قۇلجا قالاسى «جۇزدەگەن وتباسى ۇلگى كورسەتۋ، مىڭداعان كوشەنى وڭاۋ» ينجەنەرياسىن پارمەندى ىلگەرىلەتتى

  • كەلۋ قاينارى: ىلە گازەتى
  • 02:51:30 28/05/2019

      ءتىلشىمىز ليۋ ليجۇن، ەرىكتى ءتىلشى سۇن ۋ - جيان

    قۇلجا قالاسىنداعى اۋىل – قالاشىقتار «جۇزدەگەن وتباسى ۇلگى كورسەتۋ، مىڭداعان كوشەنى وڭاۋ» ينجەنەرياسىن پارمەندى ىلگەرىلەتىپ، قىستاقتاردى تازالاۋ، اۋىل – قىستاقتاردىڭ دارەتحانالارىن وزگەرتۋ، اۋىل – قىستاقتاردا كۇندەلىكتى قوقىر – قوقسىقتاردى جونگە سالۋ، قىستاق بەينەسىن جاقسىلاۋ سياقتى قىزمەتتەردى كۇش سالا اتقارىپ، قونىستانۋ ورتاسىن كۇش سالا جاقسارتىپ، كورىكتى اۋىل – قىستاق قۇرۋ قۇرىلىسىنا دەم بەردى.

    5 – ايدىڭ 7 – كۇنى كەپەكجۇزى اۋىلىنىڭ اۋىل – قىستاق قونىستانۋ ورتاسىن وڭاۋ قىزمەتى قىستاقتاردا جاپپاي باستالدى، ءار ۇلت كادر - جۇرتشىلىعى ارت – ارتىنان تازالاۋ اترەتىنە قاتىناسىپ، اۋىل - قىستاق ورتاسىنىڭ «لاس، بىلىققان، ناشار» احۋالدارىن جونگە سالدى. سونىمەن بىرگە، «اۋىل – قىستاقتاردا دارەتحانانى وزگەرتۋ» سىناق ءتۇيىنى قىزمەتى كەپەكجۇزى اۋىلىنىڭ ارا ءمالى قىستاعىندا جۇرگىزىلىپ، مۇنتازداي تازا 60 دارەتحانا ورناتىلا باستادى. قىستاق تۇرعىنى ءرابيا احىمەتتىڭ اۋلاسىندا قۇرىلىس جۇرگىزۋشى قىزمەتكەر 3 مەتر تەرەڭدىكتە دارەتحانا شۇڭقىرىن قازىپ جاتتى، تەحنيكتەر رابياعا سۋمەن شايىلاتىن دارەتحانا ورناتۋدىڭ پايداسىن ءتۇسىندىردى.

    ودان سىرت، كەپەكجۇزى اۋىلى «قىستاق ورمانمەن كومكەرىلۋ، اۋلا جاسىل جەلەك جامىلۋ، ادامدار كوركەم ورتادا جاساۋ» دەگەن كورىكتى اۋىل – قىستاق جوباسىنا ساي اعاش ەگىپ جاسىلداندىرۋ ينجەنەرياسىن كۇش سالا اتقاردى. قازىر اۋىلعا قاراستى قىستاقتاردا 20 مىڭنان استام ءتۇرلى اعاش قالامشاسى وتىرعىزىلىپ، قىستاقتار دەرلىك جاسىل جەلەك جامىلدى.

    كەپەكجۇزى اۋىلى تۇرمىستىق قوقىر – قوقسىقتى جونگە سالۋ، كونە تامداردى قۇلاتۋ، اعاش ەگىپ، ورمان ءوسىرۋ، ءۇش ءوڭىردى ءبولۋ، اۋىل – قىستاقتاردا دارەتحانانى وزگەرتۋ، توعان جاساۋ سياقتى قىزمەتتەردى تىڭعىلىقتى ورىستەتىپ، كورىكتى اۋىل – قىستاق قۇرىلىسىن باياندى ىلگەرىلەتۋدە.

جاۋاپتى رەداكتور: جازيرا بولاتباي قىزى