سارا تۋىندى شىعارماشىلىعىن ءىس جۇزىندە ىلگەرىلەتەيىك

  • كەلۋ قاينارى: ىلە گازەتى
  • 04:35:57 14/07/2019

 سارا تۋىندى تالابى العا قويىلعاندا تەك نەنى جازۋ، قالاي جازۋ جاقتارى عانا دىتتەلمەيدى، مۇنىمەن قوسا اۆتوردىڭ جەڭىلتەكتىك كۇيدەن ارىلۋىنا دەم بەرىلەدى، ادەبيەت – كوركەمونەر سالاسىنداعى كورىلىمدىك، تىلەكتىك مولشەردى جانە بەلەت سانىن بارىنشا جوعارىلاتۋعا تىراشتانۋ نىسايىنىڭ جويىلۋى تەزدەتىلەدى، قوعامنىڭ ءار سالاسىنداعىلاردىڭ ادەبيەت – كوركەمونەردىڭ ماڭىزدىلىعى جٶنىندەگى تانىمىن جوعارىلاتىپ، كوركەمونەرلىك جاڭالىق اشۋ جانە شىعارماشىلىق ىستەرىنە جالپى تۇلعالىق جاقتان باسا ءمان بەرىلەتىن الەۋمەتتىك اۋاننىڭ قالىپتاسۋى ىلگەرىلەتىلەدى. وسى ارقىلى اۆتور سۋبيەكتىسىنىڭ تولىق ساۋلەلەنۋىنە تاماشا شارت – جاعداي جاسالادى. ءبىزدىڭ مىناۋ قارىشتاپ دامىپ بارا جاتقان وزگەرىسكە تولى داۋىرىمىزدە بار زەيىن، بار پەيىلىن سالىپ تۋىندى جاراتۋ شەشۋشى تەتىك بولىپ تابىلادى. بۇل داۋىردە سارا تۋىندى شىعارماشىلىعىن دارىپتەۋدىڭ ءوزىن ۋاقىت سيپاتىندىق دالمە – دالدىكتى دارىپتەۋ دەۋگە دە بولادى. سان قۋعاننان ساپا قۋعان ارتىق؛ مىڭدى شالعاننان ءبىردى جىققان ارتىق؛ ءوز بيىگىندە اينالسوقتاعاننان شىرقاۋ شىڭعا يەك ارتقان ارتىق.

    البەتتە، شىرقاۋ شىڭعا كەزكەلگەن ادام شىعا بەرمەيدى. ءبىراق باتىلدىقپەن شىڭعا شىعۋ سىندى كوركەمونەرلىك تالپىنىس اركىمدە دە بولۋعا ءتيىس. بۇل تالپىنىس وعان جاڭا كوز ايا، جىگەر – قايرات، باتىلدىق سيلايدى. وسى سەبەپتەن دە ليۋ چيڭ «تۇقىم سىڭىرۋدەن» كەيىن «شارۋاشىلىق قۇرۋدى»، لۋ ياۋ «ومىردەن» كەيىن «كادۋەلگى دۇنيەنى»، چىن جۇڭشى «سەنىمىنەن» كەيىن «اق بۇعىنىڭ تەگىن» جازىپ، جۇرت قۇرمەتىنە بولەندى. ءسويتىپ ولار تالاي – تالاي زامانداستارىن جانە ءوز – ءوزىن دە باسىپ وزىپ، ءوز شىعارمالارى ارقىلى ادەبيەت پەن رۋحانياتتىڭ دەڭگەيىن ۇزدىكسىز كوتەرە ءبىلدى. وسىنداي ماننەن العاندا، سارا تۋىندى شىعارماشىلىعى ءارى قوعام قاجەتىنىڭ ءارى اۆتوردىڭ ءوز – وزىنە ارتقان تالابى مەن ءۇمىتىنىڭ ناتيجەسى بولىپ تابىلادى. سوڭعى جىلدارى جيديماجيانىڭ «ماياكوۋسكي» داستانى سياقتى تۋىندىلار بىزگە اۆتوردىڭ ءوز سۋبيەكتىسى مەن جاسامپازدىعىن قالاي تولىق ساۋلەلەندىرىپ، قايتكەندە سارا تۋىندى جاراتا الاتىندىعىن ايقىن ۇعىندىردى.

    مول تاجىريبە

    ەكىنشى، «سارا تۋىندى» مەن ءومىر تاجىريبەسىنىڭ قاتىناسى. تاڭداۋلى ادەبيەت – كوركەمونەر تۋىندىسىندا ومىرشەڭدىك كۇش بولادى. بۇل ومىرشەڭدىك كۇش جاسامپازدىق يەسىنىڭ وزىندىك ءومىر تاجىريبەسىنەن جانە ونىڭ «وبيەكتىلەندىرىلۋىنەن» كەلەدى. بىلايشا ايتقاندا، جاسامپازدىق يەسى ءوزىنىڭ ءاربىر تۋىندىسىنا ءوز ءومىرىن، سەزىمىن، جۇرەك قانىن جۇمسايدى. وسىنداي ۇسىنىلىمدار بولعاندىقتان دا، شىعارمادا كورىنىس تاپقانى تازا وبيەكتيۆ فيزيكالىق دۇنيە بولماستان، سۋبيەكتيۆ بوياۋى بار كوركەم دۇنيە بولىپ شىعادى. مۇنىڭ ىشىندە جاسامپازدىق يەسىنىڭ دۇنيەنى باقىلاۋداعى دارا تۇرعىسى مەن قۇن كوزقاراسى جانە ەستەتيكالىق ءتۇيسىنىسى قامتىلىپ جاتادى.

جاۋاپتى رەداكتور: گۇلدەن ماقسات قىزى