تۋ يوۋيوۋ ءبىر تال ءشوپ ارقىلى دۇنيەنى وزگەرتتى

  • كەلۋ قاينارى: ىلە گازەتى
  • 03:23:31 30/05/2019

   

    ۋاڭ جيانجۋ

 

    ول سول ءشوپتى تابۋ ءۇشىن كەڭ دالانى كەزىپ، جول بويى اسىقپاي – ابدىراماي ءبىر تال ءشوپتىڭ اكتيۆتىگى، سەزگىرلىگى جانە توزىمدىلىگىن سىناۋعا سابىرلىلىقپەن كۇش سالىپ، سوڭىندا بەزگەك سىندى وسى اۋرۋ مازالاپ وتىرعان دۇنيەنى وزگەرتتى.

    86 جاستاعى تۋ يوۋيوۋ جاسامپازدىقپەن بايقاپ، بەزگەككە قارسى ءدارى ارتەاننۋيندى ايىرىپ العاندىعى ءۇشىن 2016 – جىلعى مەملەكەتتىك ەڭ جوعارى عىلىم – تەحنيكا سيلىعىمەن ماراپاتتالىپ، تاريحتا وسى داڭقتى اتاققا كەنەلگەن تۇڭعىش ايەل عالىم بولدى. 2016 – جىلى 1 – ايدىڭ 9 – كۇنى تۇستەن بۇرىن تۋ يوۋيوۋ حالىق سارايىندا ساحناعا باياۋ كوتەرىلىپ، باس شۋجي شي جينپيڭنىڭ قولىنان مەملەكەتتىك ەڭ جوعارى عىلىم – تەحنيكا سيلىعىنىڭ كۋالىگىن الدى. بۇل تۋ يوۋيوۋدىڭ 2011 – جىلى راسىك كلينيكالىق مەديتسينا سيلىعىنا، 2015 – جىلى نوبەل فيزيولوگيا نەمەسە مەديتسينا سيلىعىنا يە بولعاننان كەيىن ەنشىلەگەن تاعى ءبىر ماڭىزدى سيلىعى ەدى.

    ارتەاننۋين جارىققا شىققان 40 جىلدان بەرى نەشە ميلليون ادامدى اجالدان اراشالاپ قالدى. تۋ يوۋيوۋدىڭ بويىنداعى قاجىرلىلىق، كىشى پەيىلدىلىك سياقتى تاماشا قاسىيەتتەرى جاسىنىڭ ۇلعايۋىمەن ءتىپتى دە كورنەكتىلەنىپ، ءوزىن ايگىلەي ءتۇستى. نوبەل سيلىعىن العاننان كەيىن ول جٶنىندەگى حابار كەڭ تارالسا دا، ول ەل نازارىنا ىلىنۋدەن بويىن اۋلاققا سالدى. وقىمىستىلىق، كىسىلىك، ايەلدىك، انالىق بورىشىن بۇلجىتپاي اتقارىپ كەلگەن تۋ يوۋيوۋدى «قاراپايىم ۇلەسكەر» دەگەن ءبىر اۋىز سوزبەن سۋرەتتەۋگە بولادى.

    39 جاسىندا قاتەرگە قاراماي «523 » نىسانىنا قاتىناسىپ، بەزگەكتى بويسۇندىرۋ ماشاقاتتى ساپارىن باستادى

    تۋ يوۋيوۋ 1930 – جىلدىڭ سوڭىندا جىجياڭ ولكەسىنىڭ نيڭبو قالاسىندا دۇنيەگە كەلگەن. ول وتباسىنداعى 5 بالانىڭ ىشىندەگى جالعىز قىز ەدى. تۋ يوۋيوۋدىڭ اتى «جىرناماداعى» «قاس سۇلۋ» تاقىرىبىنداعى ولەڭدەگى «شاقىرادى بۇعى داۋىستاپ» دەگەن ادەمى شۋماقتاعى بۇعىنىڭ شاقىرعان داۋىسىنا ەلىكتەپ قويىلعان، ادامدى تاڭ قالدىراتىنى، بۇل ءبىر شۋماق ولەڭنىڭ سوڭى «دالا كەزىپ ەرمەن ىزدەپ» دەپ اياقتايتىن ەدى. تۋ يوۋيوۋ ءومىر بويى ەرمەندى زەرتتەدى، ونىڭ ورتا مەكتەپتەگى ساباقتاسى چىن شياۋجۇڭ سول كەزدەگى جاعدايدى ەسكە الىپ: تۋ يوۋيوۋ ءاربىر ساباقتى مۇقيات تىڭداپ، ارتىنان بەرىلە پىسىقتايتىن، 1951 – جىلى ول بەيجيڭ مەديتسينا شۋەيۋانىنىڭ (كەيىن بەيجيڭ مەديتسينا داشۋەسىنە، قازىر بەيجيڭ داشۋەسىنىڭ مەديتسينا بولىمىنە وزگەرتىلگەن) دارىگەرلىك كاسىبىنە قابىلدانىپ، وقۋ بىتىرگەننەن كەيىن دەنساۋلىق ساقتاۋ مينيسترلىگىنىڭ جٷڭگوشا شيپاگەرلىكتى زەرتتەۋ ورنىنىڭ (قازىرگى جٷڭگوشا شيپاگەرلىك عىلىم اكادەمياسى) جٷڭگوشا ءدارى زەرتتەۋ بولىمشەسىنە قىزمەتكە ءبولىنىپ، سول ارادا تاپجىلماي قىزمەت ىستەدى، – دەدى.

جاۋاپتى رەداكتور: گۇلدەن ماقسات قىزى