چاپچالداعى جاس جەمىس ءوتىمدى بولۋدا

  • كەلۋ قاينارى: ىلە گازەتى
  • 05:13:41 01/08/2019

     ءتىلشىمىز دۋ لەي

 

    جۇزىنەن كۇلكى لەبى ەسكەن سايۋيشى ورمان، ەگىن شارۋاشىلىعى كاسىپتىك سەلبەستىك كووپەراتيۆىنىڭ باس القاسى ليۋ يىڭ كوپشىلىككە: «تالاسپاڭىزدار، تالاسپاڭىزدار، بارلىقتارىڭىزعا جەتەدى» دەپ جاتىر. 7 – ايدىڭ 17 – كۇنى چاپچال سىبە اۆتونوميالى اۋدانى سايۋيشى ەگىن، ورمان شارۋاشىلىعى كاسىپتىك سەلبەستىك كووپەراتيۆىنىڭ اعاش بۇتاعىندا قۇرعايتىن ورىك ەگۋ بازاسىندا ماشيناعا تيەلگەن، ەندى عانا قاعىپ الىنعان قۇرعاق ورىكتەر تۇرگە ءبولىنىپ، جونەلتۋ ورنىنا جەتكىزىلدى، بەيجيڭ، گۋاڭجوۋدان كەلگەن ساۋداگەرلەر ءدامى ءتىل ۇيىرەتىن، اعاش بۇتاعىندا قۇرعايتىن ورىكتى اۋىز جاپپاي ماقتاستى.

    ليۋ يىڭ تىلشىگە بىلاي دەدى: « بيىل سايۋيشى ەگىن، ورمان شارۋاشىلىعى كاسىپتىك سەلبەستىك كووپەراتيۆىندەگى اعاش باسىنداعى قۇرعاق ورىكتى تەرۋ، جيناۋ قىزمەتى 7 - ايدىڭ 10 - كۇنى باستالدى، بۇل وبلىسقا توتە قاراستى باسقا بازالارداعى اعاش بۇتاعىندا قۇرعايتىن ورىكتى تەرۋ، جيناۋ ۋاقىتىمەن سالىستىرعاندا جارتى ايعا جۋىق كەشەۋىلدەدى، ءىشىنارا بازالارداعى ورىكتى جيناۋ نەگىزىنەن اياقتالدى، ءار جەردىڭ ساۋداگەرلەرى اعىلىپ كەلگەندىكتەن بازاداعى اعاش بۇتاعىندا قۇرعايتىن ورىك وتە ءوتىمدى بولدى».

    ليۋ يىڭ تاعى: «ەرەكشە جەمىس ورمان شارۋاشىلىعىن دامىتۋدا باسقارۋ جاقسى بولسا، ساتۋ جولىنان الاڭداماسا دا بولادى. ءبىز بۇكىل بارىس بويىنشا ورمان جەمىسىن باپتاپ، دەرت – دەربەزدەن ساقتانۋدى كۇشەيتتىك. سەلبەستىك كووپەراتيۆىمىزدە اعاش بۇتاعىندا قۇرعايتىن ورىك كولەمى ءبىر مىڭ 50 مۋ بولىپ، جەمىس بەرۋ مەزگىلىنە ەندى عانا قادام تاستادى، مۋ باسىندىق ءونىمى 500 كيلوگرام بولىپ، ءبىرىنشى دارەجەلى جەمىس %80 كە جەتتى، ءار كيلوگرامىنىڭ ساتىلۋ باعاسى 12 يۋان بولدى».

    بەيجيڭنەن كەلگەن ساۋداگەر لي ۋيچىڭ جۇمىسشىلارعا مۇقيات ءارى تەز ءبولۋدى تاپسىرۋدا. «بەيجيڭدىك تۇتىنۋشىلار ىلەنىڭ اعاش بۇتاعىندا قۇرعايتىن ورىگىن تۇتىنعاننان كەيىن ەرەكشە جوعارى باعا بەردى. بيىل تاعى كەلدىم، بۇل اراداعى كۇندىز بەن تۇنگى تەمپەراتۋرا پارقى زور بولعاندىقتان، جەمىس ونىمدەرىنىڭ تاتتىلىك دارەجەسى جوعارى ءارى ساقتاۋعا شىدامدى» دەدى لي ۋيچىڭ.

    ليۋ يىڭ بىلاي دەدى: «قازىر بىرنەشە كاسىپورىن كووپەراتيۆپەن تاپسىرىس توقتامىن جاساستى، كەيبىر كاسىپورىندار جاس جەمىس - جيدەكتى تۇگەلىمەن ساتىپ الماقشى دا بولدى، الايدا، كووپەراتيۆىمىز بۇدان كەيىنگى دامۋدى كوزدە ۇستاپ، جاس جەمىستەردى بىرنەشە كاسىپورىنعا ساتىپ بەردى.

جاۋاپتى رەداكتور: گۇلدەن ماقسات قىزى