سارا تۋىندى شىعارماشىلىعىن ءىس جۇزىندە ىلگەرىلەتەيىك

  • كەلۋ قاينارى: ىلە گازەتى
  • 04:35:57 14/07/2019

 

    لي يۇنلەي

    وزەكتى وي:

    ٴبىزدىڭ جاسامپازدىق جاراتۋشىلارىمىز سۋبيەكتيۆتىك بەلسەندىلىگى مەن جاسامپازدىق قابىلەتىن تولىق ساۋلەلەندىرىپ،ٴداۋىر تاجىريبەسى مەن حالىق تۇرمىسى جونىندەگى ٴومىر كەشىرمەلەرىن ۇزدىكسىز كەڭەيتىپ، يدەيالىق ىزدەنىس پەن كوركەمونەردە جاڭالىق جاراتۋعا تاباندى بولعاندا عانا اناعۇرلىم كوپ كوركەمونەرلىك سارا تۋىندىلارىن حالىققا ارناي الادى.

    شي جينپيڭ جولداس ساياسي ءماسليحات كەڭەسى مەملەكەتتىك 13 – كەزەكتى كوميتەتىنىڭ 2 – رەتكى ماجىلىسىنە قاتىناسقان مادەنيەت جانە ادەبيەت – كوركەمونەر، قوعامدىق عىلىم سالاسىنداعى ۋاكىلدەرگە امانداسا بارعاندا «تورتكە تاباندى بولۋ» تالابىن العا قويدى. سونىڭ ءبىرى «حالىققا سارا تۋىندىلار تارتۋ ەتۋگە تاباندى بولۋ» تالابى بولاتىن. ادەبيەت – كوركەمونەردە سارا تۋىندى قالاي شىعادى؟ ماقالا اۆتورى جاسامپازدىق جاراتۋشى سۋبيەكتىسىنىڭ ساۋلەلەنۋى، ونىڭ ومىرگە جاناسۋىنىڭ تەرەڭدىگى مەن كەڭدىگى، يدەيالىق جاقتاعى سانالى تالپىنىسى سياقتى تۇرعىلاردان بۇل ماسەلە جونىندەگى ءوز تانىمى مەن ويلارىن بىزبەن ءبولىسىپ وتىر.

    – رەداكتوردان

    «گۇلدەنگەن تاڭ اۋانىن» ءسوز ەتسەك، لي باي، دۋ فۋ، ۋاڭ ۋيلاردى اۋىزعا الامىز؛ «ۋي، جيننىڭ تىنىس – لەبىن» ءسوز ەتسەك، «بامبۋك ورمانىنداعى جەتى بىلگىر» سياقتىلار ويعا ورالادى. شىنتۋايتىندا دا بۇل كلاسسيك جازۋشىلار مەن شىعارمالار ءبىر ءداۋىردىڭ وزىندىك مىنەزى مەن دارالىعىن تىكە بەينەلەگەن.ءبىر جاسامپازدىق يەسى جونىنەن العاندا، سارا تۋىندى جازا الۋى، ءتىپتى، ءبىر داۋىرگە ۋاكىلدىك ەتەتىن كلاسسيكالىق شىعارما تۋدىرا الۋى، ءبىر جاعىنان، ونىڭ ءوز باسىندىق سۋبيەكتيۆتىك قۇلشىنىسىنا، ەندى ءبىر جاعىنان، شىعارماشىلىق ىزدەنىسى مەن ءداۋىر رۋحىنىڭ ءوزارا سايكەس كەلۋ دەڭگەيىنە بايلانىستى بولادى. بىلايشا ايتقاندا، بۇل – سارا تۋىندى شىعارماشىلىعى كوپتەگەن نازاريالىق جانە امالياتتىق ماسەلەلەرگە ءدوپ كەلەدى دەگەن ءسوز. بۇلار ءبىزدىڭ تەرەڭ دە ەگجەي – تەگجەيلى جۇيەلەپ، تالداۋ جاساۋىمىزدى قاجەت ەتەدى.

    بيىككە تالپىنىس

    ءبىرىنشى، سارا تۋىندى مەن اۆتوردىڭ قاتىناسى. سارا تۋىندى جاراتۋ – ءاربىر اۆتوردىڭ تالپىنىسى. سوندىقتان، سارا تۋىندى دۇنيەگە كەلۋ ءۇشىن كوركەمونەر زاڭدىلىعىنا، اۆتوردىڭ دارالىعى مەن سۋبيەكتىسىنە، ءسوزسىز، قۇرمەت ەتىلۋى كەرەك.

جاۋاپتى رەداكتور: گۇلدەن ماقسات قىزى