شينجياڭ شەكارا وتكەلدەرىنىڭ شاڭحاي سەلبەستىك ۇيىمىنا مۇشە ەلدەرگە قاراتىلعان ساۋداسى ورنىقتى ارتتى

  • كەلۋ قاينارى: ىلە گازەتى
  • 04:07:49 09/08/2019

    شينحۋا اگەنتتىگىنىڭ 8 - ايدىڭ 3 - كۇنى ۇرىمجىدەن بەرگەن حابارى (تىلشىلەر باي جيالي، دۋ گاڭ). ءۇرىمجى كەدەن مەكەمەسىنىڭ ساندى مالىمەتىندە كورسەتىلۋىنشە، 2019 - جىلدىڭ الدىڭعى جارتىسىندا شينجياڭ شەكارا وتكەلدەرىنىڭ شاڭحاي سەلبەستىك ۇيىمىنا مۇشە ەلدەرگە قاراتىلعان (رەسەي، قازاقستان، قىرعىزستان، تاجىكستان، وزبەكستان، ءۇندىستان، پاكيستان سىندى 7 ەل قامتىلعان، قىسقارتىلىپ «شاڭحاي سەلبەستىك ۇيىمىنا مۇشە ەلدەر» دەلىندى) يمپورت - ەكسپورتى 107 ميلليارد 930 ميلليون يۋان بولىپ، بىلتىرعى ۇقساس مەزگىلدەگىدەن 7.6% ارتقان، مۇندا ەكسپورت 65 ميلليارد 410 ميلليون يۋان بولىپ، 4.3% ارتقان؛ يمپورت 42 ميلليارد 520 ميلليون يۋان بولىپ، 13% ارتقان.

    ءۇرىمجى كەدەنىنىڭ تانىستىرۋىنا قاراعاندا، شينجياڭ شەكارا وتكەلدەرىنىڭ شاڭحاي سەلبەستىك ۇيىمىنا مۇشە ەلدەرگە قاراتىلعان يمپورت - ەكسپورتى 2019 - جىلى 3 - ايدان باستاپ ءۇرتىس 4 اي ۇقساس مەزگىلدەگىدەن ارتقان.

    شينجياڭ شەكارا وتكەلدەرى شاڭحاي سەلبەستىك ۇيىمىنا مۇشە ەلدەرگە قاراتا ادەتتەگى ساۋدا ءتاسىلىن نەگىز ەتكەن ءارى ارتۋى كورنەكتى بولىپ، شينجياڭ شەكارا وتكەلدەرىنىڭ شاڭحاي سەلبەستىك ۇيىمىنا مۇشە ەلدەرگە قاراتىلعان ساۋدا جالپى قۇنى ۇقساس مەزگىلدەگىنىڭ 61.2% ىن يەلەگەن. شەكارا شاعىن ساۋدا ءتاسىلى بويىنشا يمپورت - ەكسپورتى 36 ميلليارد 580 ميلليون يۋان بولىپ، 5% ارتىپ، 33.9% ىن يەلەگەن. مۇندا شينجياڭ كاسىپورىندارى ەكسپورتتا 50% سالىستىرمانى يەلەگەن، شينجياڭ شەكارا وتكەلدەرى ارقىلى شاڭحاي سەلبەستىك ۇيىمىنا مۇشە ەلدەرگە قاراتىلعان يمپورت - ەكسپورت 46 ميلليارد 270 ميلليون يۋان بولىپ، 7.6% ارتىپ، شينجياڭ شەكارا وتكەلدەرىنىڭ شاڭحاي سەلبەستىك ۇيىمىنا مۇشە ەلدەرگە قاراتىلعان ەكسپورت جالپى قۇنى ۇقساس مەزگىلدەگىنىڭ 53.8% ىن يەلەگەن.

    ءۇرىمجى كەدەن مەكەمەسى بىلاي دەپ تالداۋ جاسادى: شينجياڭ شەكارا وتكەلدەرىنىڭ شاڭحاي سەلبەستىك ۇيىمىنا مۇشە ەلدەرگە ەكسپورت ەتكەن تاۋارلارى، نەگىزىنەن، ماشينا - ەلەكتر ونىمدەرى، توقىماشىلىق، كيىم - كەشەك جانە اياق كيىم بولسا، نەگىزگى يمپورت تاۋارلارى شيكى مۇناي، تابيعي گاز سياقتىلار بولدى. شينجياڭ شەكارا وتكەلدەرىنىڭ شاڭحاي سەلبەستىك ۇيىمىنا مۇشە ەلدەرگە قاراتىلعان نەگىزگى ساۋداداعى ەلدەرى قازاقستان، رەسەي جانە قىرعىزستان. ال شينجياڭ شەكاراسى ىشىندەگى الاتاۋ ساعاسى، قورعاس سياقتى شەكارا وتكەلدەر شينجياڭنىڭ شاڭحاي سەلبەستىك ۇيىمىنا مۇشە ەلدەرگە قاراتىلعان ساۋداداعى نەگىزگى شەكارا وتكەلدەرى سانالادى.

جاۋاپتى رەداكتور: جازيرا بولاتباي قىزى