بۇقارانىڭ شارۋاسىن ءوز شارۋاسىنداي تىندىردى

  • كەلۋ قاينارى: ىلە گازەتى
  • 03:39:24 20/06/2019

   

   كۇنەس اۋدانىنىڭ كادرلارى بۇقارالىق تانىمدى بەكەمدەپ، حالىققا بار ىنتا - پەيىلىمەن قىزمەت ەتتى

 

    چىن جۇن (ەرىكتى ءتىلشى)

    كۇنەس اۋدانى حالىقتى وزەك ەتۋ سىندى دامۋ تانىمىن جاپپاي دايەكتىلەندىرىپ، حالىق بۇقاراسىنىڭ نازار اۋدارىپ وتىرعان ىستەرى مەن ءۇمىت – تىلەگىن تياناق ەتىپ، ستيلدە بۇرىلىس جاساپ، حالىق جاعدايىن ۇعىسىپ، ستيلدى وزگەرتۋ ارقىلى قىستاقتارعا بارىپ حالىقتىڭ قيىنشىلىعىن شەشىپ، مۇڭ – مۇقتاجىن ۇعىنىپ، وتباسىن ارالاپ حالىقتى ۋايىمنان ارىلتتى. بيىلعى جىلدىڭ العاشقى 5 ايىندا پارتيالى كادرلار بۇقارانىڭ ءبىر مىڭ 229 قيىنشىلىعىن شەشىپ، بۇقارانى ۋايىمنان ارىلتىپ، ءىس جۇزىندىك ارەكەتى ارقىلى بۇقارانىڭ شىنايى القاۋىنا بولەندى.

    شىراق جارىق ەتكەندە ۋ كاريا كوزىنە جاس الدى

    شىنايى قامقورلىق جۇرەكتى تەربەدى. 2 – ايدىڭ 22 – كۇنى تۇتاس اۋداننىڭ ستيلدى وڭاۋ – رەتتەۋ جونىندەگى جۇمىلدىرۋ ماجىلىسىندە «بۇقارانىڭ شارۋاسىن ءوز شارۋاڭ سياقتى تىندىرساڭ، بۇقارا سەنى ءوز جاناشىرىنداي كورەدى» دەپ ايتىلعان اۋدان باسشىلارىنىڭ ءسوزى وسى اۋداننىڭ قارابۋرا قالاشىعى كەمە اۋزى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەتى اترەتىنىڭ مۇشەسى چىن جۇننىڭ قۇلاعىنان الىگە دەيىن كەتپەيدى.

    «الاڭسىز بولىڭىز، ۋ كاريا، ءسىز تاپسىرعان ءتورت ءىستى ءادىس – امال قاراستىرىپ، ءبىر – بىرلەپ شەشەمىن، كۇرىش، ۇن، كومىر سياقتى تۇرمىستىق تۇتىنۋ بۇيىمدارىن ەرتەڭ جەتكىزىپ بەرەمىن»، - دەدى چىن جۇن ۋ جىڭميڭگە ءتۇسىندىرىپ.

    2 – ايدىڭ 25 – كۇنى ەڭ تومەنگى تەمپەراتۋرا نولدەن تومەن 19 سەلتسي گرادۋسقا ءتۇستى، چىن جۇن ساعات 12 دە ۋ جىڭميڭ كاريانىڭ ۇيىنە العاش رەت كەلىپ جاعداي ۇعىستى. «جاعاتىن كومىر جوق، ەلەكتر دە، ۇن دا جوق» دەپ ۋ جىڭميڭ ءوز قيىنشىلىعىن ايتىپ جاتتى. ەرتەسى چىن جۇن ءبىر توننا وتىندىق كومىر جانە كۇرىش، ۇن سياقتى تۇرمىستىق قاجەتتى تۇتىنۋ بۇيىمدارىن كاريانىڭ ۇيىنە جەتكىزىپ بەردى.

    ۇعىسۋعا قاراعاندا، بۇل قىستاق ەلەكتر سىمىن جاڭالاعان مەزگىلدە ۋ جىڭميڭ سىرتتا بولىپ، بايلانىس جاساۋعا مۇمكىندىك بولماعاندىقتان ۇيلەرىنە ەلەكتر ساعاتى ورناتىلماي قالعان، ەلەكتر سىمى دا تارتىلماعان. «ەلەكتر ساعاتىن جاڭادان ورناتۋعا ءوتىنىش بەرۋ قاجەت، ۋاقىتتى دا سارىپ ەتەدى، الدىمەن ەلەكتر سىمىن كورشى ۇيدەن جالعاپ، ۋ كاريانىڭ قازىرگى قيىنشىلىعىن شەشە تۇرعانىمىز ءجون بولار» دەپ ويلادى چىن جۇن 3 كۇننەن كەيىن 20 مەترگە جەتپەيتىن ەلەكتر سىمى كورشىسى سا يۇيچياڭنىڭ ۇيىنەن تارتىلدى، چىن جۇن تاعى ۋ كاريانىڭ ءبىر جىلدىق ەلەكتر اقىسىن ءۇن – ءتۇنسىز تولەپ قويدى. ەلەكتر جانعان ساتتە ۋ كاريا اسەرلەنگەنىنەن كوزىنە جاس الدى.

جاۋاپتى رەداكتور: گۇلدەن ماقسات قىزى