سارا تۋىندى شىعارماشىلىعىن ءىس جۇزىندە ىلگەرىلەتەيىك

  • كەلۋ قاينارى: ىلە گازەتى
  • 04:35:57 14/07/2019

    ءبىزدىڭ كەيبىر جازۋشىلارىمىزدىڭ جاڭالىق اشۋى، تۇپتەپ كەلگەندە، ۇيرەنشىك قانا بولدى. وتكەن عاسىردىڭ 80 – جىلدارى نەگىزىنەن، باتىستىڭ مودەرنيزم ادەبيەتىنەن ۇلگى الدى. جۇڭگو حيكاياسىن اڭگىمەلەۋ دارىپتەلگەندە جۇڭگونىڭ كلاسسيكالىق ادەبيەتىن ۇلگى تۇتتى. ۇلگى الۋ بەلگىلى مەرزىم ىشىندە ءوز – وزىڭنەن ۇيرەنۋگە، ءوز – وزىڭنەن جاڭالىق اشۋىڭا سەپتىگىن تيگىزەدى. ءبىراق، وسى زامانعى جۇڭگو ادامدارىنىڭ تىنىس – تىرشىلىگى مەن جان دۇنيەسىن شىنايى اشىپ بەرە المايدى. « ءومىر – شىعارماشىلىقتىڭ بىردەن – ءبىر قاينار كوزى ». تەك ءومىردى، باي دا كۇردەلى ءومىر تاجىريبەسىن تابان تىرەر تياناق ەتكەندە عانا جاڭالىق اشۋدىڭ قوزعاۋشى كۇشىنە يە بولۋعا، سوندا عانا ناعىز سارا تۋىندى جاراتۋعا بولادى. بۇل جاعىندا، لي جيڭ – زىنىڭ « ىشە ءبىلۋ » سياقتى وسى زامانعى شالقىمالارىنىڭ توپتاماسى ەركىن جانە جاندى تۇردە جاڭالىق اشۋدىڭ، «حالىقتىق ەستەتيكاعا» دەگەن تالپىنىستى كوركەم ، سارا تۋىندىعا قالاي اينالدىرۋدىڭ ۇلگىسىن كورسەتتى.

    جۇڭگو ادەبيەت – كوركەمونەرشىلەر بىرلەستىگىنىڭ 10 – قۇرىلتايى مەن جۇڭگو جازۋشىلار قوعامىنىڭ 9 – قۇرىلتايىنىڭ اشىلۋ سالتىندا سويلەگەن سوزىندە شي جينپيڭ جولداس «جۇڭحۋا ۇلتىنىڭ جاڭا داستانىن جازىپ شىعايىق» دەگەن ۇندەۋىن العا قويدى.ءبىزدىڭ قالامگەرلەرىمىز ءوز سۋبيەكتىسى مەن جاسامپازدىق قۋاتىن تولىق ساۋلەلەندىرىپ، ءداۋىر تاجىريبەلەرى مەن حالىق تۇرمىسىنان العان ءومىر تاجىريبەلەرىن ۇزدىكسىز كەڭەيتىپ، يدەيالىق ىزدەنىس پەن كوركەمدىك جاڭالىق اشۋعا مىقتاپ تاباندى بولاتىن بولسا، سوندا عانا حالىققا اناعۇرلىم مول سارا تۋىندى سيلاي الاتىن بولادى.

    «حالىق گازەتىنەن» اۋدارعان

    امانتاي ءابدىقان ۇلى

جاۋاپتى رەداكتور: گۇلدەن ماقسات قىزى