قامقورلىقتىڭ قارىمجىسىن قايتارىپ، ءبىر ءوڭىردىڭ سالاماتتىعىن قورعادى

  • كەلۋ قاينارى: شينجياڭ گازەتى تورابى
  • 10:52:02 08/08/2019

    − باي اۋدانى كاڭچي اۋىلى ءسابدۇن قىستاعىنىڭ شيپاگەرى شيا جۇڭحۇي تۋرالى

    جانىمىزداعى ۇلگىلەر

    ءتىلشىمىز جاڭ جىلي، ەرىكتى ءتىلشى گۇڭ شيجيە

    

    اق حالاتىن كيىپ، يىعىنا ءدارى قوبديشاسىن اسىنىپ، باي اۋدانى كاڭچي اۋىلىنىڭ ءسابدۇن قىستاعىندا كۇندىز - ءتۇنى دەمەي زىر جۇگىرىپ جۇرەتىن شيا جۇڭحۇي قازىر قىستاقتاعى جانعا جىلۋلىق باعىشتايتىن ادامعا اينالدى.

    1971 - جىلى ”جالاڭاياق شيپاگەر“ بولعاننان قازىرگە دەيىنگى 40 نەشە جىلدا شيا جۇڭحۇي ءوزىن ”ءسابدۇن قىستاعىنىڭ قىزىمىن“ دەپ ويلاپ، اۋىلداستارىنىڭ ناۋقاسىن ەمدەپ، اۋرۋدىڭ الدىن الىپ، ولاردى ۋايىمنان ارىلتىپ، قيىنشىلىقتارىن شەشۋگە كومەكتەستى.

    قىزمەتىن ءسۇيىپ، كاسىبىن قۇرمەتتەپ، بەينەسى كورنەكتى بولعاندىقتان، شيا جۇڭحۇي ىلگەرىندى - كەيىندى اۆتونوميالى رايوننىڭ تاڭداۋلى كوممۋنيستىك پارتيا مۇشەسى، تاڭداۋلى اۋىل - قىستاق شيپاگەرى، ۇلتتار ىنتىماعىنداعى ۇلگىلى جەكە، شينجياڭداعى 10 ۇزدىك انا سياقتى داڭق اتاقتارىنا يە بولدى.

    ■ العىس سەزىمىن جۇرەگىنە تەرەڭ ۇيالاتتى

    6 - ايدىڭ 20 - كۇنى قىستاق تۇرعىنى تۇرعۇن مامەت قىزى ءمارداندى ەرتىپ شيا جۇڭحۇيدى ىزدەپ بارادى، ول: قىزىم جوتەلگەلى 10 نەشە كۇن بولدى، تۇماۋدىڭ ءدارىسىن الىپ بەرگەن ەدىم، ءبىراق ەشقانداي ءونىمى بولمادى، - دەيدى.

    شيا جۇڭحۇي ءمارداننىڭ ناۋقاس جاعدايىن ەگجەي - تەگجەيلى تەكسەرگەننەن كەيىن، ءماردانعا مۇرىن قابىنعان دەگەن دياگنوز قويىپ، وعان مۇرنىنا الاقانىنىڭ ىسقىلاعاننان كەيىنگى ىستىعىن وتكىزىپ تۇرۋدى تاپسىرادى، سونداي - اق مۇرىن قابىنۋى اۋرۋىنىڭ ءدارىسىن قوسىپ بەرەدى. 4 كۇننەن كەيىن ءمارداننىڭ جوتەلى تيىلادى، تۇرعۇن قۋانعانىنان شيا جۇڭحۇيعا تەلەفون شالىپ ارنايى العىس ايتادى.

    ”ءار جولى ناۋقاس اۋرۋدان ايىقتى دەگەن حاباردى ەستىگەندە، ىشتەي قاتتى قۋانامىن“، - دەيدى شيا جۇڭحۇي تىلشىگە.

    شيا جۇڭحۇي سىچۋان ولكەسىندەگى ءبىر اۋىل - قىستاقتا تۋعان، 11 جاسىندا اكە - شەشەسى بىردەي قايتىس بولعان. 1964 - جىلى 12 - ايدا ول اۋىلداسىنا ىلەسىپ ءسابدۇن قىستاعىنا كەلەدى، قىستاق تۇرعىنى وسمان يبىرايىم ونىڭ قالشىلداپ توڭىپ، جىلاپ تۇرعانىن كورىپ، ءوز ىشىگىن شەشىپ كيگىزىپ، ۇيىنە ەرتىپ كەلىپ، وعان نان بەرەدى.

جاۋاپتى رەداكتور: جازيرا بولاتباي قىزى