مەملەكەتتىك دامۋ جانە رەفورما كوميتەتى كەريا اۋەجايىن جاڭادان سالۋدى بەكىتتى

  • كەلۋ قاينارى: شينجياڭ گازەتى تورابى
  • 03:58:16 18/07/2019

 

   ءتىلشىمىز شى شين 7 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، جۋىقتا مەملەكەتتىك دامۋ جانە رەفورما كوميتەتى كەريا اۋەجايىن جاڭادان سالۋ نىسانىنىڭ جۇزەگە اسۋ مۇمكىندىگىن زەرتتەۋ بايانداماسىن بەكىتكەن.

    بەكىتۋ بايانداماسىندا مىنالار ايقىندالدى: اۆتونوميالى رايوننىڭ جالپىلىق قاتىناس - تاسىمال جۇيەسىن جانە حالىقتىق تاسىمال اۋەجايلارىنىڭ ورنالاسۋىن كەمەلدەندىرۋ، اۆياتسيا تاسىمالىنىڭ دامۋ قاجەتىنە ۇيلەسۋ، توسىن جاعدايلارعا توتەپ بەرۋدى، قۇتقارۋدى، كومەك بەرۋدى قامتاماسىز ەتۋ قابىلەتىن جوعارىلاتۋ، جالپىلىق اۆياتسيانىڭ دامۋ قاجەتىنە تەڭ ءمان بەرۋ، ءوڭىردىڭ ەكونوميكالىق، قوعامدىق دامۋىن جانە ساياحات بايلىعىن اشۋدى جەبەۋ ءۇشىن كەريا اۋەجايىن جاڭادان سالۋعا قوسىلامىز.

    كەريا اۋەجايى ينجەنەرياسى جىلىنا 180 مىڭ جولاۋشى (رەت) قابىلداۋ - جونەلتۋ، 400 توننا زات - پوچتا قابىلداۋ - جونەلتۋ نىساناسى بويىنشا جوبالانعان، ۇشۋ ءوڭىرىنىڭ دارەجە كورسەتكىشى4C. نىسانعا جالپى 760 ميلليون يۋان مولشەرىندە قارجى قوسىلعان. نەگىزگى قۇرىلىس مازمۇنى ۇزىندىعى 3200 مەتر، كەڭدىگى 45 مەتر كەلەتىن ءبىر سىرعىما جولدى، نەگىزگى قونۋ باعىتىناⅠتۇردەگى دالدىك جاقىنداۋ جۇيەسىن ورناتۋدى؛ 3000 شارشى مەتر كەلەتىن اۋەجاي تەرمينالىن جانە 6 ۇشاق ورنى بار تەگىس الاڭقىنى؛ ءبىر نۇسقاۋ مۇناراسىن جانە 800 شارشى مەتر كەلەتىن اۋە جەلىسىن باسقارۋ ورنىن؛ ۇشۋدى مەڭگەرۋ، مايمەن قامداۋ، توكپەن قامداۋ، ءورت ءسوندىرۋ - ورتتەن ساقتانۋ، قۇتقارۋ، كومەكتەسۋ سياقتى قۇرىلعىلاردى سايكەستى قۇرۋدى قامتيدى.

    شينجياڭ اۋەجاي (توبى) شەكتى سەرىكتەستىگى وسى نىساننىڭ زاڭدىق يەسى رەتىندە نىساندى ۇيىمداستىرىپ اتقارۋعا جانە باسقارۋعا جاۋاپتى بولادى.

جاۋاپتى رەداكتور: جازيرا بولاتباي قىزى