ساتىبالدى وتباسىنىڭ «كەدەيلىك قالپاعىنان» قۇتىلعانى جونىندە

  • كەلۋ قاينارى: ىلە گازەتى
  • 04:02:36 04/06/2019

    

    ءوز ءتىلشىمىز حان شاشا

 

    كۇنەس اۋدانى كەدەيلەردى دالمە ـ ءدال سۇيەمەلدەۋ قىزمەتى بارىسىندا «بىردە ـ ءبىر كەدەي وتباسىنىڭ قاتاردان قالۋىنا جول بەرمەۋ» ۋادەسىندە بەرىك تۇرىپ، وتباسىلارىنا قاراي شارا قولدانىپ، كەدەي وتباسىلارىنىڭ جۇمىس ىستەگىسى كەلەتىندەرى مەن جۇمىس ىستەي الاتىندارىنىڭ جىگەرىن تاسقىنداتتى، سۇيەمەلدەنەتىن ءبىرقانشا كەدەي وتباسىنىڭ وزگەرىسى شىنىندا كوپ بولدى.

    5 ـ ايدىڭ 22 ـ كۇنى ءتىلشى كۇنەس قالاشىعى ءۇشبۇلاق قىستاعىنىڭ تۇرعىنى ساتىبالدى راحىم ۇلى قاريانىڭ ۇيىنە بارىپ، كەڭ اۋلا، 3 بولمەلى جاڭا ءۇي، جاسىل جەلەك جامىلعان كوكونىس تاقتاسى، سيىر، قوي قورا، دوعاشا لاپاس بارلىعىن، ءۇيدىڭ ءىشى ـ سىرتى قاراپايىم دا رەتتى، ورتاسى كوركەم ەكەندىگىن كوردى.

    2014 ـ جىلى 56 جاستاعى ساتىبالدى قارجىسى تاپشى بولعاندىقتان ارحيۆتەستىرىلىپ، كارتوچكالاستىرىلعان كەدەي وتباسى دەپ تۇراقتاندىرىلدى، ايەلى تۇرانگۇل الىمبەك قىزى مۇگەدەك بولعاندىقتان قاراپايىم ءۇي شارۋاسىن عانا ىستەي الادى. ەندى عانا ەرجەتكەن كەنجە ۇلى جاس، ماعلۇمات جاقتارىندا شەكتەمەگە ۇشىراپ، ورنىقتى قىزمەت ىستەي المادى.

    تانىستىرۋعا قاراعاندا، 2016 ـ جىلدان بۇرىن ساتىبالدى وتباسى وتكەن عاسىردىڭ 80 ـ جىلدارىنداعى تام ۇيدە تۇرىپ كەلگەن، جاڭبىر جاۋسا تامشى وتەدى ەكەن.

    ءۇشبۇلاق قىستاعىنىڭ كەدەيلەردى دالمە ـ ءدال سۇيەمەلدەۋ بەيقۇت ءۇيىن سالىپ، حالىقتى اۋقاتتاندىرۋ نىسانىنىڭ كومەگىندە ساتىبالدى وتباسى 40 مىڭ يۋان قوسىمشا قاراجاتتان يگىلىكتەندى، قازىر ءبىر ءۇيلى جان جارىق ۇيگە كوشىپ كىردى، تۇرعىن ءۇي ورتاسى جاقساردى.

    «ۇكىمەت بىزگە وسىنشاما زور كومەك بەردى، مەن، ءسوز جوق، قۇلشىنۋىم كەرەك، ەندى ۇكىمەتكە اۋرەشىلىك اكەلۋگە بولمايدى، مەن قوس قولىما سۇيەنىپ اقشا تاۋىپ، وتباسىمدى اسىراپ، بالاما ۇلگى بولامىن» دەدى ساتىبالدى.

    2018 ـ جىلى 5 ـ ايدا ساتىبالدى 20 مىڭ يۋان شاعىن سومالى ءوسىمسىز قارىز اقشا الۋدى ءوتىنىش ەتتى، ول مۇنىڭ 9 مىڭ يۋانىنا ءبىر سيىر ساتىپ الدى. سول جىلى 9 - ايدا قالعان اقشاعا 10 قوي ساتىپ الدى، قازىر 20 قويى بار. «وسى 20 مىڭ يۋان قارىز اقشانىڭ شەكتى مەرزىمى 3 جىل، بيىل 10 ـ ايدا ءبىراز قوي ساتىپ، الدىمەن 5 مىڭ يۋان قايتارامىن، ونان سوڭ جىل سوڭىندا قالعان قارىز اقشانى تۇگەل قايتارىپ بولىپ، تاعى دا ءبىراز قارىز اقشا الىپ، قوي مەن سيىر ساتىپ الىپ، باعىمشىلىق كولەمىن كەڭەيتپەكشىمىن، قاراڭىز، بۇل سيىر قورا بۇدان كەيىنگىگە دايىندىق» دەدى ساتىبالدى تىلشىگە.

جاۋاپتى رەداكتور: گۇلدەن ماقسات قىزى