شەتەل مەديالارىنىڭ جۇڭگو جٶنىندەگى كوزقاراسى

  • كەلۋ قاينارى: ىلە گازەتى
  • 04:23:59 18/07/2019

  

    _ 2019 - جىلى دۇنيە ءجۇزى جۇڭگونىڭ ەكونوميكاسىنا جاقسى باعا بەردى

 

    كەزەكتە الەمدىك ەكونوميكانىڭ قىسىمى باسەڭدەي باستادى. دۇنيە بانكەسى: الەمدىك ەكونوميكا 2019 – جىلدان باستاپ مەزەتتىك تومەن دەڭگەيدەگى ارتۋ ساتىسىنا قادام تاستاپ، جوعارى جۇيەلى حاۋىپ – قاتەر جولىنا ءتۇستى دەپ قارايدى. حالىقارالىق اقشا قور ۇيىمى دا تاياۋدا بيىلعى جانە كەلەر جىلعى الەم ەكونوميكاسىنىڭ ارتۋ مەجەسى تومەندەگەنىمەن، جاڭا ءبىر جىلدا دامۋ ماسەلەسى ءالى دە الەمنىڭ جاپپاي نازار اۋداراتىن قولامتالى ءتۇيىن بولاتىنىنا كۇمان جوق.

    ورنىقتىلىق بارىسىنداعى وزگەرىس الدىندا 2018 – جىلعى جۇڭگو ەكونوميكاسى تۇلعالىق ورنىقتىلىقتى ساقتاپ، بايسالدى ىلگەرىلەۋدەي ناتيجەگە قول جەتكىزدى. جۇڭگو مەملەكەتتىك ساناق مەكەمەسىنىڭ كۇن ىلگەرى جاريالاعان ەكونوميكالىق ساندىق مالىمەتىندە كورسەتىلۋىنشە، 2018 – جىلى جۇڭگو ەكونوميكاسىنىڭ جالپى مولشەرى تۇڭعىش رەت 90 تريلليون يۋاننان اسىپ، وتكەن جىلداعىدان %6.6 ارتىپ، ارتۋ قارقىنى الەمدەگى الدىڭعى بەس ۇلكەن ەكونوميكالىق تۇلعانىڭ الدىڭعى ورنىن يەلەگەن. جۇڭگونىڭ ەكونوميكالىق ساندى مالىمەتى شەتەل مەديالارىنىڭ جاپپاي نازارىن اۋداردى، ولار جۇڭگو ەكونوميكاسىنىڭ بەتالىسى ورنىقتى، ىشكى قاجەتتىلىك پەن جاڭالىق جاراتۋ قوزعاۋشى كۇشى باياندى ارتۋدا، دامۋى توتەنشە تەبىندى، دۇنيە جۇزىنە بولعان بەلسەندى ىقپالى بارعان سايىن ارتا تۇسۋدە دەپ قارادى.

    «جۇڭگو جاڭالىق جاراتۋداعى ەكونوميكالىق ءىرى ەلگە اينالىپ ۇلگىردى، جوعارى عىلىم - تەحنيكالىق جاساۋ كاسىبى جوعارى جىلدامدىقتا دامۋدى ساقتادى». گرەتسيا «اقپارات گازەتى» دۇنيە جۇزىلىك ءبىلىم مەنشىك ۇقىعى ۇيىمى جاريالاعان 2018 – جىلعى الەمدىك جاڭالىق جاراتۋ ساندىق مالىمەتىنەن سيتات كەلتىرگەن بايانداماسىندا: «جۇڭگو الەمدەگى ەڭ مىقتى جاڭالىق جاراتۋشى 20 ەكونوميكالىق تۇلعانىڭ قاتارىنان بوي كورسەتتى؛ جاڭالىق جاراتۋدىڭ جۇڭگونىڭ دامۋىنداعى جەتەكشىلىك رولى كۇشەيىپ، جاڭا كاسىپ قالىبى، جاڭا ۇلگى ارىنداي دامىپ، سيفرلى تۇتىنۋ، ەلەكتروندىق ساۋدا، وسى زامانعى قامداۋ جەلىسى، ينتەرنەتتىك فينانس سياقتى تەحنيكالار ءوزارا توعىسىپ، تەكشە ەكونوميكاسىنىڭ، ورتاق يگىلىكتەنەتىن ەكونوميكانىڭ، زەردەلى ەكونوميكانىڭ دامۋىن ءونىمدى جەبەدى» دەپ اتاپ كورسەتتى.

    جۇڭگو ەكونوميكاسى جوعارى قارقىندى دامۋ ساتىسىنان جوعارى ساپالى دامۋ ساتىسىنا قاراي ورنىقتى قادام تاستادى، قامداۋ جاعىنداعى قۇرىلىمدىق رەفورما ىشكەرىلەي ىلگەرىلەتىلىپ، ەكونوميكالىق دامۋدىڭ ساپاسى ۇزدىكسىز جاقساردى. «بىرلەسكەن تاڭ گازەتى»: «سىرتقى ورتا الماعايىپ كۇردەلى بولعانىمەن، الايدا جۇڭگو ەكونوميكاسى باياندى اقاۋسىز دامۋىن ساقتادى» دەپ كورسەتتى.

جاۋاپتى رەداكتور: گۇلدەن ماقسات قىزى