شي جينپيڭ 2019 - جىلعى دۇنيە جۇزىلىك جاڭا ەنەرگيالى اۆتوكولىك جينالىسىنا قۇتتىقتاۋ حاتىن جولدادى

  • كەلۋ قاينارى: ىلە گازەتى
  • 03:03:07 04/07/2019

 

    شينحۋا اگەنتتىگىنىڭ 7 – ايدىڭ 2 – كۇنى بەيجيڭنەن بەرگەن حابارى. 2019 – جىلعى دۇنيە جۇزىلىك جاڭا ەنەرگيالى اۆتوكولىك جينالىسى 7 – ايدىڭ 2 – كۇنى حايناننىڭ بو – اۋىندا اشىلدى. مەملەكەت ءتوراعاسى شي جينپيڭ قۇتتىقتاۋ حاتىن جولداپ، جينالىستىڭ اشىلعاندىعىن قىزۋ قۇتتىقتايتىندىعىن ءبىلدىردى.

    شي جينپيڭ بىلاي دەپ اتاپ كورسەتتى: قازىر جاڭا كەزەكتى عىلىم – تەحنيكا توڭكەرىسى مەن كاسىپ وزگەرىسىنىڭ تۋىنداۋىنا، وركەندەۋىنە ىلەسە جاڭا ەنەرگيالى اۆتوكولىك كاسىبى جەدەل دامۋدىڭ جاڭا ساتىسىنا ءوتتى، بۇل ءار ەل ەكونوميكاسىنىڭ ارتۋىنا اسا كۇشتى جاڭا قوزعاۋشى قۋات قوسىپ قانا قويماي، پارنيكتىك گازداردىڭ ىعىستىرىلىپ شىعۋىن ازايتىپ، كليمات وزگەرىسىنىڭ سىن – سايىسىنا توتەپ بەرىپ، الەمدىك ەكولوگيالىق ورتانى جاقسارتۋعا دا سەپتىگىن تيگىزدى.شي جينپيڭ بىلاي دەپ باسا دارىپتەدى: جۇڭگو جاسىل، تومەن كومىرتەكتى، باياندى دامۋ جولىمەن جۇرۋگە تاباندى بولىپ، حالىقارالىق قوعاممەن بىرگە، جاڭا ەنەرگيالى اۆتوكولىك عىلىم – تەحنيكاسىندا جاڭالىق اشۋدى جانە قاتىستى كاسىپتەردىڭ دامۋىن جەدەل ىلگەرىلەتىپ، تازا دا كورىكتى دۇنيە ءجۇزىن قۇرۋعا، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋگە اناعۇرلىم كەسەك ۇلەستەر قوسۋدى قالايدى. قوناقتاردىڭ ىشكەرىلەي پىكىر اۋىستىرىپ، ورتاق تانىم ۇيىستىرىپ، جاڭا ەنەرگيالى اۆتوكولىك كاسىبىندە اۋىس – كۇيىستى، سەلبەستىكتى تەرەڭدەتىپ، جاسامپاز عىلىم – تەحنيكانىڭ دامۋ جەتىستىكتەرى ارقىلى دۇنيە جۇزىندەگى ءار ەل حالىقتارىنا اناعۇرلىم مول باقىت جاراتۋىن ءۇمىت ەتەمىن.

جاۋاپتى رەداكتور: گۇلدەن ماقسات قىزى