ۇلتتار ىنتىماعىنىڭ ۇلكەن شاڭىراعى ىستىق مەيىرگە تولى

  • كەلۋ قاينارى: شينجياڭ گازەتى تورابى
  • 04:17:26 07/06/2019

  

ماكىت اۋدانى بازار ءجامي قالاشىعىنىڭ باستىعى ارزۇگۇل موللەك

 

    مەن ماكىتتە تۋىپ - ءوستىم، بالا كۇنىمنەن كوپ ۇلت ءجيى قونىستانعان شاعىن اۋماقتا ەسەيىپ - ەرجەتتىم. كىشكەنتاي كەزىمدە ءبىزدىڭ شاعىن اۋماقتاعى ۇيلەردىڭ ءبارى جاتاعان تام ءۇي ەدى، ەكى جاعىمىزداعى كورشىمىزدىڭ بىرەۋى حانزۋ، بىرەۋى سىبە بولاتىن. حانزۋ كورشىمىز گان ۇستاز بولاتىن، گان ۇستازدىڭ 2 ۇل، ءبىر قىزى بار، ۇلكەن ۇلىنىڭ اتى دايۇڭ، كىشى ۇلىنىڭ اتى شياۋيۇڭ، قىزىنىڭ اتى ياتوۋحان بولاتىن؛ سىبە كورشىمىزدىڭ اتى امۋ ەدى، ونىڭ 2 بالاسى بار، ۇلىنىڭ اتى شييۇڭ، قىزىنىڭ اتى حۇڭحۋا بولاتىن. مەنىڭ اكەم ماكىت اۋداندىق ازىق - تۇلىك سەرىكتەستىگىنىڭ قاراپايىم قىزمەتشىسى، شەشەم وقىتۋشى بولاتىن. مەنىڭ كىشكەنتاي كەزىمدە، اكە - شەشەمنىڭ قىزمەتى قاربالاس بولعاندىقتان، وزدەرى قىزمەتكە كەتكەندە ءبىزدى ۇنەمى ۇيگە قالدىرىپ كەتەتىن، سول كەزدە مەن جالعىزسىرامايتىنمىن، ويتكەنى دايۇڭ، شياۋيۇڭ، شييۇڭ، ياتوۋحان جانە حۇڭحۋا سياقتى دوستارىم مەنىمەن بىرگە وينايتىن.

    ءالى ەسىمدە، 7 جاس شاماسىنداعى كەزىمدە، ناعاشى اپام، ناعاشى اتام اۋىر ناۋقاسقا شالدىققاندىقتان، ءبىر كۇنى شەشەم ناعاشى اپام مەن ناعاشى اتامنىڭ كوڭىلىن سۇراعالى بارىپ، ۇيگە قايتىپ كەلمەي قالدى، ۇيدە اكەم ەكەۋىمىز عانا قالدىق. ءتۇن ورتاسىندا اكەم قاتتى جايسىزداندى، مەن امۋ اعايدىڭ ۇيىنە بارىپ، ول كىسىنى كومەككە شاقىردىم، گان ۇستاز دا بىرگە كەلدى، ولار اكەمدى شيپاحاناعا جەتكىزدى، شۇعىل حاراكتەرلى سوقىر ىشەك ناۋقاسىنا شالدىققاندىعى تەكسەرىپ انىقتالعاندا، ول ەكەۋى دەرەۋ اكەمنىڭ وپەراتسيا اقىسىن تاپسىردى. سول كۇنى تۇندە مەن ۇيدە قورقىپ توقتاماي جىلاعانىمدا، حۇڭحۋا مەن ياتوۋحان تاڭ اتقانشا مەنىڭ قاسىمدا بولدى. سول كەزدە جاعداي وتە شۇعىل بولدى، ەگەر امۋ اعاي مەن گان ۇستاز اكەمدى دەر كەزىندە شيپاحاناعا جەتكىزبەگەن جانە وپەراتسيا اقىسىن تولەمەگەن بولسا، مۇنىڭ سوڭىنىڭ نە بولارى ناعايبىل ەدى. ەرتەسى تاڭەرتەڭ شەشەم قايتىپ كەلگەننەن كەيىن، ەكى اعايعا العىسىن جاۋدىردى، ال ولار: ”مۇندا تۇرعان ەشتەڭە جوق، ءبارىمىز كورشىلەرمىز - عوي“، - دەپ كىشى پەيىلدىلىك تانىتتى.

    مەن وقۋعا تۇسكەندە اكەم مەن شەشەمنىڭ ەڭبەكاقىسى جوعارى ەمەس ەدى، كەي كەزدەرى قوسالقى وقۋ قاراجاتىن تاپسىرعاندا قينالىپ قالاتىنبىز، اكەم گان ۇستازدان قارىز اقشا الىپ، ءبىزدىڭ قوسالقى وقۋ قاراجاتىمىزدى تاپسىراتىن. مەن ماكىت اۋدانىندا 30 نەشە جىل تۇرمىس كەشىردىم، قىزمەت ىستەدىم، ءوز باسىمنان كەشىرگەن ۇلتتار ىنتىماعىنا، ءوزارا كومەكتەسىپ، قول ۇشىن بەرۋگە قاتىستى حيكايالار وتە كوپ. ءار ۇلت كورشىلەر ۇنەمى ءبىرىنىڭ ۇيىنە ءبىرى قىدىرىپ تۇراتىن، بالالار ۇلتتار ارا سۇيىسپەنشىلىككە، دوستىق مەيىرگە بولەنىپ، بىرگە ويناپ - كۇلىپ ەرجەتتى، وسىنداي تاماشا قارىم - قاتىناس قازىرگە دەيىن جالعاسىپ كەلەدى، مۇنداي ءبىر - بىرىمەن بىتە قايناسقان، ىستىق مەيىرگە تولى ۇلتتار ىنتىماعىنىڭ ۇلكەن شاڭىراعىندا، ءبىز ەتەنە اعا - ءىنى، اپەكە - ءسىڭلى بولىپ كەتتىك.

جاۋاپتى رەداكتور: گۇلدەن ماقسات قىزى