتيحانعا باعىتتالعان كىتاپتار بولىپ، ءوز قالاۋىمەن تولىق وقيتىندارى ازايا بەرەدى؛ ال ستۋدەنتتەردىڭ كىتاپ وقۋ جالپى جاعدايى تىم شىركىن - اي ەمەس، كوپ ساندىسى كاسىپتىك كىتاپتار مەن كەڭ تارالعان كىتاپ - جۋرنالدارعا شۇقشيۋدان اسا المايدى. ال ەرەسەكتەردىڭ كىتاپ وقۋ جاعدايى تىپتەن ناشار. حالىقتىق ورتاشا كىتاپ وقۋ مولشەرىندە ەگەر باستاۋىش، ورتا مەكتەپ وقۋشىلارىن شىعارىپ تاستار بولسا، وندا كىتاپ وقۋدىڭ ورتاشا دەڭگەيى ءتىپتى دە تومەن بولۋى مۇمكىن.

    16 - رەتكى بۇكىل مەملەكەتتىك جالپى حالىقتىق كىتاپ وقۋ تەكسەرۋىنە نەگىزدەلگەندە، بيىل ازامات جاسىنا تولماعانداردىڭ كىتاپ وقۋ مولشەرى ءسال تومەندەگەن، مۇنىڭ سەبەبى كوپ جاقتى بولۋى مۇمكىن. 14 -17 جاس ارالىعىنداعى جاستار مەن ورەندەر جونىنەن العاندا، ءداستۇرلى قاعاز كىتاپتاردى وقيتىن ۋاقىتىنىڭ كوبىن توراپتا كىتاپ وقۋعا سارىپ ەتۋدە. ال 9 - 13 جاس ارالىعىنداعى بالالاردىڭ كىتاپ وقۋ مولشەرىنىڭ جوعارى بولۋى اتا - انالارىنىڭ وسى جاستاعى بالالاردى قولفون ويناۋدان شەكتەۋىنىڭ ارقاسى دەسەك تە بولادى. مۇنىمەن قوسا، قازىرگى قۇراستىرىلعان انا ءتىلى وقۋلىعىندا «1+x» ءادىسى قولدانىلىپ، ساباقتان سىرت قاتىستى كىتاپتاردى وقۋ تالاپ ەتىلگەن، ايتالىق، ءبىر ساباق تەكىسىن ۇيرەنە سالا ءبىرسىپىرا توركىندەس ماقالالاردى وقۋ تالابى قويىلاتىندىقتان، بۇل كىتاپ وقۋعا قۋزاۋ رولىن اتقارۋدا. ال 0 - 8 جاس ارالىعىنداعى بالدىرعانداردىڭ كىتاپ وقۋ مولشەرى تومەندەۋ بولىپ، مۇنىڭ سەبەبى كۇنى بۇرىن «باستاۋىش مەكتەپ وقىتۋىنا بەيىمدەلۋگە» قارسى تۇرۋمەن ساباقتاسىپ جاتسا كەرەك. ال بالا باقشادا باستىسى اڭگىمە - ەرتەك تىڭداۋ دارىپتەلەتىندىكتەن، كەيبىر كىتاپتار باستاۋىش مەكتەپكە تۇسكەننەن كەيىن عانا وقۋعا قالدىرىلادى.

    بالالاردىڭ كىتاپ وقۋىندا قاتاڭ كورسەتكىش بەلگىلەۋ قيىنداۋ شارۋا، دەسە دە، ءتىل - ادەبيەت ساباعى ولشەمى ساباقتان سىرت بەلگىلى مولشەردە كىتاپ وقۋ تالابىن قويىپ وتىر. باستاۋىشتان ورتالاۋعا دەيىنگى توعىز جىلداعى ساباقتان سىرتقى كىتاپ وقۋ مولشەرى 4 ميلليون ارىپتەن جٶعارى بولۋ ءتيىس دەلىنسە، وندا باستاۋىشتىڭ 1-، 2 - جىلدىعىندا 50 مىڭ ارىپتەن؛ 3 -، 4 - جىلدىعىندا 400 مىڭ ارىپتەن؛ 5-، 6 - جىلدىعىندا ءبىر ميلليون ارىپتەن؛ ورتالاۋ باسقىشىندا 2 ميلليون 600 مىڭ ارىپتەن كەم بولماۋى كەرەك دەلىنگەن. تولىق ورتانىڭ ساباق نىساناسىندا «ءتۇرلى كىتاپتاردى وقۋ مولشەرىن» 3 ميلليون ارىپكە جەتكىزۋ تالاپ ەتىلەدى.

جاۋاپتى رەداكتور: جازيرا بولاتباي قىزى