دۇنيە جۇزىلىك فۋتبول جارىسىنداعى جاڭا تەحنيكالار

  • كەلۋ قاينارى: ىلە گازەتى
  • 05:39:42 14/05/2019

    4 جىلدا ءبىر وتكىزىلەتىن دۇنيە جۇزىلىك فۋتبول جارىسىنىڭ 2018 – جىلعى رەسەيدەگى جارىسى سىرا جانە قىزىلبۇرىش قوسىلعان تەڭىز شايانى ەتىنىڭ حوش ءيىسى ىشىندە 7 – ايدىڭ سوڭعى جارىمىندا تابىستى اياقتادى. بۇل رەتكى جارىستا قىرۋار جاڭالىق جاراتىلىپ، قاقپاعا ەنگىزىلگەن دوپ پەن شۇعىل شابۋىلدار فۋتبول جانكۇيەرلەرىن عانا ەمەس، بارشانى تەرەڭ اسەرلەندىردى. سونىمەن بىرگە كورەرمەندەر بۇگىنگى تاڭدا ۇشقان قۇستاي دامىعان عىلىم – تەحنيكانىڭ فۋتبول جارىسىن ويداعىداي وتكىزۋدە ماڭىزدى قۋزاۋشىلىق رول اتقاراتىندىعىن تەرەڭ سەزىندى. ەلىكتەمە بەينە، زەردەلى فۋتبول اياق كيىمى سياقتى جوعارى عىلىم – تەحنيكا جەتىستىكتەرىن وزىندە توعىستىرعان جاڭا تەحنيكا، جاڭا ءونىم بۇل رەتكى دۇنيە جۇزىلىك فۋتبول ساۋىتىنا تالاسۋ جارىسىنا تىڭ مازمۇن قوستى.

    زەردەلى فۋتبولداعى «چيپتىڭ» رولى وزگەشە

    دوپ - جارىستىڭ وزەگى، بۇل ءسوز ءتۇپ – توركىنىنەن العاندا دوپقا قاراتىلعان. 2018 – جىلى رەسەيدە وتكىزىلگەن دۇنيە جۇزىلىك فۋتبول ساۋىتىنا تالاسۋ جارىسىندا بارشانىڭ نازارىن ەرەكشە اۋدارعانى Telstar18 دەپ اتالاتىن زەردەلى فۋتبولدىڭ ءوز كەرەمەتىن ايگىلەۋى بولدى. ايتۋعا تاتيتىنى بۇل فۋتبول 6 وزگەشە فورمالى بىلعارىنى ساڭلاۋ قالتىرماي جەلىممەن جاپسىرۋ ارقىلى قالىپتاسقان بولىپ، فۋتبولعا كەتەتىن ساپالى بىلعارىنى ۇنەمدەۋمەن بىرگە، جەلىم مەن ساپالى بىلعارى اراسىنا حيميالىق تالشىق قوسىلعاندىقتان، جارىس بارىسىندا قانشا كۇشپەن تەپسە دە، جارىلىپ كەتپەيدى. ودان باسقا بۇل فۋتبولدىڭ ىشىنە NFC دەپ اتالاتىن وزىق ورەدەگى چيپ ورناتىلعاندىقتان، فۋتبولدىڭ ارەكەت وربيتاسى، سپورتشىنىڭ دوپتى قاقپاعا ەنگىزگەندەگى قارقىنى، دوپتىڭ بەلگىلەنگەن اۋماقتان شىعىپ كەتكەن – كەتپەگەندىگى سياقتى ناق مايدانداعى ينفورماتسيا قاز – قالپىندا ساقتالىپ، جاقىن ماڭداعى بەلگىلى ۇقىق شەكتەمەسىندەگى قولفوننىڭ APP دەتالى ارقىلى تورەشىنىڭ قولفونىنا جەتكىزىلىپ، تورەشىنىڭ دۇرىس ءارى ءادىل شەشىم جاساۋىنا قولايلىلىق جاراتىلادى.

    بۇل تۇردەگى فۋتبولدىڭ سىرتقى كورىنىسى قاراپايىم ءارى شاعىن بولىپ، ونىڭ ەڭ كورنەكتى ەرەكشەلىگى ىشىنە NFC دەپ اتالاتىن وزىق ورەدەگى چيپتىڭ ورناتىلعاندىعىندا. مىنە، بۇل ۇكىمەت جاق وتكىزەتىن دوپقا تۇڭعىش رەت جوعارىداعىداي وزىق ورەدەگى جاڭا تەحنيكانىڭ قولدانىلۋى بولىپ ەسەپتەلەدى.

    تورەشىنىڭ كومەكشىسى VAR- جارىس الاڭىنداعى «ءادىلقازى»

    سپورت جارىسىندا بارىنەن ماڭىزدىسى جارىستى ءادىل ءارى دۇرىس جۇرگىزۋ بولسا، تورەشى وسى ادىلدىك پەن دۇرىستىقتى اتقارۋشى. دەسەدە، تورەشى دە ادام، ونىڭ اينالاداعىنىڭ ءبارىن كورىپ ۇلگىرەتىن ەرەكشە ارتىقشىلىعى جوق. سوندىقتان عىلىم – تەحنيكا دەرلىكتەي دامىماعان كەزدە كوزىمەن كورگەنىن نەگىز ەتىپ جانە فۋتبولشىلاردىڭ بارىنە ىلەسىپ جٷگىرىپ ءجۇرىپ، جارىسقا تورەشىلىك ەتكەندە شارشاپ دارمەنى قالماعاندى بىلاي قويعاندا، ارالىقتىڭ الىستىعىنان انىق كورە الماۋ نەمەسە كەيبىر قاس قاعىم ارالىقتاعى جاعدايدى تولىق كورە الماۋ سەبەپتى اعات تۇجىرىم جاساۋ جاعدايى تۋىلىپ، بۇل فۋتبول جانكۇيەرلەرىنىڭ كۇشتى نارازىلىعىن قوزعايتىن.

جاۋاپتى رەداكتور: جازيرا بولاتباي قىزى