جاڭا كەزەكتى ينفورماتسيا توڭكەرىسى اۋقىمىن تانيىق جانە يگەرەيىك

  • كەلۋ قاينارى: ىلە گازەتى
  • 06:12:37 17/07/2019

    جاۋ چاڭۋىن

    

    􀡦 بۇگىنگى دۇنيە ينفورماتسيالاندىرۋمەن جاپپاي جاڭالىق اشۋعا جەتەلەيتىن، ينفورماتسيالاندىرۋمەن مەملەكەتتىڭ وزەكتى باسەكەلىك قۋاتىن قايتا قالىپتاستىراتىن جاڭا كەزەڭگە ءدوپ كەلگەندىكتەن، جاڭا كەزەكتى ينفورماتسيا توڭكەرىسى ورلەۋىن قارسى الۋدا.

    􀡦 جاڭا كەزەكتى ينفورماتسيا توڭكەرىسى كاسىپ تەحنيكالىق جۇيەسىندە توڭكەرىستىك وزگەرىس جانە ساۋدا ۇلگىسىندە قامال الۋ سيپاتىندىق جاڭالىق الا كەلىپ، قوعامدىق وندىرىستە ءوندىرىس ءتاسىلىن زەردەلىلەندىرۋ، كاسىپ فورماسىن سيفرلاندىرۋ، كاسىپ شوعىرىن تەكشەلەندىرۋدەي جاڭا ەرەكشەلىگىن ايگىلەدى.

    􀡦 كەيىن دامىعان مەملەكەت ينفورماتسيالاندىرۋ دامۋىنىڭ تاريحي ورايىن مىقتى يگەرىپ، جاڭا كەزەكتى ينفورماتسيا توڭكەرىسى ورلەۋىنە بەلسەنە بەيىمدەلىپ جانە جەتەكشىلىك ەتكەندە عانا، ونى ءساتتى تۇردە قۋىپ جەتۋگە، ءتىپتى، ودان اسىپ تۇسۋگە بولادى.

    

    2013 - جىلى ماككەنسي اقىل - كەڭەس بەرۋ سەرىكتىگى ءبىر زەرتتەۋ بايانداماسىندا بولاشاق تۇرمىستى، ساۋدانى جانە بۇكىل جەر شارى ەكونوميكاسىن وزگەرتۋ مۇمكىندىگى بار 12 ءتۇرلى باي مازمۇندى جاڭا تەحنيكانى مىسالعا الدى، مۇنىڭ باسىم كوبى جاڭا ۇرپاق ينفورماتسيا تەحنيكاسى ەدى. بىرنەشە جىلدىڭ الدىندا، ءبىز جاڭا ونەركاسىپ توڭكەرىسى جونىندە «ءبىر نەگىزدى، كوپ قاناتتى» دەگەن تۇجىرىم جاسادىق، بۇل دا ۇقساس كوزقاراستى نەگىز ەتتى. «ءبىر نەگىزدى» دەگەنىمىز جاڭا ونەركاسىپ توڭكەرىسىنىڭ نەگىزگى قوزعاۋشى كۇشى جاڭا ۇرپاق ينفورماتسيا تەحنيكاسىنىڭ ىشكەرىلەي جانە جاپپاي قولدانىلۋىن كورسەتسە؛ ال «كوپ قاناتتى» دەگەنىمىز جاڭا ۇرپاق ينفورماتسيا تەحنيكاسىنىڭ دامۋى جاڭا ەنەرگيا، جاڭا ماتەريال جانە بيولوگيالىق عىلىم - تەحنيكا سياقتى كوپتەگەن سالالارداعى تەحنيكالىق العاباسارلىقپەن ءوزارا سايكەسىپ، توعىسپالى جاڭالىق جاراتىپ، جاپپاي دامۋىن كورسەتەدى. كەزەكتە تەك جاڭا ۇرپاق ينفورماتسيا تەحنيكاسىنىڭ دامۋى مەن قولدانىلۋى سىندى كورنەكتى ەرەكشەلىكتى يگەرگەندە عانا، قاۋىرت وزگەرىسكە باي ءداۋىرىمىزدى دۇرىس باقىلاۋعا جانە تۇسىنۋگە، سول ارقىلى ينفورماتسيالانعان دامۋدىڭ تاريحي ورايىن يگەرىپ، دامۋ مەن باسەكەنىڭ جاڭا باسىمدىلىعىن قالىپتاستىرۋعا بولادى.

    بۇگىنگى دۇنيە جاڭا كەزەكتى ينفورماتسيا توڭكەرىسى ورلەۋىن قارسى الۋدا

    تەحنيكا مەن كاسىپ تۇرعىسىنان قاراعاندا، بۇگىنگى ادامزات جاساعان ءداۋىر جونىندە كوپتەگەن ۇقساماعان تۇسىنىكتەر ايتۋعا بولادى. الايدا جاڭا ونەركاسىپ توڭكەرىسى، 4 - رەتكى ونەركاسىپ توڭكەرىسى، 2 - رەتكى ماشينا توڭكەرىسى، كەلەسى ۇرپاق ءوندىرىس توڭكەرىسى بولسىن، الدە جاڭا كەزەكتى عىلىم - تەحنيكا توڭكەرىسى جانە كاسىپ وزگەرىسى بولسىن، ونىڭ وزەكتى مازمۇنى جاڭا ۇرپاق ينفورماتسيا تەحنيكاسىنىڭ جاڭالىق جاراتىپ دامۋى جانە ونىڭ ادامزات قوعامىنىڭ ءوندىرىس تۇرمىس تاسىلىنە اكەلگەن وراسان زور ءارى تەرەڭ ىقپالى بولىپ تابىلادى. وسىعان نەگىزدەلىپ مىناداي ءبىر تياناقتى تۇجىرىم جاساۋعا بولادى: بۇگىنگى دۇنيە ينفورماتسيالاندىرۋمەن جاپپاي جاڭالىق اشۋعا جەتەلەيتىن، ينفورماتسيالاندىرۋمەن مەملەكەتتىڭ وزەكتى باسەكەلىك قۋاتىن قايتا قالىپتاستىراتىن جاڭا كەزەڭگە ءدوپ كەلگەندىكتەن، جاڭا كەزەكتى ينفورماتسيا توڭكەرىسى ورلەۋىن قارسى الۋدا.

جاۋاپتى رەداكتور: جازيرا بولاتباي قىزى