موڭعۇلكۇرەدەگى پارتيالى كادرلار مەن جۇپ قۇراعان تۋىستار 130 مىڭ ءتۇپ «دوستىق اعاشىن» ەكتى

  • كەلۋ قاينارى: ىلە گازەتى
  • 03:28:28 17/05/2019

 

   ۇلتتار ىنتىماعى گۇلىن بىرگە ەگىپ، ۇلتتار ىنتىماعى اۋلاسىن بىرگە قۇرىپ، ۇلتتار ىنتىماعى كوشەسىن بىرگە كوركەيتتى

 

       ءتىلشىمىز لي يافىڭ، ەرىكتى ءتىلشى داي جۇنحۋا حابارلايدى. جۋىردا ءتىلشى موڭعۇلكۇرە اۋدانىنىڭ اۋىل ـ قالاشىقتارى مەن قىستاق اترەتتەرىنە بارعاندا 6 مىڭنان استام پارتيالى كادردىڭ جۇپ قۇراپ تۋىستاسقان وتباسىلاردىڭ اۋلاسىنا بارىپ، شۇڭقىر قازۋ، توپىراق قومداۋ جانە سۋارۋ جۇمىستارىن ولارمەن بىرگە ىستەپ، ءۇمىت پەن مەيىرگە ۋاكىلدىك ەتەتىن جەمىس اعاشتارىن ەگۋدەي ءىس جۇزىندىك ارەكەتتەرى ارقىلى «شوپان ءانى شىرقالعان موڭعۇلكۇرە» قۇرۋ قۇرىلىسىنا تىڭ تەبىن قوسقانىن كورگەن.

    4 ـ ايدىڭ 16 ـ كۇنى قوناقاي اۋىلىنىڭ ۇلىكۇنگەي قىستاعىنىڭ كەڭ دە رەتتى كوشەلەرىنىڭ بويىنان اعاش ەگىپ جۇرگەن كادرلار مەن بۇقارانى كوردى. موڭعۇلكۇرە اۋداندىق حالىق قۇرىلتايى تۇراقتى كوميتەتى ورگانىنىڭ كادرى قاناعات ابدىبەك ۇلى ەڭبەك ىستەي ءجۇرىپ، جۇپ قۇراعان تۋىسى اياتبەك تىلەۋبەردى ۇلىنا اعاش ەگىپ، ورمان ءوسىرۋدىڭ اۋىل ـ قىستاقتىڭ ورتاسىن جاپپاي وڭاۋ، كوركەم اۋىل ـ قىستاق قۇرىلىسىن قۇرۋ، سونداي ـ اق اۋىل ـ قىستاقتىڭ ەكونوميكاسىن دامىتۋداعى ماڭىزدى رولىن ۇعىندىردى.

    «الما اعاشىن ەگۋدى ەكى وتباسىنداعىلار تەرەڭ ويلانىپ بەكىم جاسادىق. الما اعاشى شەشەكتەگەندە اڭقىعان قوش ءيىسى جانىڭدى جادىراتىپ، جەمىستەرى ەكى وتباسىنىڭ سۇيىسپەنشىلىگىن قويۋلاتا تۇسەدى» دەدى قاناعات ابدىبەك ۇلى تىلشىگە. كەدەيلىكتەن ەندى عانا ارىلعان اياتبەك تىلەۋبەردى ۇلىنىڭ وتباسى پارتيا مەن ۇكىمەتتىڭ ءتيىمدى ساياساتىنىڭ سۇيەمەلدەۋىندە اۋلا شارۋاشىلىعىن بارىنشا دامىتۋ ارقىلى كەدەيلىكتەن ارىلۋدىڭ ناتيجەسىن بەكەمدەپ، تاماشا تۇرمىسقا قادام تاستادى.

    سارقوبى اۋىلى كۇركىلدەك قىستاعىندا وسى اۋداننىڭ ءادىليا مەكەمەسىنىڭ كادرى جۇپ قۇراعان تۋىسىمەن بىرگە شۇڭقىر قازىپ، حيميالىق تىڭايتقىش بەرىپ، كوشەت قالامشاسىن ەگىپ، قاربالاستىققا ءتۇسىپ ءجۇر. موڭعۇلكۇرە قالاشىعى شولىمتى قىستاعىندا، اۋداندىق جۇڭگوشا ەمدەۋ شيپاحاناسىنداعى 75 پارتيالى كادر مەن جۇپ قۇراعان تۋىستار شۇڭقۇر قازىپ، قالامشا وتىرعىزىپ، «دوستىق اعاشىن» بىرگە ەكتى. جۇمىس بىتكەن سوڭ، اعاشتارعا ات قويىپ، ەگىلگەن ۋاقىتىن، اعاش ەككەن ورىن مەن وتباسىنداعىلاردىڭ اتىن جازىپ، ادەمى ەسىم كارتوچكاسىن جاساپ اعاشتىڭ بۇتاعىنا ءىلىپ، ۇلتتار ىنتىماعىنىڭ ەڭ تاماشا كۋاسى ەتتى.

    اۋداندىق پارتكوم كەڭسەسىنىڭ حاتشىسى ليۋ يۇڭتاۋ تىلشىگە: «جالعىز اعاش ورمان، جالعىز ادام قورعان بولمايدى. بيىلعى اعاش ەگۋ قيمىلى بۇرىنعى جىلدارمەن سالىستىرعاندا ءتىپتى دە ماعىنالى بولدى، وسى شىنايى ىقىلاس، پەيىلمەن باۋلىعان ۇلتتار ىنتىماعىنىڭ كۋاسى بولعان اعاشتار ءالى ـ اق قاۋلاي ءوسىپ، تەرەڭ تامىر تارتادى» دەدى.

جاۋاپتى رەداكتور: گۇلدەن ماقسات قىزى