فينانس قۇرىلىمدارى 9 ميلليارد يۋان قارىز اقشا تاراتىپ، شينجياڭنىڭ جازعى استىق ساتىپ الۋىن ”قورعادى“

  • كەلۋ قاينارى: شينجياڭ گازەتى تورابى
  • 08:18:15 15/07/2019

   

      شينحۋا اگەنتتىگىنىڭ 7 - ايدىڭ 13 - كۇنى ۇرىمجىدەن بەرگەن حابارى (ءتىلشى شاڭ شىڭ). تاياۋدا سانجى قالاسى سانگۇڭ قالاشىعى نانتوۋگۇڭ قىستاعىنىڭ تۇرعىنى لي زويۇي سانجى مەملەكەتتىك زاپاس استىق ساقتاۋ قويماسى ورتالىق قامباسىنا كەلىپ، 4 توننا ءبيداي ساتتى، اقشاسى 3 كۇندە بانكە كارتچكاسىنا كىردى.

    ”استىق ديقاندارى’استىعىن ساتىسىمەن، اقشاسى قولىنا ءتيدى‘،’اق تالون‘ بەرەتىن جايت كەلمەسكە كەتتى“. سانجى مەملەكەتتىك زاپاس استىق ساقتاۋ قويماسى ساقتاۋ ءبولىمىنىڭ باستىعى جاڭ شۋگۋاڭ بىلاي دەدى: بيىل جازعى استىق ساتىپ الۋ قىزمەتى ءساتتى جۇرىلۋدە، مۇنى فينانس قۇرىلىمدارىنىڭ زور كۇشپەن قولداۋىنان بولە قاراۋعا بولمايدى.

    ساندى مالىمەتكە قاراعاندا، 6 - ايدىڭ سوڭىنا دەيىن شينجياڭ فينانس قۇرىلىمدارى جازعى استىق ساتىپ الۋعا سەنىمدىلىك بويىنشا تاراتقان قارىز اقشاسى مولشەرمەن 9 ميلليارد يۋان بولعان، مۇندا جۇڭگو اۋىل شارۋاشىلىق وركەندەتۋ بانكەسى شينجياڭ بولىمشە بانكەسى جازعى استىق ساتىپ الۋعا سەنىمدىلىك بويىنشا تاراتقان قارىز اقشاسى %89تى ۇستاعان.

    جەرگىلىكتى مەملەكەتتىك استىق ساتىپ الۋ كاسىپورنى رەتىندە، بيىل سانجى حۇيزۋ اۆتونوميالى وبلىستىق استىق، ماي ساتىپ الۋ - ساتۋ (توبى) شەكتى جاۋاپكەرشىلىك سەرىكتەستىگى جۇڭگو اۋىل شارۋاشىلىق وركەندەتۋ بانكەسى شينجياڭ بولىمشە بانكەسىنىڭ سەنىمدىلىك بەرگەن قارجىسىنان ءبىر ميلليارد 450 ميلليون يۋانعا يە بولىپ، سانجى مەملەكەتتىك زاپاس استىق ساقتاۋ قويماسى ورتالىق قامباسىن قامتىعان 74 استىق ساتىپ الۋ تۇيىنىندە ءبيداي ساتىپ الۋ قاجەتىن قاناعاتتاندىردى.

    اۋىل شارۋاشىلىق وركەندەتۋ بانكەسى شينجياڭ بولىمشە بانكەسىنىڭ ورىنباسار باستىعى ۋاڭ جۇن تانىستىرىپ بىلاي دەدى: اۋىل شارۋاشىلىق وركەندەتۋ بانكەسى دايىنداعان جازعى استىق ساتىپ الۋ قارجىسى ءىس جۇزىندىك قاجەتتەن %30 استى ءارى جاسىل ارنا ساياساتى ارقىلى جازعى استىق ساتىپ الۋعا قاجەتتى قارجىنىڭ تياناقتانۋىن الدىمەن قامتاماسىز ەتتى. بيىل اۋىل شارۋاشىلىق وركەندەتۋ بانكەسى تۇتاس رايونىمىزداعى 119 قارىز اقشا تاراتۋ تۇلعالارىنا سەنىمدىلىك بەردى، مۇنىڭ ىشىندە ورتالىققا توتە قاراستى استىق قويماسىنان 16سى، جەرگىلىكتى مەملەكەت يەلىگىندەگى استىق ساتىپ الۋ - ساتۋ كاسىپورنىنان 98ى، كاسىپ سالالانعان باستاماشى مانەرلەۋ كاسىپورنىنان 5ى بار.

    ءتىلشىنىڭ ۇعىسۋىنا قاراعاندا، استىق جيناپ ساقتايتىن كاسىپورىنداردىڭ قارجى توپتاۋى، سەنىمدىلىگىن ارتتىرۋى ءۇشىن، 2018 - جىلدان باستاپ، اۆتونوميالى رايوننىڭ قازىنا تاراۋلارى، جەرگىلىكتى ۇكىمەت، مەملەكەت يەلىگىندەگى استىق كاسىپورىندارى جانە كولەمدەنگەن مانەرلەۋ كاسىپورىندارى بىرگە قارجى شىعارىپ، استىق ساتىپ الۋعا قاجەتتى قارىز اقشا سەنىمدىلىك كەپىل قورىن قۇرعان. كەپىل اقشا دەمەۋ بولعاننان كەيىن، فينانس قۇرىلىمدارى دا الاڭسىز قارجى بوساتىپ، استىق جيناۋ، ساقتاۋ كاسىپورىندارىنىڭ استىق ساتىپ الاتىن اقشاسى بولۋىنا كەپىلدىك ەتىپ، استىق ديقاندارىنىڭ مۇددەسىن قورعاعان.

جاۋاپتى رەداكتور: گۇلدەن ماقسات قىزى