تۋ يوۋيوۋ ءبىر تال ءشوپ ارقىلى دۇنيەنى وزگەرتتى

  • كەلۋ قاينارى: ىلە گازەتى
  • 03:23:31 30/05/2019

    ءبىر تال ءشوپ نەشە ميلليون جاندى اجالدان اراشالادى، دەسە دە، تۋ يوۋيوۋ «ىنتىماقتاسىپ ءتىپتى دە كوپ جۇمىستاردى تىندىرۋدى» كوكسەدى

    تۋ يوۋيوۋ 2015 – جىلى نوبەل فيزيولوگيا نەمەسە مەديتسينا سيلىعىن العاننان كەيىن جالپى الەۋمەت اراسىندا تۋ يوۋيوۋدىڭ اتى اتالسا بولعانى، بارشا ونى ارتەاننۋينمەن بايلانىستىرىپ اڭگىمە دۇكەنىن قۇرىپ، «جىر كىتابىنداعى» دارا شۋماقتار بۇل ايەل عالىمنىڭ كۇرەسكەرلىككە تولى ماعىنالى ءومىرىن سۋرەتتەۋدەگى تاماشا تەڭەۋگە اينالدى. مەملەكەتتىڭ ەڭ جوعارى عىلىم – تەحنيكا سيلىعىن العاننان كەيىن ول تاعى قانداي ويدا بولىپ ءجۇر ەكەن؟ وسى سۇراۋعا جاۋاپ تابۋ ءۇشىن تۋ يوۋيوۋدىڭ ۇيىنە تەلەفون جالعاعان تىلشىگە ول نيڭبونىڭ جەرگىلىكتى اكسەنتىن ارالاستىرا سويلەۋ ادەتى بويىنشا: «بۇل جەكە ماعان عانا ءتان اتاق – ابىروي ەمەس، قايتا جۇڭگوداعى بارلىق عالىمدارعا ورتاق اتاق – ابىروي، كوپشىلىك نەشە 10 جىل بىرگە عىلمي زەرتتەۋ جۇرگىزدىك، سوندىقتان ول – زەرتتەۋ گرۋپپاسى كوللەكتيۆ قامال العان جەتىستىك. ارتەاننۋين شىنىندا دا وڭاي – وسپاق قولعا كەلگەن ەمەس ءارى ونىڭ ەمدەۋ ونىمدىلىگى تەك بەزگەكپەن عانا شەكتەلمەيدى. بۇدان بىلاي ءبىز ىنتىماقتاسىپ، ءتىپتى دە كوپ عىلمي زەرتتەۋ جۇمىستارىن ورىستەتۋىمىز كەرەك. مەنىڭ ءومىرىم ارتەاننۋيندى زەرتتەۋمەن ءوتتى، سوندىقتان بۇل ءدارىنىڭ رولىنىڭ تولىق ساۋلەلەندىرىلۋىن ءۇمىت ەتەمىن» دەدى. ول تاعى ءوزىنىڭ تەك وسىمدىك حيمياسىن زەرتتەگەن قاراپايىم زەرتتەرمەن ەكەندىگىن، دەسە دە، جٷڭگونىڭ باعالى ءدارى قامباسىنان اسىلدى بايقاعان ءارى ونى حالىقاراداعى عىلىم سالاسىنداعىلاردىڭ جاپپاي مويىنداۋىنا يە ەتكەن قاراپايىم جٷڭگولىق عالىم بولعانىن شەكسىز ماقتانىش سانايتىندىعىن، سيلىق الۋعا سالىستىرعاندا ونى ەرەكشە قۋانتقانى ءداستۇرلى جۇڭگوشا ەمدەۋ دارىلەرىنىڭ كومەگىندە ارتەاننۋيندى بايقاپ، بۇكىل جەر شارىنداعى نەشە ميلليون ادامدى اجالدان اراشالاعىنى ەكەندىگىن تەبىرەنە اڭگىمەلەدى.

    2011 – جىلى ا ق ش – نىڭ راسىك سيلىعىن العاننان جانە 2015 – جىلى نوبەل سيلىعىن العاننان بۇرىنعى نەشە 10 جىلدا تۋ يوۋيوۋدى ەشكىم بىلمەيتىن. ال، بۇل رەت مەملەكەتتىڭ ەڭ جوعارى عىلىم – تەحنيكا سيلىعىن العاننان كەيىن دە ول بەينە تۇتاس جٷڭگوعا شۇلەن شۇعىلاسىن شاشقان، دەسە دە، جايشىلىقتا كوزگە ونشا تۇسپەيتىن، ومىرشەڭدىك قۋاتقا تولى سول ءبىر تال ءشوپ سەكىلدى ءباز – باياعىسىنشا قاراپايىم جانە ىڭ – دىڭسىز تۇرمىسىنا ءدان ريزا بولىپ جۇرە بەردى...

    «ازاتتىق گازەتىنەن» ىقشامداپ اۋدارعان

    گۇلباھار قۇرمانعالي قىزى

جاۋاپتى رەداكتور: گۇلدەن ماقسات قىزى