موڭعۇلكۇرەدەگى پارتيالى كادرلار مەن جۇپ قۇراعان تۋىستار 130 مىڭ ءتۇپ «دوستىق اعاشىن» ەكتى

  • كەلۋ قاينارى: ىلە گازەتى
  • 03:28:28 17/05/2019

    ءتىلشى كوپشىلىكتىڭ ورتاق قۇلشىنۋىندا قاز - قاتار ەگىلگەن «دوستىق اعاشىنىڭ» كوشەلەردى اسەم تۇسكە بولەنگەنىن، بۇرىن ساسىپ جاتاتىن ارنالار كوركى كوز سۇرىندىرەتىن جاسىل بەلدەۋگە اينالعانىن، جول جاعالاۋى تازا دا رەتتى بولىپ، ورتاسىنىڭ شىت جاڭا بەينەگە ەنگەندىگىن كوردى.

    اياتبەك تىلەۋبەردى ۇلى بىلاي دەدى: ءبىز كادرلارمەن بىرگە ءۇيدىڭ الدى - ارتىنا قالامشا ەكتىك، بۇل پارتيا مەن ۇكىمەتتىڭ جاقسى ساياساتى مەن جۇپ قۇراعان تۋىستاردىڭ قالتقىسىز كومەگىندە وتباسىمىزدىڭ اۋقاتتانۋ جولىنا تۇسكەندىگىنىڭ ايعاعىنداي سەزىلەدى. مەن بۇل قالامشالاردى جاقسى باپتاپ، مەرزىمدى ۋاقىتتا سۋارىپ، قالامشالاردى جايقالتا وسىرەمىن، جەمىس اعاشى ءونىم بەرگەندە تۋىستارىمدى ەڭبەك جەمىسىنەن ءدام تاتۋعا شاقىرامىن.

    «اۋدان بويىنشا 6 مىڭنان استام پارتيالى كادر مەن 100 مىڭنان استام بۇقارا 130 مىڭ ءتۇپ <ۇلتتار ىنتىماعى اعاشىن>، 569 مۋ جەرگە <ۇلتتار ىنتىماعى گۇلىن > ەگىپ، <ۇلتتار ىنتىماعى كوشەسىنەن > ۇشەۋىن جاسىلداندىردى». موڭعۇلكۇرە اۋدانى «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسى كەڭسەسىنىڭ كادرى ما جۇڭبياۋدىڭ تانىستىرۋىنشا، بۇل اۋدان بيىل 4 - ايدىڭ 15 - كۇنىنەن باستاپ تۇتاس اۋدانداعى ءار دارەجەلى كادرلار مەن جٷپ قۇراعان تۋىستاردى اتتانىسقا كەلتىرىپ «ۇلتتار ىنتىماعى گۇلىن ەگۋ، ۇلتتار ىنتىماعى اۋلاسىن بىرگە قۇرۋ، ۇلتتار ىنتىماعى كوشەسىن بىرلىكتە جاسىلداندىرۋ» قيمىلىن ورىستەتىپ، «دوستىق اعاشىن» قول ۇستاسىپ ەگۋ سىندى تاسىلدەرمەن اعاش ەگىپ ورمان وتىرعىزىپ، اتا مەكەندى كورىكتەندىرۋدى تىڭ ورلەۋگە كوتەرگەن.

    كوپشىلىك ماڭداي تەرى مەن ارەكەتتەرى ارقىلى تۋىستارىنىڭ قونىستانۋ ورتاسىن كورىكتەندىردى ءارى پارتيالى كادرلار مەن تۋىستاردىڭ كوڭىلىنە ۇلتتار ىنتىماعى تۇقىمىن سەپتى.

جاۋاپتى رەداكتور: گۇلدەن ماقسات قىزى