سارا تۋىندى شىعارماشىلىعىن ءىس جۇزىندە ىلگەرىلەتەيىك

  • كەلۋ قاينارى: ىلە گازەتى
  • 04:35:57 14/07/2019

    ءبىز تاڭداۋلى ادەبيەت – كوركەمونەر تۋىندىلارى مەن ءومىر تاجىريبەسىنىڭ قاتىناسىن دارىپتەگەندە، بۇل قاتىناسقا سىرلى سيپات بەرگەلى وتىرعان جوقپىز، قايتا، شىعارما يەسىن جەكە باسىندىق ءومىر تاجىريبەسىنىڭ شىرماۋىنان شىعىپ، نەعۇرلىم مول ءداۋىر تاجىريبەسىن قامتىعان جالپى تاجىريبە اياسىن ونان ارى كەڭەيتۋگە ىنتالاندىرۋدى كوزدەيمىز. ءاربىر جەكە بەلگىلى قوعامدىق قاتىناس پەن قوعامدىق قۇرىلىمدا ءومىر سۇرەدى جانە ونىڭ ءومىر تاجىريبەسى ءوز كولەمىمەن شەكتەلەدى؛ ءداۋىر وزگەرىسى جەكە ادامنىڭ ابدەن تانىس ءوز تاجىريبەلەرىنەن اسىپ كەتكەندە، ەگەر، ءبىز ءومىر تاجىريبەمىزدىڭ اياسىن اشا تۇسپەسەك، ەسكىدەن ارىلا المايمىز دا، بۇل ءداۋىردى قالاي ءتۇسىنىپ، قالاي جايىپ سالارىمىزدى بىلمەي داعدارامىز. ايتالىق، جاساندى زەردە، بيوينجەنەريا، گەن ينجەنەرياسى سەكىلدى عىلىم – تەحنيكالاردان قامال الىندى نەمەسە ولار ءدال قازىر جاڭالانۋ ۇستىندە ، مىنە، بۇلار ادامزات قوعامىنىڭ دامۋىنا وراسان زور اسەر ەتەدى؛ تاياۋ زاماننان بەرى قالىپتاسقان «وكشەلەي ەرىپ وتىرۋ» كوزقاراسى دا جۇڭگونىڭ جاڭا داۋىرگە قادام باسۋى سەبەپتى وزگەرىسكە ۇشىرادى. سونىمەن بىرگە، ءاربىرىمىزدىڭ ويلاۋ داعدىمىز بەن سەزىم قۇرىلىمىمىز دا، تۇرمىس ءتاسىلىمىز دە بىرتىندەپ وزگەرىپ كەلەدى؛ قالا – قالاشىقتانۋ ءۇردىسىنىڭ ىلگەرىلەۋىنە بايلانىستى «قىر – قىستاق جۇڭگو» سيپاتىندا دا ەلەۋلى بۇرىلىستار بولىپ جاتىر... مىنە، بۇلاردىڭ ءبارى بۇرىن بولىپ كورىلمەگەن قۇبىلىستار.

    وسىناۋ جاڭا قۇبىلىستاردىڭ ءبارى ءدال قازىر ءبىزدىڭ باسىمىزدان ءوتىپ جاتقان تىڭ تاجىريبەلەر بولىپ تابىلادى ءارى بۇلار جۇڭگونىڭ دا، ءداۋىردىڭ دە، تۇتاس ادامزاتتىڭ دا تىڭ تاجىريبەلەرى ەسەپتەلەدى. ەگەر، بۇلاردى ءبىز ءومىر تاجىريبەمىزدىڭ كولەمىنە ەنگىزە الماي، جەكە ءومىر تاجىريبەمىزدە قاتىپ – سەمىپ قالا بەرسەك، مۇنىمىز تىم جالاڭ – جاداعايلىققا، تار ورىستىلىككە سوقتىرادى. شىعارماشىلىقپەن شۇعىلدانۋشىلارىمىز، ەگەر، داۋىردەن، قورشاعان ورتادان ءنار الۋ ارقىلى ءوز ءومىر تاجىريبەسىن بايىتپايتىن بولسا، ادەبي شىعارماشىلىق شىنارىنىڭ تامىرىن تەرەڭگە جىبەرىپ، ماۋەلەۋى قيىنعا سوعادى. ءبىر قۋانارلىق ءجايت: چىن يان جازعان «ساحنا جابدىقتاۋ» سياقتى سوڭعى جىلدارى جارىققا شىققان شىعارمالاردان ءبىز وسى زامانعى جازۋشىلاردىڭ ءوز ءومىر ءتۇيسىنىسىنىڭ ءورىسىن ۇزدىكسىز كەڭەيتىپ، ءداۋىر تاجىريبەسىنە قول جەتكىزۋگە قۇلشىنعاندىعىنا كوز جەتكىزە الامىز.

    ەگجەي – تەگجەيلى وي جۇگىرتۋ

    ءۇشىنشى، سارا تۋىندى مەن يدەيالىق ىزدەنىستىڭ قاتىناسى. سارا تۋىندى دەلىنەتىن شىعارمالاردىڭ، تەگىندە «يدەيالىلىعى تەرەڭ، كوركەمدىگى كەمەلدى، جازىلۋى ساپالى» بولۋعا ءتيىس. مۇنداعى «يدەيالىلىعى تەرەڭ بولۋ» دەگەندە شىعارما يەسىنىڭ وي جۇگىرتۋىنىڭ تەرەڭ دە ەگجەي – تەگجەيلى بولۋى، وسى ارقىلى وقىرماننىڭ دۇنيەنى باقىلاۋىنا پايدالى تۇرعى باعىشتاۋى مەڭزەلەدى. مىسالى، تولستوي مەن دوستويەۆسكيدى ايتساق، ولاردىڭ ەكەۋىندە دە وزىندىك يدەيالىق كوزقاراس جانە دۇنيەنى بورشالايتىن دارا تۇرعى بولعان. ەندەشە، ولاردىڭ يدەياسى قايدان كەلگەن ؟ ولاردىڭ يدەياسى ادام ءومىرى جانە قوعامدىق ماسەلەلەر جونىندەگى وي – تولعانىسىنان كەلگەن.

جاۋاپتى رەداكتور: گۇلدەن ماقسات قىزى