تۋ يوۋيوۋ ءبىر تال ءشوپ ارقىلى دۇنيەنى وزگەرتتى

  • كەلۋ قاينارى: ىلە گازەتى
  • 03:23:31 30/05/2019

جالپى سيلىق سوماسى 5 مىڭ يۋان ەكەن، ماعان 200 يۋان بەرىلدى» دەپ جاۋاپ بەرەدى. تۋ يوۋيوۋ ارتەاننۋيندى تاپقىرلاعانىمەن 2002 – جىلعا دەيىن كەزىندەگى قىم – قۋىت سەبەپتەردەن ول بۇل تاپقىرلىقتىڭ پاتەنت ۇقىعىن قورعاۋدى ءوتىنىش ەتە المايدى. كەيبىرەۋلەر: پاتەنت ۇقىعىن قورعاۋ كەرەك، دەسە، ەندى كەيبىرەۋلەر: ءوتىنىش ەتۋدىڭ قاجەتى جوق، دەستى. سونىمەن بىرگە، مەملەكەت ىشىندەگى كوپتەگەن تاراۋ جانە ورىندار ارتەاننۋيننىڭ تەحنيكالىق ماتەريالىن يەلەپ ۇلگىرەدى. كەيبىرەۋلەر ءتىپتى شەتەل ساۋداگەرلەرىمەن سەلبەسىپ، بۇل نىساندى ونىمگە اينالدىرۋ ءۇشىن ارت – ارتىنان زاۆود، كاسىپورىن قۇردى. ءبىراق تاپقىرلاۋشىمەن ەشكىمنىڭ جٷمىسى بولماي، تۋ يوۋيوۋدىڭ زەرتتەۋ قاراجاتى كەيدە تولىق تياناقتانباي كەلدى. باعىنا جاراي تۋ يوۋيوۋدىڭ مىنەزى اشىق – جارقىن، ونىڭ ۇستىنە جاسى 70 كە تاياپ قالعاندىقتان، بارىنە بايىپتى مامىلە جاساپ، اتاق – ابىروي، اقشاعا قىزىقپادى. زەرتتەۋ جٷمىسىمەن اينالىسۋ بارىسىندا ول تالاي اۋرەشىلىككە تاپ بولعان جانە قۇسالانعان بولسا دا، زەرتتەۋ جۇمىسىن ءبىر كۇن دە توقتاتپادى. قايتا سول كەزدەگى رەنىشتى، قۇسالى كەزدەرى جونىندە ءسوز بولعاندا ول كۇلىپ تۇرىپ: «مەيلى سيلاسىن، سيلاماسىن، وندا تۇرعان نە بار، ءبارى وتەدى، كەتەدى، تۇرلاۋسىز دۇنيە دەگەن سول ەمەس پە، قالاي دەگەنمەن مەملەكەت مەنى تاربيەلەدى ءارى ماعان سونداي تاماشا وراي جاراتىپ بەردى. بولماشى تاپقىرلىق جاراتقانىم – مەملەكەتكە جاۋاپ قايتارعانىم عوي» دەيدى.

    جەكە باسىنىڭ پايدا – زيانىمەن ونشا ەسەپتەسىپ كەتپەيتىن تۋ يوۋيوۋ شاراسىزدان تاعى ءبىر الاڭداۋشىلىق پەن ابىرجۋىن جاسىرىپ قالا المادى، بۇل جٶنىندە ول بىلاي دەيدى: «مەن كەيبىرەۋلەردىڭ اقشا تابۋ ءۇشىن جۇمىستى بىلىقتىرىپ جىبەرۋىنەن، باسقالاردى الداۋسىراتىپ، بەزگەككە قارسى ءدارىنى بەزگەكتەن ساقتاندىراتىن ءدارى دەپ تۇسىندىرۋىنەن الاڭدايمىن، ويتكەنى بۇلاي ىستەگەندە ءدارىنى كوپ ءارى تەز ساتۋعا بولادى. كەيبىرەۋلەر بۇل ءدارىنى افريكا نەمەسە جاڭبىرلى ورمان بەلدەۋىندەگى ادامدارعا مەيلى بەزگەك اۋرۋى بار نەمەسە جوق بولسىن بىردەي ىشكىزۋ كەرەك دەيدى. بۇلاي ىستەگەندە ۋاقىت ۇزارا كەلە سول ورىنداعى ادامداردىڭ دەنەسىندە بۇل دارىگە قارسىلىق قۋات قالىپتاسادى دا، ءدارىنىڭ ءونىمى بىرتىندەپ جوعالادى. ءبىزدىڭ اقپارات دانەكەرلەرىمىز وسىنداي تيىمسىز جاعدايدىڭ جارىققا شىعۋىنان ساقتانۋ جٶنىندەگى ۇگىت – تاربيەنى كۇشەيتۋى كەرەك».

    تۋ يوۋيوۋدى تۇسىنەتىندەر جونىنەن العاندا ول مىنەزى وزگەشە عالىم. قوعامدىق قارىم – قاتىناسقا شورقاق، دەسە دە، شىنشىل، تۋراشىل، ءوزىن كورسەتۋدى، باسقالاردى قولپاشتاۋدى قالامايدى. مىسالى، مەيلى جيىن نەمەسە بولەك سۇحباتتا بولسىن، ول قۇپتايتىن پىكىردى دەرەۋ تۇراقتاندىرادى. ەگەر قۇپتاماسا، قارسى جاق كونە دوسى نەمەسە باسشىسى بولسىن، تىكەلەي تويتارىس بەرەدى. وسىنداي تۋراشىلدىق ونىڭ قۇرعاق ءسوزدى ساپىرماي، كەسكىن جٷمىس ءبىتىرۋ مىنەزىن قالىپتاستىرعان. كۇندەلىك تۇرمىس، قىزمەتتە كاسىپتەستەرى وعان «وتە كىشى پەيىل ادام» دەپ باعا بەرگەن. ول ۇنەمى: «مەن زەرتتەۋ جۇمىسىمەن اينالىسامىن، سوندىقتان تەك قۇلشىنا ءبىلىم يگەرسەم دەگەندى عانا ويلايمىن، وزىمە ءتيىستى جٷمىستاردى تىندىرىمدى اتقارسام، قولعا العان زەرتتەۋ تاقىرىپتارىن ءساتتى ورىنداسام بولدى، باسقا جٷمىستاردى ويلاۋعا زاۋقىم سوقپايدى ءارى ۋاقىتىم دا جوق. جاسىم ەگدەلەدى، دەنساۋلىعىم دا جاقسى ەمەس، سوندىقتان شەتەلگە شىعۋدى ەجەلدەن ويلاپ كورمەپپىن، ال، سيلانۋدى ءتىپتى دە قيالىما كەلتىرگەن ەمەسپىن» دەيدى.

جاۋاپتى رەداكتور: گۇلدەن ماقسات قىزى