سارا تۋىندى شىعارماشىلىعىن ءىس جۇزىندە ىلگەرىلەتەيىك

  • كەلۋ قاينارى: ىلە گازەتى
  • 04:35:57 14/07/2019

    بۇل – ولاردىڭ يدەيالىق كوزقاراسى مەن قوعامدىق رەالدىقتىڭ توعىسۋىنىڭ ناتيجەسى. تولستوي مەن دوستويەۆسكي رەسەي ءدال ءداستۇرلى قوعامنان قازىرگى زامانعى قوعامعا اياق باسقان داۋىردە ءومىر ءسۇردى. بۇل داۋىردە « جەكە ادام قالاي ءومىر ءسۇرۋ كەرەك؟ مەملەكەت قاي باعىتقا بەت الۋى كەرەك؟ » دەگەن سياقتى جاڭا ماسەلەلەر تولاسسىز جارىققا شىعىپ جاتقان ەدى. ولاردى تولعاندىرعان وزەكتى تاقىرىپ مىنە وسى بولدى. بۇل ماسەلەلەر جونىندەگى تولعانىس جانە تۇرلىشە يدەيالار اراسىنداعى قاقتىعىستار ولاردىڭ شىعارمالارىنا يدەيالىق ىرگە تاس بولدى جانە اتالمىش تۋىندىلاردىڭ ادامداردىڭ اڭسارىن اۋدارعان اسقاق شىڭعا اينالۋىنا جەبەۋشى بولدى.

    وتكەندە تۇيسىك پەن يدەيانى ءبىر – بىرىنە قارسى قويعان، يدەيا تەرەڭدى‍گىن قاعىس قالدىرىپ، تۇيسىكتىڭ كەرەمەتىنە بوي ۇرعان جازۋشىلار بولدى. قازىر دە كەي جازۋشىلاردىڭ جازعان شىعارمالارىندا ۋاقيعا، اڭگىمە بار، يدەيا جوق. ءبىز تۇيسىكتى وي جۇگىرتۋگە توعىستىرىپ، وي جۇگىرتۋدەن يدەيا قورىتۋىمىز قاجەت. سوندا عانا باي دا كۇردەلى جۇڭگو تاجىريبەلەرىن دۇرىس يگەرىپ، سوندا عانا تىڭ جۇڭگو اڭگىمەسىن ويداعىداي بايانداي الامىز. ءبىزدىڭ جىلى ورىندى سۋىتقىمىز كەلمەيتىن ءداستۇرىمىز، قالا – قىستاق قۇرىلىمدى رەال جاعدايىمىز بار. مىنە وسىنداي قوعامدىق، مادەني، تىلدىك ورتادا ءبىر جۇڭگونىڭ « اۋىل ادامدارىنىڭ قالاعا كىرۋى » تۋرالى اڭگىمەسى باتىستىڭ وسى تۇردەگى اڭگىمەسىنە تابيعي تۇردە ۇقسامايدى. سالىستىرار بولساق، بىزدىكىنىڭ ءمان – مازمۇنى اسا باي، كەيىپكەرلەرىمىزدىڭ ىشكى كەشۋلەرى دە وتە بۇرالاڭ بولىپ كەلەدى. سوندىقتان، ءبىز مۇنداي تاقىرىپتىڭ تامىرىن ءداپ باسىپ ۇستاۋىمىز كەرەك بولادى. مىنە، بۇل اۆتوردان يدەيالىق العىرلىقتى، وي جۇگىرتۋدەگى قابىلەتتىلىكتى تالاپ ەتەدى.

    تامىرلى جاسامپازدىق

    ءتورتىنشى، سارا تۋىندى مەن كوركەمونەرلىك جاڭالىق اشۋدىڭ قاتىناسى. كوركەمونەرلىك جاڭالىق اشقاندا سارا تۋىندى جاراتا قويۋ ەكىتالاي، ءبىراق، سارا تۋىندى جاراتۋ كوركەمونەرلىك جاڭالىق اشۋدان مۇلدە قول ۇزە المايدى. وتكەن عاسىردىڭ 80 – جىلدارىنان بەرى قاراي كوپتەگەن جازۋشى جاڭالىق اشۋعا قۇمارتتى. ءبىراق، سونىڭ كوبى تەك فورما، شەبەرلىك جانە بايانداۋ ءتاسىلى جاقتارىنداعى جاڭالىقتار بولدى. شىنايى جاڭالىق اشۋ دەگەن بەينەلەۋدەگى دالمە – ءدال قاجەتتىلىكتەن تۋىلادى. ياعني اۆتور بەينەلەمەك بولعان مازمۇنىن قازىرگى بار كوركەمدىك امالدار مەن كوركەمدىك ادىستەر ارقىلى بەينەلەۋگە شاراسىز قالعاندا جاڭا ءبىر كوركەمدىك فورمالار مەن ادىستەر ويلاپ تابادى. چەحوۆتىڭ درامالارىندا، لۋ شۇننىڭ « دالا شوبىندە »، سونداي – اق مودەرنيزمنىڭ كوپتەگەن كلاسسيكالىق شىعارمالارىندا دا وسىلاي بولعان.

جاۋاپتى رەداكتور: گۇلدەن ماقسات قىزى