”بۇل ورىك اعاشىن ەڭ سۇيىكتى ۇلىما قالدىردىم“

  • كەلۋ قاينارى: شينجياڭ گازەتى تورابى
  • 08:34:42 27/05/2019

  

ەرىكتى تىلشىلەر شيڭ باۋيۇي ليۋ ياحۇي

 

    قۇمىل قالاسى اراتۇرىك اۋدانى اداق اۋىلى سايباقشا قىستاعىنىڭ تۇرعىنى سايىمحان وشۇردىڭ ءۇيىنىڭ اۋلاسىنىڭ الدىندا جايقالا وسكەن 6 ءتۇپ ورىك اعاشى بار، سايىمحان ەڭ ۇلكەن ءبىر ءتۇپ اعاشتى ”ۇلى“ دىڭ لياڭچۇنعا بەردى. ”وسى ورىك اعاشىن ەڭ سۇيىكتى ۇلىما قالدىردىم“، - دەدى 5 - ايدىڭ 16 - كۇنى سايىمحان ءماز بولىپ.

    دىڭ لياڭچۇن اداق اۋىلىنىڭ كادرى، 2017 - جىلى ول 66 جاستاعى سايىمحانمەن تۋىس بولعان. دىڭ لياڭچۇن سايىمحاننىڭ 5 بالاسىنىڭ تۇگەلدەي ۇيلەنىپ كەتكەندىگىن، ۇيلەرىنە ۇنەمى قايتىپ كەلىپ، كارياعا قارايلاسا المايتىندىعىن ۇعىسادى. ”تۋىس بولعان ەكەنمىن، مەن كاريانىڭ بالاسىمىن، ۇلى بولۋ جاۋاپكەرشىلىگىمدى ارقالاۋىم كەرەك“، - دەيدى دىڭ لياڭچۇن.

    دىڭ لياڭچۇن سايىمحانمەن تۋىس بولعاننان بەرى، ول كارياعا كۇرىش، ۇن، ماي سياقتى تۇرمىستىق بۇيىمداردى اكەلىپ بەرىپ تۇردى. سايىمحاننىڭ قان قىسىمى بار بولعاندىقتان، دىڭ لياڭچۇن مۇنان ايرىقشا الاڭداپ كەلدى، ول ۇيگە بىرنەشە كۇندە ءبىر بارىپ، كاريانىڭ دەنساۋلىق جاعدايىن ۇعىسىپ تۇردى.

    دىڭ لياڭچۇننىڭ ءۇيى قۇمىل قالاسىندا بولعاندىقتان، سايىمحان ونى ۇنەمى ۇيىنە شاقىرىپ الىپ، وعان تاماق ىستەپ بەرەدى. بىلتىر قىستا اۋىل كارياعا ءبىر توننا كومىر تاراتادى، مۇنى ەستىگەن دىڭ لياڭچۇن ادەيى كەلىپ، كومىرىن ءتۇسىرىپ، جيناپ بەرەدى.

    ”پارتيانىڭ ماعان وسىنداي جاقسى ۇل جىبەرگەندىگىنە العىس ايتامىن! ۇلىم وتە قۇنتتى، ءبىز ءبىر ءۇيلى جانداردايمىز“، - دەدى سايىمحان.

    ”بىرنەشە كۇننىڭ الدىندا سايىمحان اۋىلدىق ۇكىمەتكە ءبىر العىس تۋىن اكەلدى، العىس تۋىندا سايىمحاننىڭ پارتياعا العىس ايتۋ سەزىمى بەينەلەنگەن“، - دەدى اداق اۋىلىنىڭ باستىعى جاڭ شياۋجين.

    بىرنەشە جىلدىڭ الدىندا بەيقۇت ءۇي سالىنعاندا، سايىمحان اۋلاسىنىڭ الدىنا 6 ءتۇپ ورىك اعاشىن ەككەن بولاتىن، قازىر جەمىس بەرەتىن كەزى كەلدى. 5 - ايدىڭ باس شەنىندە سايىمحان 5 بالاسى مەن دىڭ لياڭچۇندى ۇيىنە شاقىرىپ الدى، ول: ەسىك الدىمىزداعى 6 ءتۇپ ورىك اعاشىن بىرەۋىڭ بىردەن الىڭدار، ەڭ بيىك، ەڭ ماۋەلەپ وسكەنى دىڭ لياڭچۇندىكى“، - دەدى.

جاۋاپتى رەداكتور: گۇلدەن ماقسات قىزى